Litla fjölskyldan í Kolding

Smá update :o)

2009-02-28T15:58:00.002+01:00

Jæja ég hef ákveðið að henda inn nokkrum línum þar sem ég hef fengið kvörtun um bloggleysi :o)
Það er alltaf gaman þegar maður fær kvartanir því þá veit maður að það er einhver að lesa þetta bull hjá okkur.

Anywho Inga Rós stækkar með degi hverjum og finnst lang skemmtilegast að synga og dansa. Hún syngur fyrir okkur, Allir krakkar, litalagið, Dvel ég í Draumahöll og Sofðu unga ástin mín. En hennar uppáhalds lag er Mamma Mia og hún biður alltaf um að það sé spilað og tjúttar svo við það og syngur með. Enda er hún búin að sjá myndina 2 sinnum. Bara gaman að henni.

Það verður nóg að gera hjá okkur næstu vikurnar. Eftir 2 vikur ætlum við að fara með yfirmanni Finns og konu hans í skíðaferð til Livigno á Ítalíu. Inga Rós fær að koma með og hlakka ég til að leyfa henni að prufa renna sér á skíðum.
Svo förum við mæðgur rúmri viku seinna til Íslands svo það er nóg að gera. Ég mun svo skrifa ritgerðina mína svona inn á milli ferðalaga.

Núna byrja 30 afmælin að byrja í vinahópnum okkar og er Finnur Yngvi er sá fyrsti. Svo við óskum honum innilega til hamingju með stór áfangann.

Jæja ætla láta þetta gott heita í bili.

Þar til næst
See ya

2009-01-30T14:01:00.002+01:00

Jæja mér datt í hug að henda inn svona eins og einni bloggfærslu þó ég viti ekki fyrir hverja.

Allavega nýja árið er gengið í garð og og mér tókst að enda það gamla og byrja það nýja með veikindum og Inga Rós byrjaði nýja árið einnig með veikindum. En við hristum það af okkur og ég hellti mér í próflesturinn. Ég þurfti að taka 3 próf sem ég náði svo að ég er búin með skólann og þarf því nú bara að skrifa bachelor ritgerðina mína sem ég á að skila í maí.
Svo ég mun eyða næstu mánuðum í brúðkaupsundirbúning og ritgerðarskrif.

Ég og Inga Rós skelltum okkur í helgarferð til Íslands til að koma mömmu á óvart á fimmtugs afmælinu hennar. Þetta tókst ekkert smá vel að mamma varð eiginlega orðlaus þegar hún opnaði dyrnar og sá okkur standa fyrir utan og óska henni til hamingju með afmælið. Ég er bara ekki frá því að við höfum verið langbesta afmælisgjöfin :o)
Við áttum alveg æðislega helgi heima hjá mömmu og pabba og hefði ég alveg verið til í að vera lengur. Ég og mamma og fórum með Ingu Rós í fyrstu bíóferðina sína en við fórum að sjá Skoppu og Skrýtlu sem er í miklu uppáhaldi hjá dömunni. Svo fórum ég og Inga Rós í skírn til Konna og Tinnu en litli prinsinn þeirra fékk nafnið Sveinn. Innilega til hamingju með prinsinn og nafnið.

Ég vona þó að allir þeir sem ég hitti ekki fyrigefi mér það því ég stoppaði svo stutt og vildi eyða tímanum með fjölskyldunni. En ég kem fljótt aftur og stoppa þá aðeins lengur.

Þann 28 janúar þá kom í heiminn lítill(stór) prins sem var gefið nafnið Jónas Thor og er hann sonur Dodda og Hildigunnar. Viljum við óska þeim innilega til hamingju með drenginn.

Jæja ég veit ekki hvað ég skrifa meira svo ég ætla bara slútta þessu núna.

Þar til næst
See ya

Jólin 2008

2008-12-31T14:16:00.002+01:00

Jæja ég ákvað að henda inn svona eins og einu bloggi eða svo, bara af því að árið er á enda.

Við höfðum það mjög kósý hérna í DK um jólin. Jónas frændi minn eyddi jólunum hjá okkur þar sem hann er nýfluttur til Köben til að vinna sem kokkur. Og þar sem honum finnst svo gaman að elda þá eldaði hann ofan í okkur jólamatinn. Við fengum þessa dýrindis humarsúpu í forrétt og dádýr í aðalrétta. Ég fékk að gera ávaxtasalatið mitt góða, en það var svo sem eina sem ég gerði. Og það var ekkert auðvelt að slappa bara svona af og gera ekki neitt. En dádýrið bragðaðist ekkert smá vel. Takk fyrir okkur Jónas.

Það var mikið pakkaflóð undir jólatrénu okkar og auðvitað átti litla skottan 90% af þeim. En hún fékk heilmargt í jólagjöf eins og: Annabell dúkku og dúkkuföt, little people dót, búðarkassa, vatnsteiknibók, kærleiksbjörn, föt, pússluspil og bók. Ekki amalegt

Við skötuhjúin fengum málverk eftir Ingu Rós sem hún gerði hjá dagmömmunni, bækur, ipod dockstation, Georg Jensen óróa, peysu, verkfæri, gjafabréf, make up og DVD diska.

Ég hef nú þurft að vera lesa fyrir próf í þessu jólafríi en það er allt í lagi. Þó er ég reyndar búin að vera veik síðan á mánudaginn svo ég hef ekki verið að lesa mikið síðustu 2 daga fyrir verkjum. ekki gaman þar sem fyrsta prófið er á mánudaginn. Vonandi fer nú þetta að lagast en á meðan bryð ég verkjatöflur og sjússa mig með hóstastillandi meðali.

Kalkúninn er komin inn í ofn og eigum við vona á 5 manns í mat á eftir og ætlum við að bjóða upp á grillaðan humar í forrétt og náttúrulega kalkún og með því í aðalrétt og svo hjemmelaveden tobblerorn ís. Nammi namm.

Jæja ég er að spá í að segja þetta gott í bili og um leið óskum við ykkur gleðilegs nýs árs og hlökkum til að hitta sem flest af ykkur á nýju ári.

þar til næst
See ya

Sitt lítið af hverju

2008-12-08T20:33:00.004+01:00

Jæja þá, ætli það sé ekki best að henda inn einhverjum fréttum af okkur fyrst fólk er byrjað að kvarta. Ég skal reyna að hafa þetta ekki of langt.

Snorri kom í heimsókn til okkar þann 23 nóv. Við fórum reyndar til Köben og náðum í hann og eyddum deginum í skítakulda í Jóla tívolíinu. Inga Rós skemmti sér konunglega þar og talaði látlaust um jólaljósin og julemanden sem hún sá.
Snorri var hjá okkur í viku og skemmtum við okkur konunglega allann tíma. Hér var drukkinn bjór og spilað Monopoly bæði í Wii og á gamla mátann. Snorri endaði reyndar alltaf í jailinu og Finnur þurfti alltaf að borga hátekjuskatt hehehe. Takk Snorri fyrir frábæra viku.

Jólaljósin eru komin upp hér á bæ. Og náttlega erum við með langflottasta húsið í götunni. Við komum smá jólaljósa meting á við nágranna okkar sem er bara gaman :)
Svo verður bara farið að kaupa jólatré næstu helgi. Ingu Rós finnst allt þetta jóladót og ljós svo gaman. Svo fær hún Kalander gave á hverjum degi frá julemandinum og ekki leiðist henni það.

Við fórum með Ingu Rós upp á spítala s.l. fimmtudaginn til að athuga betur þetta mishljóð sem heyrðist í hjartanu hennar. Sem betur fer fannst ekkert alvarlegt svo við fórum heim með vel léttar axlir þennan dag. Þetta hljóð er bara þarna og mun hverfa með tímanum.

Við héldum svo upp á afmælið okkar á föstudaginn með tilheyrandi áti og drykkju hjá mörgum. Enda fóru síðust gestirnir ekki heim fyrr en að verða 5:30. Hjördís vinkona mætti á svæðið frá Århus og einnig stakk Jónas frændi inn nefinu, en hann er nýfluttur til Köben. Svo hann eyddi helginni hérna hjá okkur. Takk öllsömul sem mættu. Þetta var virkilega gaman.

Til hamingju með afmælið í gær Guðni minn. Svo náttlega er Finnur 29 ára í dag og ég verð svo 28 ára á morgun bara gaman :)

Jæja ég held að þetta sé komið nóg af fréttum í bili.

Þar til næst
See ya

Nýjar myndir

2008-10-24T20:26:00.003+02:00

Var rétt í þessu að henda inn nýjum myndum í mynda albúmið okkar hérna á síðunni. Þau heita "Strákakvöld jólin 2005" og "Argentína sumarið 2008"

Enjoy

Hitt og þetta

2008-10-24T18:54:00.003+02:00

Vá ég ætlaði að segja eitthvað rosalega sniðugt hérna en man engan veginn hvað ég ætlaði að skrifa. Er maður komin með alzheimer light or what?

Við fórum til Álaborgar um daginn og heimsóttum Laufey, Garðar, Önnu Valdísi og Ágúst Loga. Smituðum þau endanlega fyrir Wii vírusnum sem er bara gaman ;)

Annars fer bara mjög vel um okkur hérna svona miðað við gang mála heima. Maður finnur aðeins fyrir þessu ef maður þarf að millifæra LÍN hingað út en maður er bara duglegur við að spara og eyða peningnum ekki í eintóma vitleysu.

Hérna rignir bara þessa dagana engin snjór eða stormur eins og heima og svo er spáð næturfrosti í næstu viku brrrrrrrrr. Væri samt alveg til í að fá snjó hérna í desember það er svo kósý.

Vá vitið það að ég er alveg blanc og veit ekki um neitt sniðugt til að segja ykkur. Nema það eru 260 dagar þangað til að við giftum okkur :)

Þar til næst
See ya

Fréttir, fréttir................

2008-10-01T14:30:00.003+02:00

Jæja ætli það sé ekki best að henda inn nokkrum línum. Samt alveg spurning hvort maður nenni að halda þessu áfram þar sem maður veit ekkert um það hvort einhver kemur hérna inn og les þetta bull í mér.

En allavega við fórum um daginn og keyptum nýtt rúm handa Ingu Rós. Hún fékk pening í afmælisgjöf sem fór í það að kaupa nýtt rúm, nýja sæng og kodda. Hún er hin ánægðasta með þetta allt saman og það hefur gengið mjög vel að fá hana til að fara bara sofa þegar hún skríður upp í. Það hafa reyndar komið 2 kvöld þar sem hún er eitthvað að labba um í herberginu sínu þegar hún á vera upp í rúmmi hehehe.

Ég veit ekki alveg hvað ég á að skrifa. Það er voðalega lítið að frétta héðan. Same shit different day.
Jú ég fór og fékk mér linsur um daginn. Er aðeins að prufa þetta því ég vil ekki nota gleraugun á brúðkaupsdaginn og ef ég nota þau ekki þá sé ekki alla svo ég ákvað að skella mér í þetta. Frekar skrýtið eitthvað en ekkert smá þægilegt. Ég get labbað um án gleraugna og séð það sem er lengra í burtu hehehe.

Við ætlum að skella okkur til Álaborgar aðra helgi og heimsækja Laufey og co. Verð að fá að sjá nýjasta fjölskyldumeðlimin. Á sama tíma og ég fer til Laufeyjar þá verður TVG-Zimsen reunion heima svo við Laufey skálum bara fyrir ykkur hinum.

Ekki er nú ástandið heima gott. Helv....... krónan fellur og fellur og danska krónan hækkar og hækkar. Var komin upp í 20,5 núna áðan. Sem er ekkert sniðugt þar sem ég lifi á LÍN og fæ bara fyrirfram frá bankanum í ISK svo upphæðin er ekki mikil sem ég get millifært hingað út til okkar. Dabbi bankastjóri ætti að vera orðin glaður. Glitnir orðið að ríkiseign en hann sagði nú að ríkið myndi selja sinn hlut þegar þar að kæmi. Á nú eftir að sjá það gerast. En ég nenni ekki að pirra mig yfir þessu núna.

Svo vil ég minna aftur á heimasímann okkar 496-0229. Svona fyrir þá sem vilja endilega heyra í okkur hljóðið. Okkur finnst alltaf gaman að heyra í fólki frá Íslandi og fá slúður.

Jæja ég ætla að halda áfram að vera löt í dag.

Þar til næst
See ya

KLUKK

2008-09-12T21:55:00.003+02:00

Ég var víst klukkuð af henni Petru vinkonu, svo ég má ekki vera minni manneskja svo hér kemur þetta.

Fjögur störf sem ég hef unnið um ævina:
- Sportbúð Títan
- Bónusvideo Mosó
- Íslandspóstur
- TVG-Zimsen

Fjórar kvikmyndir sem ég held upp á:
- P.S. I Love You
- Love Actually
- Notebook
- Og flest allar Disney teiknimyndir

Fjórir staðir sem ég hef búið á:
- Reykjavík
- Mosó
- England
- Danmörk

Fjórir sjónvarpsþættir sem mér líkar:
- CSI
- Bones
- Ugly Betty
- NCIS

Fjórir staðir sem ég hef heimsótt í fríum:
- Krít
- Frakkland
- Ítalía
- Þýskaland

Fjórar síður sem ég skoða daglega fyrir utan blogg:
- mbl.is
- visir.is
- sdu.dk
- dmi.dk

Fernt sem ég held upp á matakyns:
- Fiskibollurnar hennar mömmu
- Mexíkókjúlli
- Hvítlaukspasta
- Stuffing (uppskriftin frá ömmu)

Fjórir staðir sem ég vildi helst vera á núna:
- New York í desember
- Shopping spree í Minneapolis
- Chania, Krít
- Ástralíu

Fjórar bækur sem ég les oft:
- Bækurnar eftir Yrsu Sigurðardóttur
- James Patterson bækurnar
- Harry Potter bækurnar
- og bara flest allar spennusögur

Þeir fjórir "óheppnu" sem verða klukkaðir af mér eru:

Laufey vinkona í Álaborg

Mummi vinur í Köben

Sunna og Hvati

Biggi Bonoman

Þar til næst
See ya

Ísland í dag, Danmörk á morgun

2008-08-29T10:53:00.002+02:00

Jæja þá er sumardvöl okkar senn að ljúka og við leggjum af stað til Danmerkur á morgun. Þetta er búið að vera frábært sumar (fyrir utan að kallinn var í DK mest allann tímann). En við fáum að knúsa hann annað kvöld eða núsa eins og Inga Rós segir.

Ég er náttlega búin að vera vinna alla daga og svo skráði ég mig í herþjálfun í júlí sem var geðveikt gaman. Mér tókst allvega að grenna mig aðeins svo ég er sátt. Enda ætla ég að halda áfram að æfa eftir að ég kem út því ég þarf nú að líta vel út næsta sumar ;)

Inga Rós er búin að vera hjá æðislegri "dagmömmu" sem heitir Linda og hún á strák sem heitir Bergur Páll. Hún bjargaði mér alveg í sumar ásamt elsku bestu mömmu sem sótti hana á hverjum degi. Takk Linda og mamma.

Jæja ég nenni nú eiginlega bara ekki að skrifa meira. Þið vitið að þið eruð alltaf velkomin til okkar í heimsókn ef þið viljið koma til DK í smá verslunarferð :)

Þar til næst
See ya

Prófið búið yeesssssssss

2008-08-08T11:50:00.002+02:00

Jæja vildi bara láta vita að ég er búin í prófinu sem ég þurfti að skreppa og taka. Þetta gekk allt mjög vel og endaði með að labba út með eitt stykki 7 úr prófinu. Geggjað.

Nú ég og Finnur erum komin til Íslands og Ingu Rós fannst voða gaman að fá pabba sinn heim. Knúsaði hann vel og lengi. En hún fær að hafa hann hjá sér til 15 ágúst en þá fer hann tilbaka.

Það er nóg að gera um helgina hjá okkur en í dag erum við að fara í brúðkaup til Finns Yngva og Siggu, og svo verður bakað og tekið til á morgun og barnaafmæli á sunnudaginn. Busy busy busy.

En Finnur verður með gamla númerið sitt ef þið viljið heyra í honum.

Þar til næst
See ya

Hún á afmæli í dag.....................

2008-08-04T10:41:00.004+02:00

Það eru 2 ár síðan þessi litla blómarós kom í heiminn. Hún lét bíða eftir sér sem ég var nú ekki par ánægð með á sínum tíma :) en hún hefur svo sannarlega glatt okkur með nærveru sinni.

Ótrúlegt hvað tíminn er fljótur að líða.
Innilega til hamingju með 2ja ára afmælið(ammli eins og hún segir)
Kv. Mamma og pabbi

Já við erum að lífi...........

2008-07-25T13:25:00.000+02:00

Jæja er ekki best að henda inn eins og nokkrum línum. Ég veit ég er búin að vera frekar löt í að blogga. So here goes nothing.

Við mæðgur erum komnar til Íslands og erum búnar að vera hér í 4 vikur eða svo. Finnur hefur ekki setið aðgerðarlaus heima í DK. Hann skellti sér til Argentínu í rétt rúmar 2 vikur og skemmti sér konunglega. Það var víst rosalega gaman að hitta alla aftur og hann var ekki búin að gleyma spænskunni eins og hann hélt. Hún rifjaðist mjög fljótt upp hjá honum. Hann tók mikið af myndum sem verða settar inn við fyrsta tækifæri (eða þegar ég kem heim;)

Það eina sem ég er búin að vera gera hér er að vinna, sofa og hugsa um litla dýrið inn á milli. Inga Rós skemmtir sér konunglega hérna á Íslandi hjá ömmu sinni og afa. Skipar fólki fyrir og talar non stop. Orðaforðinn hennar hefur aukist til muna eftir að við komum heim sem er bara gaman.

Það er alveg ótrúlegt að við erum búnar að vera hér í mánuð og eigum bara mánuð eftir. Ég er reyndar að fara skjótast heim til DK 3 ágúst þar sem ég þarf að taka eitt próf en svo kem ég til baka með Finni þann 6 ágúst. Svo að við missum af afmælisdeginum hennar Ingu Rósar en við ætlum að halda upp á það þann 10 ágúst sem er í lagi. Mamma ætlar að passa Ingu Rós á meðan ég fer til DK og ég veit að sú stutta eigi eftir að vefja ömmu sinni og afa aðeins meira um fingurinn á sér.

En jæja ætla láta þetta gott heita. Vildi bara svona henda inn nokkrum línum og láta vita hvað við værum að bauka.

Þar til næst
See ya

Próflok

2008-06-26T17:16:00.002+02:00

Jæja þá eru þessi blessuðu próf búin. Mér gekk ekki eins vel og ég vonaði. Ég féll í organisation svo ég þarf að taka endurtökupróf 5 ágúst. Ég skýst í smá helgarheimsókn til Finns og tek prófið, næ því og fer aftur til Íslands. En ég náði svo EDB í dag sem ég er ekkert smá ánægð með. Sérstaklega tilhugsunin um að þurfa aldrei að taka það fag aftur. Ég á svo eftir að fá einkunnina fyrir marketing verkefnið okkar og vona að það komi fínt út úr því. En það kemur í ljós.

Ég ætla fagna þessum próflökum með góðum mat og bjór. Við erum búin að bjóða nágrönnum okkar úr nr. 7 og 9 í mat og fótbolta í kvöld svo það verður bara kósý.

Annars erum við mæðgurnar bara að detta til Íslands. Við eigum skv. áætlun að fara í loftið kl. 21.30 annað kvöld en það á eftir að koma í ljós hvort að það stendur. Sérstaklega útaf verkfalli flugumferðastjóra.

Ég verð ekki í bænum um helgina því ég fer upp í Kjós á laugardaginn og svo byrjar bara harkan 6 á mánudagsmorgun (vinnan). En annars verð ég svona næstum því free as a bird. Ég verð með gamla númerið mitt ef þið viljið heilsa upp á mig. Látið mig bara vita ef ykkur vantar númerið.

Jæja ætla klára að undirbúa fyrir kvöldið. Ætlum að grilla Jensen's spare ribs naaaaaaaaammmm. Og svo kaldur Corona á kantinum.

Þar til næst
See ya

Ó já sumarið er komið

2008-06-09T13:16:00.002+02:00

Fyrirgefið mér hvað ég ef verið löt við að skrifa. Er búin að vera á fullu að klára eitt verkefni og byrja á öðru og klára það. Nóg að gera hjá mér. Tók mér reyndar frí eitt laugardagskvöld og skrapp til Odense að sjá Bryan Adams yet again og það var bara gaman. Skildi kall og barn eftir heima og skrapp með stelpunum í geggjuðu veðrið.

Já sumarið er komið hérna í Danmörku. Búið að vera alveg frábært veður hérna út enda hefur hitinni ekki farið niður fyrir 20°C á daginn. Hér eru allir gluggar opnir allann sólarhringinn bara til að fá kannski smá ferskt loft inn.
Skelltum okkur á ströndina í gær. Inga Rós skemmti sér konunglega í sjónum. Buslaði, sullaði, synti og hló inn á milli. Við skötuhjúin urðum pínu crispy við þessa strandferð en það breytist vonandi bara í brúnku fljótlega.

Það er víst eitthvað að spá rigningu næstu daga sem er bara allt í lagi svona gróðursins vegna. En við bíðum og sjáum til hvernig sú veðurspá fer. Hún nefnilega breytist frekar oft.

Ég er í próflestri núna, en ég á eftir 2 munnleg próf og svo er bara Ísland góða Ísland. Aðeins 3 vikur í að við mæðgur fljúgum heim. Er farin að hlakka pínu til.

Inga Rós blómstrar með degi hverjum. Orðaforðinn hennar eykst dag frá degi og inn á milli bablar hún bara sitt eigið tungumál og við segjum bara já við því. Svo er hún farin að syngja líka. Okkur til mikillar skemmtunar.

Jæja ég vildi bara gefa ykkur update af okkur, en núna ætla ég að halda áfram próflestrinum áður en ég sæki Ingu Rós.

Þar til næst
See ya

Eurovision partý

2008-05-26T16:39:00.003+02:00

Sælt veri fólkið. Eins og titillinn á blogginu gefur til kynna þá verður talað um eurovision hér á bæ. En við héldum annars geggjað grillpartý hérna á laugardaginn og var virkilega góð mæting. Mummi mætti á svæðið frá Köben á föstudagskvöldið og eyddi helginni hérna hjá okkur. Takk fyrir innlitið Mummi minn það var virkilega gaman að sjá þig. Sunna og Hvati, Solla og Einar, Helle, Lene, AG og Eiríkur létu öll sjá sig. Það mættu allir upp úr kl 17 og var þá kjötinu skellt á grillið og grillaði Finnur ofan í liðið. Eftir geggjaða máltíð var haldið áfram að sötra og farið út og spilað kubb og badminton þangað til að Eurovision byrjaði.
Inga Rós skemmti sér konunglega enda fékk hún nóg af fólki til að stússast í kringm sig. Það skemmtu sér allir vel yfir Eurovision og skipti ekki máli hvaða þjóðerni maður var. Inga Rós chillaði og horfði á lögin og dansaði með sumum. Við kusum náttlega Ísland en því miður var önnur lönd ekki sammála okkur um gæði íslenska né danska lagsins. En við lentum í 14 sæti og fyrir ofan Svíþjóð sem var spáð mjög ofarlega.

Eftir Eurovision var farið aftur út og spilað meira kubb og var mikið hlegið og reynt að trufla andstæðinginn. Einar stóð sig best í að reyna trufla okkur stelpurnar en hann fór líka alveg með strákana hehehehe. Við skemmtum okkur stórkostlega og var mikið hlegið þetta kvöld að mig hreinlega verkjaði í magann. Takk öllsömul fyrir frábært kvöld.

Ég er búin að henda inn myndum frá kvöldinu inn á facebook svo þið getið kíkt á þær þar.

Jæja ég hef ekkert fleira að segja frá í bili svo ég læt þetta gott heita.

Þar til næst
See ya

Sumar og sól

2008-05-15T14:24:00.003+02:00

Jæja kannski komin tími til að henda inn nokkrum línum hérna. Ég er búin að vera afskaplega löt við að blogga. Er alltaf á leiðinni sjáið til.
En annars er allt gott að frétta af okkur. Við erum búin að vera njóta veðurblíðunnar sem hefur verið hér síðustu daga. Bara búið að vera geggjað veður og erum við búin að vera dugleg að vera út í garði að taka til eða bara hafa það notalegt.
Inga Rós fékk um daginn afmælisgjöf frá okkur sem var rennibraut, sandkassi og lítið leikhús úr plasti sem hún gjörsamlega elskar. Finnst ekkert smá gaman að vera út í garði og dunda sér. Hún er orðin svo stór að maður getur verið að dunda í eldhúsinu á meðan hún er út í garði að leika sér.

Próflesturinn er skollinn á svo maður er að reyna vera duglegur að lesa. Reyndar erfitt að lesa og horfa á blíðuna úti, svo ég sit bara úti að lesa. Um að gera að nýta hvern sólargeisla sem maður fær áður en við förum heim til Íslands. Bara því ég reikna ekki með góðu veðri heima þar sem ég er að koma svo þið verðið að hafa allan varann á. Ég spái rok og rigningu múhahahaha.

Nú er bara 1 1/2 mánuður þangað til að við komum til Íslands og ég er farin að hlakka aðeins til. Aðallega til að hitta alla og eyða lengri tíma með fólki. Maður reynir kannski að fara í eina útilegu í sumar sem væri mjög gaman enda orðið allt of langt síðan ég fór síðast.

Nú man ég bara ekki hvað ég ætlaði að segja meira svo ég læt þetta gott heita.

Þar til næst
See ya

Vorið er komið og grundirnar gróa........

2008-04-20T09:30:00.002+02:00

Æi maður er eitthvað svo voða latur í að blogga. En ég ákvað nú að henda inn nokkrum línum til að segja ykkur hvað við höfum verið að gera af okkur. Svona ef þið hafið áhuga. Maður veit nú ekki hver les þetta blogg í dag því það kvittar enginn.
En jæja Finnur lét einn af sínum draumum rætast og keypti sér flatskjá. Og við erum ekki að tala um lítinn heldur keypti hann 46" flatskjá. Þetta er frekar stórt svo nú verða reglulega bíókvöld hér á bæ. En hann bætti náttlega við pakkann og keypti nintendo wii sem er reyndar bara gaman og geggjað stuð að spila á svona stórann skjá. Finnur er allavega mjög glaður þessa dagana. En þar sem hann fékk að kaupa sjónvarp þá fékk ég að fjárfesta í nýju rúmi sem er bara draumur í dós. Það er verst að nýja rúmið er mikið stærra en það gamla að við týnumst í því.

Ég er búin að bóka flugið heim í sumar og munum við fljúga heim þann 30 júní og stoppum í 2 mánuði eða til 30 ágúst. Finnur ætlar líka að vera á ferð og flugi í sumar en hann ætlar að skella sér til Argentínu í tvær vikur í byrjun júlí og svo kemur hann líka til Íslands í nokkra daga í ágúst því okkur er boðið í brúðkaup og svo náttlega á verður litla dýrið 2ja ára.

Annars er vorið komið hérna í DK. Mikið var segi ég bara. Ég byrjuð að hengja upp þvottinn úti og hann þornar á svipstundu sem er bara geggjað. Svo förum við í það að taka upp garðhúsgögnin og koma þeim fyrir á pallinum. Við erum líka búin að vera dugleg í garðinum og reikna ég með næstu 2 helgum í það að róta upp beðum og setja niður blóm.

En svo vil ég bara minna á íslenska heimasímann okkar 496-0229 svona ef einhverjum dauðlangi til að tala við okkur. Kostar sama og hringja í heimasíma á klakanum.

Þar til næst
See ya

Back in DK with chicken pox

2008-04-04T09:39:00.005+02:00

Jæja ég held það sé bara komin tími á að henda inn nokkrum línum. Það er nú vika síðan við komum frá Íslandi og ég er alltaf búin að vera á leiðinni að blogga en enda á að gera eitthvað allt annað í staðinn.
En já við erum komin aftur til DK eftir mjög svo ánægjulega dvöl á Íslandi. Við náðum svona að hitta flesta og slappa líka af sem var mjög gott. Við borðuðum vel heima enda var okkur boðið í mat nánast öll kvöldin og ég efast ekki um að maður hafi bætt á sig í þessari ferð. Takk fyrir okkur.
Eins og ég sagði frá áðan þá er vika síðan við komum heim og Inga Rós hefur ekkert farið til dagmömmunnar þar sem hún var svo heppin að fá hlaupabóli. En hún fer á mánudaginn og það verður bara mjög fínt þar sem hún er orðin frekar eirðarlaus hérna heima. En það er líka mjög fínt að hún er búin að fá hlaupabóluna núna.

Veðrið er búið að vera mjög fínt síðan við komum heim aftur og ég held að vorið sé barasta að láta sjá sig. Allavega erum við búin að vera dugleg að grilla þessa vikuna.

Vá ég er eitthvað svo andlaust að ég veit bara ekki hvað ég á að skrifa um. Jú ég gæti talað um gengi krónunnar sem er bara út í hött því danska krónan er svo há í dag að maður tapar á því að færa peninga hingað út.
Allt er að verða vitlaust heima í mótmælum og umferðateppum. En mér finnst það bara af hinu góða. Loksins gera Íslendingar eitthvað í stað þess að láta taka sig í rassgatið. Það er svo fyndið þegar Íslendingar tala um að allt sé svo hátt og þeir ætli sko ekki að versla við þennann eða hinn. Það endist alveg í eina viku svo eru þeir mættir aftur í sömu búðina. Afhverju geta Íslendingar ekki staðið upp og mótmælt almennilega? Afhverju ætli það sé?
Allavega eins og staðan er í dag þá höfum við ekki efni á að koma heima þegar ég klára námið því við höfum ekki áhuga á að fara út á leigumarkaðinn. Það er kannski bara spurning hvort maður kaupi/byggi hérna úti. Allavega má vel skoða það.

Ég er búin að setja inn fullt af myndum inn á síðuna hennar Ingu Rósar frá Íslandsferðinni. Svo má alveg kvitta fyrir komuna, því það er mjög gaman að sjá hverjir koma inn á síðuna.

Jæja ég ætla hætta þessu bulli

Þar til næst
See ya

Ísland here we come

2008-03-16T20:28:00.002+01:00

Já við erum á leið til Íslands á morgun. Hlakka bara til að hitta alla og náttlega borða páskaegg um páskana. Við höfum í mörgu að snúast á meðan við stoppum heima. Við ætlum að kíkja á sali fyrir brúðkaupið og fleira. Við munum náttlega reyna hitta sem flesta en þar sem stoppið er stutt og við erum ekki með neinn bíl svo ég veit ekki hvernig þetta fer. En þeir sem vilja hitta mig og Ingu Rós en geta það ekki um páskana geta hitt okkur í sumar því við ætlum að koma til Íslands í c.a. 2 mánuði.
Ég er komin með vinnu í sumar en enga barnapíu, en ég er að leita. Svo ef að þið vitið um einhverja góða barnapíu sem hefur áhuga að passa hressa stelpu í sumar, þá má endilega hafa samband við mig.

Jæja ætla láta þetta gott heita. Ég ætla slappa aðeins af áður en ég skríð í bólið. Það er langur dagur á morgun.
Ó já við verðum með gömlu íslensku númerin okkur ef þið viljið ná í okkur.

Þar til næst
See ya

Fréttir frá DK

2008-02-29T14:31:00.004+01:00

Jæja ég ákvað nú bara að henda inn nokkrum línum bara svona til að leyfa ykkur að fylgjast með. Nú eru aðeins 17 dagar þangað til að við kíkjum við á klakann og ég hlakka ekkert smá til að hitta alla. Alltof langt síðan síðast. En svo stærstu fréttirnar eru þær að þetta verður ekki eina Íslandsferðin okkar. Ég er mjög líklega komin með vinnu í sumar svo að ég og Inga Rós munum eyða sumrinu heima. Svo ef að þið vitið um einhvern sem vill passa hressa litla stelpu endilega hafa samband. Finnur verður hérna heima í DK að vinna en hann mun kíkja í ágúst heim því okkur er boðið í brúðkaup hjá Finni Yngva og Siggu og notum náttlega tækifærið og höldum upp á afmælið hennar Ingu Rósar á meðan Finnur verður á klakanum.

Svo viljum við líka nota tækifærið að óska Arnbjörgu og Víking innilega til hamingju með litlu prinsessuna sem kom í heiminn 16 febrúar s.l. Hérna er mynd af litla englinum. (Sorry Arnbjörg fékk hana lánaða).

Jæja ætla hætta þessu bulli, því ég hef ekkert meir að segja og ætla bara sækja litlu prinsessuna mína.

Þar til næst
See ya

Myndir

2008-02-04T21:49:00.000+01:00

Vildi bara láta vita að ég er loksins búin að setja inn myndir frá afmælinu okkar, áramótunum og einnig frá grillpartýinu sem við vorum með um daginn. Tjékkið á því hérna.

Þar til næst
See ya

2008-02-02T22:12:00.001+01:00

Jæja ætli það sé ekki best að henda inn nokkrum línum hérna þar sem það er aðeins mánuður síðan síðasta blogg var sett inn.
Allavega ég er búin með öll próf og búin að fá 3 einkunnir en vantar ennþá þá síðustu og so far so good.
Annars er lítið að frétta af okkur. Það var fastelavnsdagur hjá Ingu Rós á fimmtudaginn og fór hún uppklædd sem lítið ljón algjört krútt. Henni fannst þetta voða gaman og ætli maður klæði hana ekki aftur í ljónabúninginn á morgun því þá er fastelavnsdagur og ég ætla að vera með bollukaffi hérna og einnig ganga mörg börn í hús og syngja fyrir nammi, bollu eða eitthvað sem maður á. Fastelavnsdagur er eins og blandaður bollu - og öskudagur hjá okkur.

Við vorum með svaka matarveislu hérna í gær og vorum við 11 manns í mat hérna. Hjördís og Mikkel komu frá Århus og var ekkert smá gaman að sjá þau aftur. Hér var borðað og drukkið vel og allir skemmtu sér konunglega. Við spiluðum Sing Star og Buzz langt fram eftir nóttu sem var bara gaman.

Æi ég er eitthvað svo andlaus að ég veit hreinlega ekki hvað ég á að skrifa um.

Þar til næst
See ya

Jól og áramót

2008-01-01T23:00:00.000+01:00

Jæja verður maður ekki að skrifa nokkrar línur um hátíðarnar, þar sem það er nú komið nýtt ár.
Jólin voru frábær í alla staði. Tengdó komu á Þorláksmessukvöld svo það var kátt á hjalla hér um jólin. Þvílíkt og annað eins pakkaflóð undir trénu hef ég bara ekki séð síðan ég var barn. Inga Rós var mjög hrifin af jólatrénu og pökkunum undir því, en það tók dágóðan tíma fyrir hana að opna alla þessa pakka. Hún fékk meðal annars fullt af fötum, DVD myndir, 100 íslensk barnalög og nóg af dóti. Við skötuhjúin fengum DVD myndir, ipod (ég), fm transmitter, heyrnartól, höggborvél, peysur, kaffibolla, pening sem við notuðum til að kaupa fínni glös sem við erum að safna, eyrnalokka, viskípela og æðislega mynd með handarförum Ingu Rósar sem gerð var hjá dagmömmunni.

Ég eldaði dýrindis máltíð með aðstoð Unnar á aðfangadagskvöld þar á meðal rjúpu og sósu með henni. Og heppnaðist hún mjög vel ef ég á að segja eins og er.
Það hefur ekki verið gert mikið hérna nema borða vel og slappa af. Skruppum jú reyndar til Flensborgar 3ja í jólum með tengdó og Evítu sem var mjög fínt. Það var tekið smá forskot á útsölurnar í Þýskalandi en ekki svo mikið. Við erum annars búin að rölta mikið hérna um með tengdó og sýna þeim bæinn og búðirnar.

Gamlárskvöld rann svo upp með dýrindisveislu hérna. Við vorum 9 manns í mat og var boðið upp á 3ja rétta máltíð. Í forrétt fengum við pönnusteiktar rækjur kryddaðar með hvítlaukskryddi, í aðlrétt var boðið upp á kalkún (sem ég by the way eldaði í fyrsta sinn og heppnaðist mjög vel, allavega voru allir sáttir), svo kom að eftirréttinum sem var heimalagaður tobleronís ásamt ísköku frá local búðinni. Það var tekið létt á því í drykkju fram að miðnætti en þá var farið út að skjóta upp. Ég get alveg sagt það að Danir eru ekki minni menn en Íslendingar í að skjóta upp, enda var veðrið líka alveg geggjað.

Ekki skemmdi veðrið á nýársdag en þegar við vöknuðum þá snjóaði dálítið. Ekki slæmt, en því miður þá hvarf hann mjög fljótt.

Tengdó fara svo á fimmtudaginn og ég er svo að fara í fyrsta prófið mitt á föstudaginn, pínu strempinn vika en þetta hefst vonandi.

Jæja ætla láta þetta gott heita í bili. En ég get kannski sagt ykkur það að á meðan við fögnuðum miðnætti hérna úti í götu þá fór Finnur niður á annað hnéð og bað mín. Og já ég sagði já :)

Þar til næst
See ya

P.S er að vinna í því að setja inn myndir.

Afmæli og jólaball

2007-12-16T23:00:00.000+01:00

Sorry fólk ætlaði að vera löngu búin að blogga eitthvað en gleymdi því hreinlega bara. Í stuttu máli þá var stór afmælishelgi hjá okkur síðustu helgi en við skötuhjúinn áttum 55 ára afmæli. Buðum við fólki í heita rétti og kökur sem runnu vel niður hjá fólki. Við fengum svo óvænta heimsókn frá Dabba og Mumma sem var bara gaman. Takk fyrir innlitið strákar. Restin af laugardagskvöldinu var eytt í Buzz og singstar. Mæli ég fólki eindregið frá því að syngja þegar maður er með pínu hálsbólgu. Ég endaði nefnilega gjörsamlega raddlaus daginn eftir og fékk ekki röddina almennilega tilbaka fyrr en á miðvikudeginum. Sunnudagurinn fór bara í afslöppun hjá okkur fjölskyldunni sem var frekar þægilegt. En við viljum þakka fyrir allar kveðjurnar og gjafirnar.

Í dag er 3 í aðventu og aðeins 8 dagar til jóla. Við fórum á jólaball hjá Íslendingafélaginu hérna í Kolding og komu allir með eitthvað góðgæti fyrir kökuhlaðborðið var þetta ekta íslenskt kökuhlaðborð með brauðtertum, smákökum og öðrum kökum og kláraðist allt saman. Ingu Rós fannst þetta voða gaman. Fullt af öðrum krökkum og 2 skrýtnir jólasveinar. Annar skellti mjög mikið hurðum og svona undir lokin fannst henni þetta orðið of mikill hávaði. En við dönsuðum í kringum jólatréð og sungum með. Inga Rós fékk svo nammipoka en þó hún hafði áhuga á jólasveinunum þá vildi hún nú ekki koma of nálægt þeim svo hún teygði sig bara eftir pokanum. Það var svo happdrætti líka og unnum við virkilega fallegt íslenskt málverk eftir Örnu Bjarnadóttur Maul.

Ég er farin að hlakka frekar mikið til jólanna og kemst ég í jólafrí á fimmtudaginn. Svo koma Óli, Unnur og Evíta á Þorláksmessukvöld verður mjög gaman að fá þau hingað. Það er allt að verða tilbúið. Á bara eftir að taka til og skreyta jólatréð og svo vantar bara örfáa hluti fyrir matargerðina.

Ég mun henda inn myndum frá jólaballinu inn á morgun þar sem klukkan er orðin margt núna og ég ætla að fara skríða upp í rúm.

Þar til næst
See ya

2007-12-05T10:48:00.000+01:00

Jæja ég ákvað að henda inn nokkrum línum um síðustu helgi þar sem við vorum flakkinu um helgina.

Á föstudaginn var okkur boðið í 25 ára starfsafmæli hjá Jens pabba hennar Helle. Var boðið upp á hlaðborð á veitingastaðnum Ribehoej Familiepark. Þetta var æðislegur matur í alla staði. Það var boðið upp á kalkúnabringu, Argentískt nautakjöt og hjartarkjöt ásamt meðlæti og eftirréttum. Ég smakkaði nautið og hjörtinn og smakkaðist það mjög vel. Inga Rós var náttlega miðdepill kvöldsins og skemmti sér og öðrum. Jens fékk íslenskt brennivín ásamt 6 brennivínsstaupum að gjöf frá okkur og var hann mjög ánægður með það því honum finnst það mjög gott.

Á sunnudaginn skunduðum við ásamt Einari og Sollu alla leið til Hamborgar. Við vorum komin þangað upp úr hádegi og eyddum við deginum í að kíkja í búðir og skoða jólamarkaðinn þar. Þetta var mjög gaman, reyndar rosalega mikið af fólki svo erfitt var að komast um með kerruna en þetta reddaðist allt saman. Þar sem við vorum á jólamarkaðinum þá náttlega var keypt jólglögg og heitt kakó. Við urðum svo heppin að sjá skrúðgöngu þarna fara um og Ingu Rós fannst þetta voða gaman. Við enduðum svo daginn á KFC og tívolíinu sem var frekar stórt og tók dágóðann tíma að labba í gegnum það. Inga Rós svaf nú hluta af tívolíinu af sér þar sem það var komið langt fram yfir háttatímann hennar. En hún svaf eins og steinn alla leiðina heim og hélt svo bara áfram að sofa þegar hún var lögð í rúmið um 2 leytið.

Fyrsti í aðventu var notaður til að skreyta hérna inn og setja upp jólaseríur. Inga Rós er mjög hrifin af jólaljósunum og segir alltaf vááá vááá. Orðaforðinn hennar eykst jafnóðum og er hún dugleg að herma eftir manni.
Hún er reyndar búin að vera veik síðan þá. Er búin að vera með kvef og fékk hálfgert kvef í augun svo hún fékk dropa fyrir því. Er nú að vona að hún komist til dagmömmunnar á morgun því það eru litlu jólin hjá þeim, vil ekki að hún missi af þeim.

Núna er hún bara sofandi við hliðin á mér á meðan Happy Feet er í sjónvarpinum. Litla krútt.

Ég er að vinna í því að setja inn myndir frá helginni inn á síðuna hennar. Svo þær koma á eftir. Annars fer að styttast í afmælin okkar og verður náttlega veisla haldin hér til að fagna því að maður verður orðin árinu eldri.

Afmælisbörn mánaðarins eru eftirfarandi: Guðni verður 28 ára 7 des, Finnur 28 ára 8 des, ég 27 ára 9 des, Eiríkur 24 ára 12 des og Guðrún frá Kolding verður 30 ára 16 des. Ef ég er að gleyma einhverjum þá biðst ég fyrirgefningar á því.

Jæja ætla fara hætta þessu bulli.

Þar til næst
See ya

Back in DK..........

2007-11-20T10:01:00.000+01:00

Jæja þá er maður komin aftur til Denmark eftir frábæra helgi í London. Helle kom reyndar ekki með mér til London þar sem hún varð fárveik og gat því ekki komið með. Leiðinlegt fyrir hana, en Finnur kom með mér í staðinn fyrir Helle. Hvað gerðum við, við Ingu Rós? Nú við fengum pössun fyrir hana alla helgina. Solla og Einar komu mér til bjargar og buðust til að passa litla dýrið og húsið á meðan við myndum skella okkur til London. Og heppnaðist þessi helgi vel í alla staði. Hún var mjög góð alla helgina og gátum við því átt æðislega helgi bara tvö ein.

Það eina sem við gerðum í London var að versla, versla, versla. Við löbbuðum allt Oxford stræti upp og niður og náðum að klára fullt af jólagjöfum og fylla 2 ferðatöskur.
Á laugardeginum hittum við Charlene vinkonu því við ætluðum öll saman í leikhús. Við byrjuðum á að fara út að borða á TGI Fridays og hittum við einnig Hreiðar sem bjó hérna í Kolding þá en hann borðaði með okkur. Við fengum mjög góðan mat og drykki og skemmtum okkur konunglega.
Eftir mat kvöddum við Hreiðar og héldum okkar leið að Tottenham Court til að sjá Queen showið We Will Rock You. Sem by the way var geggjað. Frábær lög og sýning í alla staði. Langt síðan maður hefur sungið svona mikið. Getið séð myndir frá ferðinni hérna.

Það var voða gott að fara heim á sunnudaginn. Ég var farin sakna Ingu Rós frekar mikið og var því gaman að koma heim og knúsa litla dýrið.
Aftur við ég þakka Sollu og Einari æðislega fyrir pössunina.

Guðrún frænka er að koma núna á eftir í heimsókn með fulla tösku af íslensku góðgæti nammi namm.

En ég er að spá í að láta þetta gott heita í bili.

Þar til næst
See ya

London baby........

2007-11-13T08:04:00.000+01:00

Ójá ég er að fara til London eftir 2 daga og ég hlakka ekkert smá til. Ég og Helle erum að fara stelpuferð sem felst í því að versla, borða góðan mat og leikhús. Taskan mín verður frekar tóm á leiðinni til London en ég vonast eftir því að geta fyllt hana áður en við förum heim aftur.
Ég held samt að þetta verði dáldið skrýtið þar sem ég verð frá Ingu Rós í 3 nætur og hef ég aldrei verið svona lengi frá henni frá því að hún fæddist. Þau feðgin eiga eftir að hafa það voða kósý held ég hérna heima.

Ég er byrjuð á jólagjafastússinu og eru nokkrar komnar í hús og vonandi tekst mér að fjölga þeim á meðan ég verð í London. Ég hlakka ekkert smá til jólanna. Fram að jólum er búið að plana jólaföndur huggulegheit með stelpunum og ferð til Flensborg eða Hamborgar að skoða jólamarkaði. Svo 23 des þá fáum við gesti frá Íslandi sem hafa ákveðið að eyða jólum og áramótum hjá okkur í Baunalandi. Jú Tengdapabbi og co ætla koma hingað og vera með okkur jólin. Ég var farin að hlakka pínu til að vera 3 um jólin en að fá fjölskyldumeðlimi í heimsókn topppar allt. Og veit ég fyrir víst að það verður komið með hangikjet og laufabrauð svo þetta verður æðislegt.

Inga Rós er búin að vera frekar erfið síðustu daga þegar ég droppa henni af hjá dagmömmunni. Grætur hún frekar mikið og maður fær eiginlega sting í hjartað þegar maður labbar í burtu. En í morgun þá held ég að ég sé búin að komast að því afhverju hún hefur látið svona. Það er ein stelpa með henni þarna sem heitir Sofia og er hún búin að vera veik í næstum 2 vikur en hún var komin þegar við komum í morgun og Ingu Rós fannst það ekki leiðinlegt. Hún var allavega ekki lengi að kyssa mig blessi og hafði varla tíma til að vinka bæ. Ótrúleg þessi börn.

Jæja það eru þó nokkur afmælisbörn í þessum mánuði. 2 nóvember áttu Mæja, Helle og Toddi afmæli, 7 nóv. var það Baldur, 12 nóv Guðrún frænka, 16 nóv. á Ásdís stórafmæli, 19 nóv. á tengdapabbi afmæli og 24 nóv áTinna guðmóðir Ingu Rós afmæli. Ég held að ég sé ekki að gleyma neinum en ef svo er þá biðst ég afsökunar á því.

Annars er Guðrún frænka að koma til okkar í næstu viku og ætlar hún að stoppa í 2 daga áður en hún fer til Köben að hitta vinkonur sínar. Það kemur eitthvað góðgæti með henni sem verður gaman. Það er alltaf gaman að fá eitthvað gott frá Íslandi sérstaklega læri og hangikjöt.

Það er annars allt gott að frétta af okkur. Allir á fullu að gera sitt og veturinn er að ganga í garð. Fann það í morgun þegar það stóð -2,4 á mælinum og hrím yfir öllur. Brrrrrrrrrrr. Sem betur fer þurfti ég ekki að skafa þar sem bíllinn er geymdur undir bílskýlinu.

Jæja ætla láta þetta gott heita í bili og fara koma mér til kíropraktors. Hef nóg að gera í dag áður en ég fer til London.

Þar til næst
See ya

Happy Halloween..........

2007-10-31T13:34:00.000+01:00

Jæja ég vildu nú bara óska ykkur gleðilegra hrekkjavöku. Þó að við höldum nú ekkert sérstaklega upp þennann dag þá lét Finnur það ekki aftra sér í að skera út grasker sem kom nokkuð vel út. Ingu Rós fannst þetta rosa áhugavert svo ég smellti nokkrum myndum af henni vera skoða það.

Annars er ósköp lítið að frétta. Haustið er komið og ekki langt í veturinn því aðeins er farið að kólna hérna. Við fórum um daginn í göngutúr í Marielundskov hérna í Kolding og var það virkilega gaman og fallegir haustlitirnir og ekki skemmdi veðrið. Ingu Rós fannst mjög gaman að labba um í öllum laufblöðunum og spjalla við endurnar.

Hún er farin að auka við orðaforðann sinn. Heyrst hefur frá henni obbosí, tak, ahi(afi), dótið, úff og ó þegar kveikt er upp í kamínunni, daddi og dudda. Þetta er allt að koma hjá henni. En það er mjög gaman að sjá að hún skilur bæði dönsku og íslensku, þannig að við höfum engar áhyggjur af henni og þessum tungumálum sem töluð eru í kringum hana.

Jæja jólabjórinn kemur í hús á föstudaginn kl. 20:59 og erum við búin að fá pössun fyrir Ingu Rós. En Helle vinkona á líka afmæli svo það verða 2 flugur slegnar í einu höggi þetta kvöld.

Svo eru bara 15 dagar þangað til að ég fer til London. Jei ég hlakka svo til. Það verður verslað, borðaður góður matur og farið í leikhús. Verður örugglega mjög skrýtið að fara svona frá Ingu Rós en það verður þá bara ennþá meira gaman að koma heim.

Jæja ætla fara hætta þessu bulli og koma mér af stað í skólann. Þarf víst að fara í einn tíma í stærðfræði.

Þar til næst
See ya

Haustfrí og lasarus

2007-10-12T13:33:00.000+02:00

Jæja þá er maður komin í haustfrí sem er bara ljúft. Ég ætla þó að nýta tímann í að lesa og læra eitthvað. En það verður farin ein ferð í IKEA með Einari og Sollu þar sem þeim vantar hitt og þetta og ég ætla nota tækifærið og skoða og kannski versla aðeins. Og svo verður líka skroppið til Þýskalands þar sem lagerinn er tómur.

Jónas frændi er komin og farin. Stoppaði stutt en það var mjög gaman að fá hann í heimsókn þar sem við höfum ekki séð hann síðan í janúar. Ingu Rós fannst ekki leiðinlegt að hitta hann þó hún hafði litla orku til að segja bless á laugardeginum þar sem litla skinnið var komin með 40°C hita.
Síðast liðin vika er því búin að vera strembin. Finnur er búin að vera heima alla vikuna með Ingu Rós því ég hef þurft að mæta í skólann og vinna að skilaverkefnum. Hann fór þó að vinna í dag.

Við fórum með Ingu Rós til læknis á þriðjudaginn og þar var okkur sagt að hún væri með vírus en ef hitinn lækkar ekki eftir 3-4 daga þá eigum við að koma aftur. Well ennþá er hún með hita, vill ekki leika sér, sefur meira og minna allann daginn og borðar lítið. Finnur hringdi í lækninn og okkur var sagt að það væri full seint að hringja núna þar sem þau væru að loka kl 13:30 og við þurfum því að bíða til kl 16 eftir að læknavaktin opni ef við viljum hitta lækni.
Ljúft líf að vera heimilislæknir.

Jæja litli lasarus er vöknuð svo ég þarf að fara sinna henni.

Þar til næst
See ya

Í fréttum er þetta helst........

2007-10-02T16:31:00.000+02:00

Vá ég veit hreinlega ekki hvað ég á að skrifa um. Ég er eitthvað svo blanc. Ég er náttlega í skólanum á fullu. Þetta er frekar erfitt sérstaklega stærðfræðin. Kennarinn kennir á dönsku, bókin er á ensku og ég er að reyna rifja upp stærðfræðina á íslensku. Kannski ekki besta blandan en þetta reddast vonandi. Ég er í studiegrúppu þar sem við hittumst 5 og lærum stærðfræði saman og ég keypti mér einhverja heavy duty reiknivél í dag sem gerir gröf og margt annað. Geggjun ég veit en þetta reddast.

Veðrið er fínt hérna hjá okkur eins og er, allavega á daginn. Hann hangir í 15-16°C á daginn og sól en er svo að læðast í 5°C á næturnar svo það er frekar kalt þegar við förum út á morgnanna.

Litla dýrið er með smá kvef en annars er hún hress. Henni finnst rosa gaman að fara til dagmömmunnar og það er svo gaman að hún verður stundum fúl þegar maður kemur og sækir hana. Það er hægt að segja að hún er mjög ákveðin unga stúlka. Veit ekki hvaðan hún hefur það.

Jæja hvað meira get ég sagt. Jú Jónas frændi er að koma í heimsókn. Hann er að keyra frá Frakklandi því hann er að fara taka Norrænu á laugardaginn svo hann ætlar að stoppa hér í 1-2 nætur. Það verður bara gaman að fá hann í heimsókn þar sem ég hef ekki séð hann síðan um áramót en hann er búinn að vera í Frakklandi að kokkast.

Jæja meira veit ég ekki hvað ég á að tala um því hér gengur allt sinn vanagang. Líkurnar á að við verðum hér um jól og áramót aukast svo sorry fólk ekkert djamm með okkur um áramót nema þið komið til okkar.

Jæja ætla fara bjarga geisladiskunum frá Ingu Rós.

Þar til næst
See ya

Fréttir frá Baunalandi

2007-09-08T19:26:00.000+02:00

Jæja þar sem ég hef fengið kvörtun vegna bloggleysis þá ákvað ég að skella nokkrum línum hérna inn. Jæja þá hvað erum við búin að vera gera af okkur síðast liðnar vikur. Nú við fengum heimsókn frá Álaborgargenginu og var það mjög gaman að fá þau í heimsókn. Ingu Rós og Önnu Valdísi kom bara nokkuð vel saman. Við skelltum okkur til Flensborgar og eyddum laugardegi þar. Borðuðum góðan mat og keyptum mjög góðan mat sem við grilluðum svo um kvöldið.

Jú ég er byrjuð í skólanum og veit ekki alveg hvernig mér finnst þetta nám. Þetta er kennt á dönsku og þó ég geti bjargað mér og chitt chattað aðeins á dönsku þá er er aðeins erfiðara að hlusta kennarana tala rosa hratt um fjármál og nota orð sem ég varla skil. En við skulum bíða og sjá hvort þetta lagist ekki.

Finnur er byrjaður að spila fótbolta og er hann að fara með strákunum næstu helgi til Horsens að spila á klakamótinu sem er fótboltamót Íslendinga hérna í DK. Honum finnst mjög gaman og hann fær góða hreyfingu út úr þessu.
Ég ákvað hins vegar að byrja í Pilates og lofaði fyrsti tíminn góðu.

Inga Rós er búin að vera hjá gestadagmömmu og finnst henni mjög gaman þar sérstaklega þar sem hún á hund. Inga Rós bara vinkar mér þegar ég skil hana eftir á morgnana og knúsar mig þegar ég sæki hana. Hún á að vera þarna í eina viku í viðbót og svo fer hún til sinnar reglulegu dagmömmu. Vonandi verður það í lagi. Annars braggast hún bara vel og er gaman að sjá hversu mikið hún breytist og þroskast á hverjum degi.

Annars er voða lítið að frétta af okkur hérna úr baunalandinu nema við erum að spá í að koma ekki til Íslands um jólin. Þannig að litla fjölskyldan er að spá í að eyða jólum og áramótum hérna í DK. Ástæðan er sú að ég er í skólanum til 21 des. og á svo að fara í próf í janúar og við spörum okkur pening. Þannig að við ætlum að eiga stresslaus jól þetta árið.

Jæja ætla láta þetta gott heita

P.S. Við viljum óska Mæju og Óla innilega til hamingju með litla prinsinn.

Þar til næst
See ya

Hitt og þetta

2007-08-14T14:57:00.000+02:00

Jæja ég ákvað að henda hérna inn nokkrum línum aðallega til að láta fólk vita að við erum á lífi.
Kristín og Karen vinkona hennar eru búnar að vera hérna hjá okkur og skemmtum við okkur konunglega. Var náttlega farið með þær að shoppa og svo var kíkt á næturlífið hérna í Kolding og held ég að þær hafi verið nokkuð ánægðar með það. Allavega fannst þeim strákarnir hérna ekkert slor ;)

Anyway þá komst ég inn í Syddanski Universitet svo ég sest enn á ný á skólabekkinn í haust sem verður vonandi fínt og stefni ég að klára bachelorinn á næsta ári.
Inga Rós er einnig komin með dagmömmu sem er frábært. Hún heitir Malien og eru 4 börn hjá henni alltaf en svo er hún með aukapláss ef einhver önnur dagmamma verður veik eða fer í frí. Þær eru víst 4 dagmömmur sem vinna svona nokkurn veginn saman þ.e. þær hittast svo öll börnin kynnist þeim ef svo kemur til að þau þurfi að fara til aðra dagmömmu í smá tíma. En allavega þá held ég að Ingu Rós hafi litist ágætlega á aðstæður. Hún byrjaði í aðlögun í morgun í nokkra tíma. Þetta var mjög skrýtið ef ekki pínu erfitt að skilja hana eftir svona en þetta verður gott fyrir hana og mig. Dagurinn hjá henni var svona upp og niður. Vildi náttlega fá mömmu sína en svo inn á milli var hún fín. Hún fer svo aftur á morgun og þá kemur í ljós hvernig hún tekur því að vera skilin eftir því ég var með Ingu Rós í c.a. klst í morgun en á morgun mun ég ekkert stoppa.

Síðasti gestur sumarsins kemur á fimmtudaginn en þá kemur Charlene vinkona frá Englandi. Við eigum eftir að bauka eitthvað saman.

Jæja ætla að fara hætta þessu bulli og fara kannski að lesa einhverja bók áður en maður dembir sér í skólabækurnar.

Þar til næst
See ya

Til hamingju með afmælið...

2007-08-04T21:56:00.000+02:00

Elsku litla rósin okkar er orðin 1 árs gömul í dag. Varð reyndar 1 árs þegar við vorum að fara um borð í vélina í nótt. En vá ég trúi því varla að hún sé orðin eins árs. Hún er orðin svo stór og farin að labba (hlaupa) út um allt.
Innilega til hamingju með afmælið elsku Inga Rós

Knús og kossar
Mamma og pabbi

P.S. erum að henda inn myndum frá því í júlí.

Fullt hús af gestum

2007-08-04T21:24:00.001+02:00

Úff þar sem það hefur eiginlega ekki gefist tími til að blogga síðustu vikur þá verð ég að skella inn nokkrum línum.
Eins og fyrirsögnin gefur til kynna þá var júlí mjög busy. Það byrjaði á að Ásdís og strákarnir komu í heimsókn og nokkrum dögum seinna kom Íris Sól dóttir Ásdísar með lest frá pabba sínum. Það var alveg frábært að fá þau í heimsókn og var gert eitt og annað. Við fórum með strákana í Ljónagarðinn í mjög góðu veðri og svo tókum við allann krakkaskarann í Legoland. Úff segi ég bara. Við fengum 27°c og sól og garðurinn var stútfullur af fólki. Reyni þetta ekki í bráð. Ég og Ásdís skildum svo Finn eftir með öll börnin á meðan við fórum í verslunarleiðangur og verslaði Ásdís svo mikið að hún fékk eina litla tösku lánað hjá okkur en það var ekki nóg því við fórum heim með einn poka fullann af fötum sem gleymdist hehehe.

Á meðan Ásdís og co voru hérna þá renndu Baldur, Arna og Sonja Líf í hlaðið og var þá fólksfjöldin á Christen Bergs Vej 11 orðin 11. Þetta stóð í 2 daga eða þangað til að Ásdís fór heim með liðið sitt. Við gátum náttlega ekki svikið Baldur og co með Legoland svo það var haldið eina ferðina enn til Billund. Mjög fínt veður og troðinn garður. Eins og með aðra gesti þá var farið í mollið og tókst Baldri og Örnu að slá kaup Ásdísar út í H & M. Þessi verslunarferð endaði svo á að ég lenti á svörtum lista hjá H & M en það er löng og leiðinleg saga að segja frá. Þau fóru svo 22 júlí til Köben og það var fáranlega rólegt í húsinu :)

Við tókum lestina snemma til Köben 25 júlí til að fara í Tívolíið með Baldri og co og skemmtum við okkur konunglega. Enduðum við svo borgarferðina á að borða á geggjuðm Áströlskum stað sem heitir Reef N' Beef. Baldur og Finnur fengu sér 600 gr. steik sem var svona í stærri kantinum sem by the way þeir kláruðu og Baldur fékk sér eftirrétt. Þið getið séð hér til hliðar stærðina á þessari steik miðað við stærð á kveikjara. Ég og Arna fengum okkur Kengúru kjöt og Evíta fékk sér krókudíla kjöt. Ekkert smá stolt af minni stelpu þar sem hún var búin að ákveða löngu áður að hún ætlaði sér að fá sér kengúru eða krókudíl.

Við flugum svo heim um kvöldið og lentum á klakanum um 23:30 og skiluðum Evítu af okkur. Við eigum eftir að sakna hennar mjög mikið aðallega þó Inga Rós.
Takk Evíta fyrir æðislegt sumar :)

Íslandsförin var stutt en skemmtileg. Við héldum upp á afmælið hennar Ingu Rósar og heppnaðist það mjög vel. Hún fékk fullt af gjöfum og viljum við þakka aftur fyrir okkar dömu. Inga Rós skemmti sér konunglega hjá ömmu og afa í Mosó. Gaf þeim nokkrum sinnum vægt hjartaáfall og fór í pottinn með þeim og leiddist henni það ekki því hún elskar vatn. Það var erfitt að segja bless við mömmu og pabba en það verður gaman þegar við komum um jólin því Inga Rós verður orðin stærri og eldri. Við vorum 13 tíma að ferðast heim og greyið litla varð veik. Þegar við komum loks til Kolding þá var hún komin með 40°C og hálsbólgu að það heyrðist varla í henni. Við drifum okkum upp á læknavakt og fengum stíla til að gefa henni. Hún er þó öll að hressast en við missum að lítilli afmælisveislu sem mömmuhópurinn ætlar að vera með á morgun. En svona er þetta.

Jæja ætla láta þetta gott heita

Þar til næst
See ya

Allt á fullu......

2007-07-11T09:05:00.000+02:00

Úff ég afsaka bara þetta bloggleysi. Maður er bara búin að vera busy og svo þegar man að það sé komin tími til að blogga þá fer að maður að gera eitthvað annað svo bloggið gleymist.
Jæja hvað get ég sagt. Nú við erum búin að vera í gestapásu frá því að Konni fór 1 júlí en á morgun koma svo Ásdís og strákarnir og okkur hlakkar ekkert smá til að fá þau í heimsókn. Það verður gert eitt og annað á meðan dvöl þeirra stendur.

Síðustu helgi skellti ég mér á Bryan Adams tónleika með stelpunum. Þetta voru útitónleikar og það var búið að rigna meira og minna allann daginn en svo stytti upp eftir kl 19 og kvöldsólin mætti á svæðið og veðrið var geggjað. Frábærir tónleikar í geggjuðu veðri. Ég bjóst nú ekkert við miklu en við skemmtum okkur alveg konunglega. Laugardagurinn fór nú mestu í afslöppun hjá okkur öllum en svo á sunnudag skelltum við okkur í Legoland. Þar var farið í fleiri tæki en síðast og Evíta komst í rússibana sem hún komst ekki síðast og skemmti sér konunglega. Næsta Legoland ferð verður farin á mánudag með Ásdísi, strákunum og Írisi Sól (sem kemur hérna frá pabba sínum á sunnudag) og svo verður fjórða Legoland fer farin 19 júlí með Baldri og co. Gaman gaman.

En þið sem hafið ekki frétt það en þá erum við að koma á klakann 25 júlí. Þetta verður ekki langt stopp en við förum til baka 4 ágúst. Við þurfum að tæma geymsluna okkar í Hraunbænum og afhenda íbúðina þar sem við erum búin að selja. Við verðum upp í Mosó svo ef þið viljið hitta okkur þá vitið hvert þið getið komið þar sem við verðum ekki með bíl. Sömu símanúmer verða í gildi svo endilega verðið í bandi.

Inga Rós er komin á fullt skrið með að labba. Ég taldi nú 28 skref hjá henni í gær en hún labbar annars alveg ein frá herbergi til herbergis. Þeim frænkum kemur rosalega vel saman. Sú litla dýrkar stóru frænku sína og Evíta er mjög dugleg að leika við hana og hjálpa okkur að passa hana. Ég veit bara ekki hvað Inga Rós gerir þegar Evíta fer aftur heim.

Jæja ætla fara láta þetta gott heita og koma litla dýrina út í vagn að lúlla.
P.S. er að henda inn nýjum myndum hjá Ingu Rós.

Þar til næst
See ya

Útskrifuð

2007-06-30T14:14:00.000+02:00

Yes þá er ég loksins útskrifuð úr IBA og komin með þennan fína titil Market Economist. Athöfnin fór fram í riddarasalnum upp í Kolding húsið og var þetta voða formlegt og fínt. Svo eftir athöfnina þá var skálað með samnemendum og fjölskyldum þeirra. Mér leið ekkert smá vel að fá skírteinið í hendurnar vitandi að þessum áfanga er lokið. Það var svo haldin hérna smá veisla enda kom hele famelíann alla leið frá Íslandi. Ekki nóg með að mamma, pabbi, Danni og Tinna kærasta hans komu heldur mætti Konni kallinn á svæðið líka. Það var tekið því aðeins á því hérna fimmtudagskvöldið enda þurftum við að sýna Danna og Tinnu næturlífið hérna. Þau héldu svo heim á leið í gær og mamma og pabbi fóru svo til Köben í dag og ætla þau að vera þar eina nótt.

Famelían fékk nú ekki það besta veður á meðan þau voru hérna. Það er búið að rigna alla daga hérna nema á útskriftardaginn þá hélst hann þurr en hann blés nú aðeins svo það var aðeins of kalt til að sitja úti og borða. Veðrið má nú alveg fara að lagast. Maður er nú komin með nettann leiða á þessari rigningu. Ég vil fara fá svona 1 til 2 þurra daga og það skemmir nú ekki ef gula kvikindið láti sjá sig líka Svo maður geti nú farið að fara í Legoland án þess að drukkna.

Annars er nú helst í fréttum að Inga Rós er búin að taka fyrstu skrefin og fleiri til. Hún tók fyrstu 2 skrefin föstudaginn fyrir viku síðan og svo á fimmtudaginn tók hún 16 skref. Ekkert smá gaman hjá henni.

Ég er að vinna í því að henda inn nýjustu myndunum inn á síðuna hennar Ingu Rósar og þið getið séð myndir frá útskriftinni og partýinu hérna.

Ætla ekki að hafa þetta lengra í bili.
Þar til næst
See ya

Gleðilegan 17 júní

2007-06-17T22:27:00.000+02:00

Jæja nú er júní hálfnaður og gestir nr 3 farnir heim til Íslands. Ásta, Óskar og Ágúst Páll komu hingað s.l. þriðjudag og fóru heim í eldsnemma í gær. Það var ekkert smá gaman að fá þau hingað í heimsókn og Ingu Rós og Ágúst Pál kom mjög vel saman. Það var nú ekki stíft prógram á meðan dvöl þeirra stóð en við fórum upp í moll og ég sýndi þeim miðbæinn og svo var bara afslöppun inn á milli. Hefði nú viljað að veðrið hefði verið betra en maður fær nú ekki allt saman. Hjördís og Mikkel komu svo á föstudeginum og þá var borðaður mjög góður matur og spjallað fram eftir kvöldi því það er nú ekki oft sem við vinkonurnar hittumst allar saman. Svo fóru allir til síns heima á laugardeginum. En ég segi bara takk æðislega fyrir frábæra daga.

Nú er gestapása í rétt rúma viku en þá kemur fjölskyldan mín því maður er nú að fara útskrifast sem market economist svo það verður eitthvað húllum hæ. Hlakka bara til.

Þar sem það er nú 17 júní og við ekki stödd á klakanum þá varð maður að fagna honum einhvern veginn. Við skelltum okkur í Legoland. Við vissum að þeir voru búnir að spá einhverri rigningu og samkvæmt veðurspám þá átti að rigna c.a. 4 mm en ég held að það hafi ringt miklu meira því að við lentum í því að það rigndi stanlaust í 3 tíma og ég er að tala um úrhelli. Evíta lét það ekki stoppa sig í að draga okkur í tækin en það var voða notalegt að koma heim í heita sturtu og þurr föt. Evíta skemmti sér konunglega sem er gott.

Jæja ég er að spá í að segja þetta gott í dag og fara koma mér bara í bólið eftir langan og blautann dag.

Þar til næst
See ya

Evíta og ströndin

2007-06-11T08:41:00.000+02:00

Maður er nú voðalega latur eitthvað við að skrifa hérna inn. Enda er það ósköp skiljanlegt þar sem það er alltof gott veður hérna í baunalandinu. Jú jú hitinn er búin að vera yfir 25°C og í gær fór hann upp í 33°C þar sem við vorum á ströndinni.

Jæja heimilisfólið á þessum bæ er búið að vera frekar busy síðustu daga. Óli afi og Evíta María komu síðasta miðvikudag og hafði Unnur amma sent ýmislegt góðgæti með að ósk heimilisfólksins og þökkum við henni fyrir það. Tíminn var nýttur vel hérna á meðan Óli afi var hérna eins og kíkja í búðir, rölta um bæinn og borða góðan mat. Takk fyrir heimsóknina. Evíta María varð svo eftir þar sem hún ætlar að eyða sumrinu sínu hérna hjá okkur. Við byrjuðum á að fara til Rømø með hana sem er eyja við vesturströnd Danmerkur og getur maður keyrt þangað og svo parkerar maður bílnum bara á ströndinni eins nálægt sjónum og maður vill. Við skemmtum okkur öll mjög vel þarna en ég og Finnur lentum í því að brenna aðeins, Finnur þó meira en ég, greyið hann. Þetta var bara fyrsti dagurinn af vonandi fleirum sem notaðir verða til að fara á ströndina.

Á morgun koma Ásta, Óskar og Ágúst Páll í heimsókn en þau munu koma með ferjunni frá Osló og keyra þau frá höfninn fyrir norðan og hingað til okkar. Þau ætla að stoppa fram á laugardag og munu Hjördís og Mikel einnig kíkja við þannig að við verðum loksins 3 vinkonurnar saman, en það gerðist síðast held ég 2005 þegar Hjördís og Mikel komu til Íslands. En það verður vonandi bara gaman.
Og svo á sunnudaginn þá verður stefnan tekin á Legoland með Evítu og ég efast ekki að hún eigi eftir að skemmta sér þá.

Jæja ætla fara hætta þessu rauli því litla dýrið er farið að lykta illa.
Þar til næst
See ya

Jibbí sumarfrí

2007-05-31T07:58:00.000+02:00

Jæja þá er þetta loksins búið. Eftir 28 daga mun ég útskrifast frá IBA með diplómagráðu í Market Economist. Vá hvað ég er fegin að þetta er búið. Sem sagt ég fór í lokaprófið mitt í gær sem var munnleg vörn á ritgerðinni minni. Ég nokkuð sátt við einkuninna en ennþá ánægðari með hvað þeir sögðu um fyrirlesturinn og vörnina sjálfa. Þeir sögðu and I quote: You put up an hell of a fight. Allavega ætla ég mér að taka þessu sem hrósi.
Svo er bara spurning hvað maður gerir í haust en það eru 2 valmöguleikar í gangi hjá mér svo það kemur allt í ljós. Annars ætla ég bara að njóta sumarfrísins og leika gestgjafa í sumar.

Litla dýrið er alltaf jafn yndisleg. Hún er farin að labba aðeins þegar maður heldur í hendurnar á henni og svo er hún alltaf að reyna standa sjálf án þess að halda í borðið eða sófann. Hún bara stendur upp og svo sleppir hún takinu. En hún dettur bara á bossann sem er vel varinn.

Heyrðu já við erum komin með "gæludýr" eða á maður kannski að segja nýjan leigjanda. Við erum með skúr hérna úti sem er opinn og við geymum eldivið og verkfæri þar og einnig Ingu Rós þegar hún sefur úti í vagninum. Við sáum um daginn broddgölt á röltinu í garðinum okkur og í gær þá fann Finnur híbýli hans undir eldiviðnum. Getið séð hérna á myndinni til vinstri þar sem Finnur er að benda á hann. En við bjóðum hann bara velkominn í fjölskylduna hann heitir eins og er bara Hr. Broddgöltur en við erum opin fyrir öðrum uppástungum.

Annars eru bara 5 dagar þar til Evíta kemur til okkar og við erum ekkert orðin neitt smá spennt yfir því. Búið er að plana hvað á að gera eins og Legoland, ströndina og margt fleira. Þið sem ætlið að koma í heimsókn í sumar ef þið viljið fara í Legoland þá erum við alveg til í það. Efast um að Evítu leiðist það að fara oftar en einu sinni. :)

Jæja ætla fara hætta þessu bulli og fara fá mér morgunmat.

Þar til næst
See ya

Update........

2007-05-21T08:27:00.000+02:00

Jæja ætli það sé ekki best að skella inn nokkrum línum hérna. Maður hefur verið frekar latur við að blogga og held ég að ég hafi barasta tekið þetta frí sem ég tók mér bókstaflega. Svo ég ætla nota tækifærið á meðan Inga Rós horfir á stuppana. En látum okkur nú sjá, hvað erum við búin að vera gera síðan ég skilaði verkefninu mínu. Nú Snorri mágur kom í heimsókn til okkar helgina eftir verkefnaskil og var það alveg geggjað að fá hann í heimsókn. Finni leiddist það ekki að fá bróður sinn til sín. Snorri kom náttlega með fullt af íslensku gúmmilaði með sér og þökkum við æðislega fyrir það allt saman. Þeir bræður skelltu sér til Þýskalands og á djammið og svo var bara afslöppun. Inga Rós var ekki alveg viss með hann Snorra frænda sinn en oftast var hann inn hjá henni. Þannig að við segjum bara takk Snorri fyrir heimsóknina og frábæra helgi.

Nú við famelían skelltum okkur á laugardaginn til Ribe á Tulipanfest. Við gistum heima hjá foreldrum Helle og pössuðu þau Ingu Rós á meðan við kíktum á næturlífið um kvöldið. Helle og foreldrar hennar eiga 2 labrador hunda og ég veit ekki hvor var hræddari við hvort annað Inga Rós eða þeir en allavega á sunnudeginu þá var Inga Rós ekki hrædd við þá heldur vildi bara æða í þá. En þetta var alveg frábær helgi og ekki skemmdi veðrið fyrir því það var alveg geggjað. Ég mun skella inn nokkrum myndum frá helginni inn á Barnanetsíðuna á eftir.

Fríið mitt er búið í bili en ég mun eyða þessari viku í að undirbúa vörnina mína sem verður 30 maí. En ég þarf að búa til fyrirlestur sem ég þarf svo að flytja fyrir Niels supervisorinn minn og svo einhvern external prófdómara. En þetta kemur allt í ljós í næstu viku hvernig þetta fer.

Inga Rós blómstrar alveg núna. Hún er komin á fullt með að skríða á fjórum fótum og er ekkert smá dugleg að reisa sig upp og labba meðfram hlutum. Hún fer frá sófanum að borðinu og svo tilbaka og reynir að teygja sig í allt sem hún sér.

Nú eru aðeins 15 dagar þangað til að Evíta kemur í heimsókn og bíðum við spennt eftir að fá hana hingað.

Jæja ætli það sé ekki best að fara hætta þessu bulli enda orðið allt of langt.
Þar til næst
See ya

Signed, sealed & delivered

2007-05-09T09:38:00.000+02:00

Loksins loksins er stóra ritgerðin búin og komin í hendur skólans. Þetta hafa verið erfiðir og strembnir mánuðir og ég er alveg óskaplega fegin að vera búin með þetta því nú get ég aðeins slakað á og notið þess að vera með Ingu Rós áður en ég byrja á vörninni minni. Finnur var enn í fríi í gær svo ég og Helle skelltum okkur á kaffihús og vorum þar í allan gærdag drekkandi kaffi og bjór og skemmtum okkur konunglega.

Finnur er byrjaður aftur að vinna en reyndar vinnur hann bara í dag og á morgun því Snorri er að koma í annað kvöld og fer svo aftur heim á mánudaginn. Það verður gert eitthvað sniðugt hérna á meðan dvöl hans stendur. Allavega er eurovisuion helgin núna svo maður verður náttlega að styðja Eirík og vona að hann komist lengra en Sylvía Nótt.

Það eru nokkur afmæli búin að vera síðustu daga eins og 1 mai áttu Snorri og Stína amma afmæli. 4 maí voru það Leifur og Anna Valdís 2ja ára, 5 maí var það Katla frænka 2ja ára og 6 maí var það Ingunn Anna 1 árs og fórum við í afmæli til hennar um helgina og var voða gaman þar. Á morgun á svo Evíta María afmæli og verður hún 8 ára. Viljum við óska öllu þessu fólki innilega til hamingju með afmælin.

Ég hef voða lítið að segja núna en ég og Inga Rós ætlum að skella okkur upp í moll með Helle og kíkja á föt.

Þar til næst
See ya

Kolding inn 2007

2007-04-25T09:57:00.000+02:00

Jæja að styttist óðum í ritgerðarskil og ég reyni að hamast eins og ég get á lyklaborðið til að fjölga orðunum og skrifa 120.000 charactera. Sem mér finnst bara rugl en hvað getur maður gert annað að en hlýða.
Finnur er náttlega bara búin að vera yndi með að styðja mig í þessu rugli. Hann tekur sér frí í vinnunni svo ég geti einbeitt mér að skrifa og á meðan hugsar hann um Ingu Rós.

Það styttist óðum í sumarið og bókunartaflan okkar er að fyllast sem er gott. Þannig að verður nóg að gera hjá mér í sumar sem verður geggjað og hlakka ég mikið til því Finnur verður að vinna meirihlutann í sumar en hann mun taka sér frí daga vegna gestagangs. Evíta kemur náttlega 6 júní og fer svo heim með okkur í 25 júlí og við erum á fullu að skipuleggja sumarið og hvað á gera. En svona lítur bókunartaflan okkar út. Þannig að ef að þið eruð að spá í að koma út í heimsókn þá skulu þið fara drífa í því að panta. Ég held að ágúst er ennþá laus. Svo Kristín þú verður að fara setja fótinn niður og sparka í ákveðinn rass :)

Jæja ég er að spá í að fara halda áfram að skrifa og hætta þessari leti.

Þar til næst
See ya

Legoland og geggjað veður

2007-04-16T22:26:00.000+02:00

Þá er enn ein geggjuð helgin liðin. Um helgina má segja að hafi verið klikkað veður. Hitinn fór í 22°C hérna hjá okkur og mjög svo léttskýjað.
Annars fengum við gesti um helgina. Álaborgargengið kíkti til okkar og skemmtum við okkur konunglega hérna. Ingu Rós fannst Anna Valdís alveg stórskemmtilega og leiddist sko ekki við að hafa hana hérna.
Þau komu hérna á laugardeginum í blíðskaparveðri og sátum við það sem eftir var af deginum og enduðum svo daginn á að grilla hamborga með íslenskri hamborgarasósu. Um kvöldið eftir að ungarnir voru komin í bólið var fengið sér aðeins í aðra tánna og spilað.

Á Sunnudeginum þegar allir voru vaknaðir mis hress þá var fengið sér í gogginn og eftir það lá leiðin svo í Legoland. Það var svona rosalega gaman í Legolandi. Það skemmdi nú ekki að veðrið var bara geggjað og garðurinn var ekki troðinn af fólki. Ingu Rós fannst þetta mjög gaman en ég held að Anna Valdís hafi örugglega skemmt sér best.
Ég og Finnur keyptum okkur Sísonpassa þar sem við eigum eftir að fara oftar þangað í sumar.
Við kvöddum svo Laufeyju, Garðar og Önnu Valdísi í Legolandi og fórum svo í sitthvora áttina.

Ég er búin að vera í dag á fullu í ritgerðarskrifum eða allavega reyna það á meðan Finnur og Inga Rós nutu góða veðrið. En það koma vonandi fleiri góðir dagar eftir ritgerðarskil svo það er allt í lagi.

Annars er ég búin að henda inn fullt af myndum inn á síðuna hjá Ingu Rós frá helginni. Og við viljum bara segja takk Laufey og co fyrir geggjað helgi og vonandi sjáumst við aftur í sumar.

Ætla hætta þessu rugli og fara koma mér í háttinn.
Þar til næst
See ya

Páskarnir búnir

2007-04-10T07:24:00.000+02:00

Jæja þá er páskarnir yfirstaðnir með tilheyrandi áti. Mummi og Árný komu hérna á föstudaginn og fóru aftur til síns heima í gær. Ákveðið var að hafa svona sumarbústaða þema yfir helgina sem er afslöppun, borða, drekka, sofa (þó ég og Finnur hafi ekki sofið eins mikið) og spila. Og þetta heppnaðist bara mjög vel og allir voru sáttir og saddir.
Og nú bíðum við bara eftir næstu gestum en Laufey og co frá Álaborg ætla að koma næstu helgi og gista eina nótt. Gaman gaman.

Það styttist óðum í skiladaginn á lokaverkefninu mínu en aðeins 28 dagar eru þangað til ég þarf að skila. Alltof mikið eftir og ekki veit ég hvernig ég á að fara að þessu. Finnst stundum eins og ég muni aldrei ná þessu. En það kemur í ljós 8 maí kl 12:00.

En það verður ósköp notalegt þegar þetta klárast og maður kemst í sumarfrí. Það verður nóg að gera hjá okkur í sumar. Finnur verður reyndar að vinna meirihlutann en Evíta María litla systir Finns ætlar að koma til okkar í byrjun júní og vera hjá okkur í þar til í endann júlí, en þá ætlum við að skreppa heim í nokkra daga og hún fer með okkur heim. Það verður gert ýmislegt með henni eins og að fara í Legoland og margt fleira.
Svo koma mamma og pabbi aftur í endann júní ásamt Danna bróður og Tinnu kærustu hans. Baldur er eitthvað að spá í að koma út í nokkra daga og svo Kristín vinkona líka. Svo það verður svaka fjör hér og vonandi skemmir veðrið ekki.

Jæja ætla fara hætta þessu rugli og fara reyna læra
Þar til næst
See ya

Vorið er komið

2007-04-06T13:03:00.000+02:00

Og páskarnir með því. Við viljum bara óska öllum gleðilegra páska og hafið það sem allra best yfir helgina.

Við erum bara að dúlla okkur í garðinu á meðan við bíðum eftir að Mummi og Árný láti sjá sig hérna. Finnur er að bera á garðhúsgögnin og sit ég og horfi á og baða mig í sólinni á meðan góð verkaskipti haha :)

Þar til næst
See ya

Komin til baka og geggjað veður í DK

2007-04-01T22:56:00.000+02:00

Þá er maður komin til baka frá klakanum. Ferðin til Íslands var mjög skemmtileg þó stutt hafi verið. Ingu Rós fannst voða gaman að fara til Íslands enda fékk hún alla þá athygli sem hún vildi og gott betur. Hún fór í sína fyrstu næturpössun til ömmu Gróu og Stínu langömmu og gekk það bara mjög vel. Á meðan skemmti ég mér konunglega í afmælinu hans pabba og síðustu gestirnir fóru ekki fyrr en undir morgun.

Áður en ég fór heim aftur þá átti ég góðan fund með contact aðilanum mínum hjá Icepharma og ræddum aðeins verkefnið mitt og var hann ánægður það sem komið er.
Ég og Inga Rós lögðum svo í 12 tíma ferðalag síðast liðinn fimmtudag og tók það aðeins á þar sem ég var með þunga tösku og lenti í smá rifrildi við leiðinglega kellu upp á velli. Hún sagði að ég mætti ekki vera með tösku þyngri en 23 kg en mín var 33 kg, (þar sem ég var með mitt dót og Ingu Rósar ásamt smá mat). Henni fannst bara eðlilegt að Inga Rós væri með sér tösku og ég ætti bara að bera þær báðar ásamt því að vera með kerru og Ingu Rós. Ég er viss um að þessi kella hafi aldrei ferðast ein með barn. Aaaarrrrgggghhhhhh
En við komumst loksins á leiðarenda þar sem Finnur tók á móti okkur á Kastrup með bros á vör.

En vá veðrið sem tók á móti okkur var bara geggjað og er búið að vera geggjað síðan við komum til baka. Í góða veðrinu í dag fórum við í göngutúr með Helle og keyptum okkur ís og sátum svo í sólinni og borðuðum hann með bestu lyst.
Í kvöld var svo grillað á nýja gasgrillinu okkar og við notuðum einnig tækifærið í dag og keyptum okkur garðhúsgögn. Maður þarf nú að eiga góða stóla og borð til að hafa úti þegar maður vill setjast út í góða veðrið ;)

Já meðan ég man. Inga Rós er komin með tönn nr. 3 og fann Halli afi hana og beit Inga Rós hann að launum. En hún lætur ekki þar við sitja. Heima á Íslandi byrjaði hún að bakka út um allt á maganum og svo í gær byrjaði hún á fullu að fara áfram á maganum. Þannig að nú verður ekki langt í að maður verður hlaupandi á eftir henni út um allt. Ekkert smá dugleg stelpa. Hún er samt búin að vera eitthvað lítil í sér. Búin að vera með einvherja magakveisu og svo í dag var hún komin með smá hita. Við vonum bara að hún nái sér sem fyrst.

Nú eru bara páskarnir framundann og Mummi og Árný ætla að heiðra okkur með nærveru sinni hérna í nokkra daga. Það verður mikið gaman og mikið fjör. Trúi ekki öðru.

Jæja ætla að fara hætta þessu bulli og koma mér í bólið
Þar til næst
See ya

Iceland here we come

2007-03-22T09:05:00.000+01:00

Jú jú ég er á leiðinni á klakann. Við komum nú ekki öll 3 í þetta skiptið heldur verður það bara ég og Inga Rós. Finnur verður grasekkill á meðan.
Ástæðan fyrir ferð okkar er að pabbi gamli varð fimmtugur um daginn og verður haldin veisla í tilefni þess á laugardaginn. Mamma og pabbi eru búin að vera hérna hjá okkur síðan á sunnudaginn og verðum við samferða þeim heim. Pabbi fékk ekkert að vita fyrr en í gær að við við færum heim með þeim en þá fattaði hann loksins að eitthvað var í gangi. Þetta fylgir víst aldrinu hehe.

Ég verð með gamla númerið mitt á meðan ég verð á klakanum en ekki búast við að ég verði á rúntinu með Ingu Rós. Við förum aftur heim 28 mars svo þetta er ekki langur tími. Við munum gista hjá mömmu og pabba upp í Mosó svo ef þið viljið hitta okkur endilega sláið á þráðinn og ég býð ykkur í kaffi.

Jæja ætla láta þetta gott heita og halda áfram að pakka

Þar til næst
See ya

Til hamingju með afmælið...

2007-03-15T10:28:00.000+01:00

....elsku pabbi minn. Jú jú pabbi á afmæli í dag og hefur hann náð þeim merka áfanga að vera orðinn 50 ára gamall ( þó hann vilji meina að hann er bara 29 ára) en við hin vitum betur.En hann má eiga það að hann er ungur í anda og það er fyrir öllu. Og við hérna í DK hlökkum ofsalega til að fá hann og mömmu í heimsókn á sunnudaginn. Og með því viljum við óska pabba/tengdó/afa

Innilega til hamingju með daginn

Bestu kveðjur
Lille fam í Kolding

Alltaf stuð í Danmörku

2007-03-04T19:55:00.000+01:00

Jæja ákvað að henda inn nokkrum línum bara svona aðallega til að láta vita að við erum á lífi.

Já eins og þið hafið séð í fréttum þá hafa verið óeirðir í Köben síðan á fimmtudaginn. Fólk hefur verið að kasta múrsteinum og mólotov kokteilum í lögguna, kveikt í ruslagámum og bílum. Alls hafa 600 manns verið handteknir og þó nokkrir útlendingar (engir Íslendingar svo vitað sé um). Við sáum í féttunum í gær af einum mjög óheppnum manni sem lenti í því að kveikt var í eins árs gömlum bílnum hans og það sem eftir var af honum var lyklakippann. Hann ákvað að færa bílinn frá Hans torv þar sem mótmælendur voru föstudagskvöldið til þess að sleppa við að skemmdir á bílnum en svo fór sem fór.

En það eru ekki bara leiðindafréttir héðan úr DK. Nú hún Alexandra "ekki prinsessa lengur" giftist í gær sínum almenna borgara Martin. En þar sem hún missti prinsessu titilinn þá fékk hún í staðinn greifynju titil og verður því greifynjan af Fredriksborg. Kátt á þeim bæ vonandi.

En við megum ekki gleyma einu, en það er að litla blómarósin okkar er orðin 7 mánaða.
Það er alveg ótrúlegt hvað hún breytist á hverjum degi. Hún situr nánast alveg óstudd, er farin að toga sig upp með því að grípa í hluti og reynir að gera tilraun til að skríða en hún lítur alltaf út eins og fiskur á þurru landi og baðar út öllum öngum. Svo það er alltaf gaman af henni og hún kemur öllum alltaf til að brosa.

Svo eru aðeins 14 dagar þar til mamma og pabbi koma í heimsókn og það styttist í 50 ára afmælið hans pabba. Hlakka bara til.

Jæja ætla láta þetta duga í bili

Þar til næst
See ya

Til hamingju konur.....

2007-02-18T20:44:00.000+01:00

með daginn í dag. Jú mikið rétt það er konudagur í dag og þó maður sé í öðru landi þá heldur maður upp á þennann dag. Ég fékk að sofa út í dag sem var mjög ljúft og í tilefni dagsins þá bakaði ég vöfflur og bollur í tilefni bolludagsins á morgun, en elskan mín eldaði mjög góða máltíð fyrir okkur. Vöfflurnar runnu ljúft niður og verður tekið forskot á bolludaginn núna á eftir :)

Það var öskudagur hérna í Danmörku um helgina og var kötturinn sleginn úr tunnunni í gær og dag þá var dinglað hérna hjá okkur og sungið fyrir okkur og í staðinn fengu krakkarnir nammi. Ég hafði ekki hugmynd um þetta svo það varð smá panik hér á bæ og það litla nammi sem til var var sett í poka og afhent og svo var Finnur rekinn út í búð til að kaupa meira svo maður ætti nú eitthvað. En sú búðarferð var til einskis því ekki var dinglað meir.

Í dag er mánuður þar til mamma og pabbi koma í heimsókn en þau ætla að stoppa við á leið heim frá Svíþjóð í nokkra daga og verður það bara gaman. Þau verða með bílaleigubíl svo maður notar hann eitthvað í að rúnta.

Annars er bara allt gott að frétt af okkur. Ég er að byrja á lokaritgerðinni minni og á ég aðeins eftir að skrifa 100.000 characters, en þetta gengur ágætlega hjá mér.

Ójá meðan ég man, ef fólk er að spá í að kíkja í heimsókn til okkar í sumar endilega látið okkur vita tímalega svo við getum skipulagt sumarið og bókað gestaherbergið. Fyrstur kemur fyrstur fær :)

Jæja ætla láta þetta duga í bili og fara fá mér rjómabollu :)
Þar til næst
See ya

Verkefnaskil jibbí........

2007-02-02T13:17:00.000+01:00

Vá hvað ég er fegin að það sé komin föstudagur. Ég er búin að vera síðastliðna viku liggur við lokuð inni með hausinn ofan í tölvuskjánum. En í morgun skilaði ég verkefni mínu í Feasibility study og fór í munnlega prófið, nett stressuð. Það fór sem fór að ég þurfti ekki að hafa neinar áhyggjur því ég náði munnlega hlutanum svo nú er bara bíða og sjá hvort þeim hafi líkað við skriflega partinn.
Nú verður stefnan bara tekin á lokaverkefnið mitt eftir vikufrí frá öllu sem heitir eða tengist skóla.
Ég ætla bara að eyða tíma með Ingu Rós og Finni þegar hann er ekki í vinnunni og slaka á.

Inga Rós er orðin ekkert smá dugleg. Hún situr alveg ein núna, allavega í nokkrar mínútur, borðar vel og fer svo í sund 1 sinni í viku sem henni finnst bara gaman. Finnur er búin að fara með hana einn síðust 2 skipti og hún er svo dugleg að sögn kennarans. Bara stoltir foreldrar hehe. Svo er þessi litla blómarós að verða 6 mánaða eftir 2 daga. Ótrúlegt hvað tíminn líður hratt.

Heyrðu já meðan ég man. Við erum komin með nýtt heima símanr. Það er 496-0229 og er það íslenskt númer. Það kostar okkur ekkert að hringja í íslensk nr. og ef þið viljið hringja í okkur þá borgi þið bara venjulegt mínútuverð innanlands. Svo nú er ekkert sem stoppar ykkur í að hringja hehehe.

Jæja ég held ég láti þetta duga í bili. Held að heilinn minn sé komin í viku pásu eftir þessa törn.

Þar til næst
See ya

Flutningar

2007-01-23T11:38:00.000+01:00

Jæja ég ætla að byrja á því að biðjast afsökunar á þessu bloggleysi hjá okkur. Í fyrsta lagi þá datt netið okkar út vegna þess að við vorum að fara flytja og svo erum við búin að vera á fullu á mála, pakka og flytja. Og nú erum við loksins flutt og nýja heimilisfangið okkar er Christen Bergs Vej 11, endilega kíkið á linkinn og skoðið myndir af húsinu. Og ef þið viljið sjá meira af húsinu þá verðið þið bara að koma í heimsókn :)

Annars höfum við það bara nokkuð gott. Ég er búin að vera í skólanum síðan við komum til baka. Ég er í kúrs sem heitir Feasibility study og er núna að fara gera verkefni í því. Basically snýst þetta um að finna út hvort eitthvað project sé feasible/ þess virði að halda áfram með það eins og að opna búð. Ég er að gera verkefni fyrir NIKE á Íslandi og ætla ég að finna út hvort það sé möguleiki á að opna NIKE búð heima. Spennó.

Finnur er bara staying home dad á meðan og hugsar um Ingu Rós. Inga Rós blómstrar gjörsamlega. Hún er komin með 2 tennur í neðri góm (fundust reyndar um áramótin) svo hún er algjör dúlla þegar hún brosir þá glittir í þær.

Veðrið hér í Danmörku er ekki búið að vera upp á marga fiska bara rigning og rok, en í morgun þegar við vöknuðum þá var allt hvítt. Þá var bara búið að snjóa í alla nótt og það á víst að vera snjór næstu daga svo við sjáum til hversu lengi hann verður hérna hjá okkur. Maður var kominn með nettann leiða af rigningunni.

Jæja ætla fara hætta þessu rauli og fara koma mér í að halda áfram að læra.

Þar til næst
See ya

Back in DK

2007-01-09T12:13:00.000+01:00

Gleðilegt nýtt ár og takk fyrir það gamla

Jæja þá er litla fjölskyldan mætt aftur til Danmerkur. Home sweet home. Og það var ekkert smá gott að koma heim aftur. Koma heim í sitt eigið dót og ekki eins mikla geðveiki og er heima á Íslandi.

En það var mjög gaman á Íslandi. Nóg að gera og náðum við að hitta held ég alla. Jólin voru frábær og var borðað vel og mikið. Enda verður tekið á því núna á nýju ári og losa sig við aukakílóin sem söfnuðust í jólafríinu. Auka kílóin hennar Ingu Rósar voru vigtuð í fötum sem hún fékk í jólagjöf og þurftum við að skilja meirihlutann eftir á Íslandi.

Inga Rós skemmti sér konunglega held ég bara. Var ekkert feiminn við allt þetta fólk sem hún var að hitta, suma í fyrsta sinn.

Við notuðum tækifærið og skírðum Ingu Rós þann 30 des. og gekk allt eins og í sögu. Inga Rós varð reyndar pínu cranky þegar beðið var eftir prestinum og restinni af gestunum og eftir athöfnina þá steinsofnaði hún í fanginu á mér. Litla dúllan.

Gamlárskvöld gekk mjög vel og svaf hún allar sprengingarnar af sér. Ótrúlegt en satt því hávaðinn var svo mikill að maður gat eins veriðstaddur í Írak.

Við komum heim síðastliðinn föstudag og gekk heimferðin eins og í sögu, fyrir utan smá seinkun á lestinni, og Inga Rós kvartaði ekkert í fluginni nema bara pínu út af þreytu. Hún svaf nú ekki mikið allann daginn en hún tók það út í 12 tíma svefn eftir að við komum heim.

Skólinn byrjaði hjá mér í gær og verð ég á fullu í skólanum næstu 6 vikur og Finnur verður staying home dad á meðan. Reyndar byrjar skólaárið ekki vel. Ég og Inga Rós erum báðar veikar og ákvað ég að vera heima í dag, svo Finnur er hérna og hugsar mjög vel um stelpurnar sínar. Algjört yndi á meðan við hóstum, hnerrum og með hor í nös til skiptis. hehehe

Ó já meðan ég man, þá fáum við lyklana á nýja húsinu okkar á morgun. Hlakka ekkert smá til og um helgina verður málað og svo flutningar eftir það. Gaman gaman.

Jæja ætla fara hætta þessari vitleysu og fara snýta mér
Þar til næst
See ya

Ísland here we come...........

2006-12-14T09:03:00.000+01:00

Jæja þá er komin 14 desember og næsta stopp Ísland á morgun. Ótrúlegt að það er liðið ár síðan við vorum þar síðast. Tíminn líður hratt í Gleðibankanum, allavega var það sungið hér árum áður.

Já eins og ég sagði erum við að koma heim á morgun. Við ætlum að reyna vera ekki á eins miklu flakki og síðast þar sem við erum með Ingu Rós núna og við ætlum að reyna rugla ekki svefnrútínunni hennar og ég veit ekki hvernig bílamálin verða hjá okkur. Svo gott fólk ef þið viljið hitta okkur þá eru þið velkomin í heimsókn. Við munum búa upp í Mosó hjá mömmu og pabba og við verðum með gömlu símanúmerin okkar. Ása 895-0912 og Finnur 898-0768.

Ég veit ekki hversu mikið verður bloggað um jólin svo við viljum því bara segja:

Megið þið eiga Gleðileg jól og farsælt komandi nýtt ár.

Þar til næst
See ya

Ég á afmæli í dag.......

2006-12-09T00:26:00.000+01:00

Ég á afmæli í dag, ég á afmæli í dag, ég á afmæli í daaaaag, ég á afmæli í dag.

Ég er alltof gömul í dag, ég er alltof gömul í dag, ég er alltof gömul í daaaaaaag, ég er alltof gömul í dag.

Jæja þá líður óðum í þrítugsaafmælið. Allavega yngist maður ekki hehehe.

Þar til næst
See ya

Til hamingju með afmælið

2006-12-08T01:41:00.000+01:00

Elskan mín á afmæli í dag. Svo við óskum honum innilega til hamingju með daginn. Ætlum við bara að eiga kósý dag saman fjölskyldan.

Við vorum reyndar með julefrokost í gærkveldi sem geggjað gaman og mikið borðað og mikið drukkið. Getið kíkt á myndir frá því hérna.
Annars á ég afmæli á morgun og gerum við örugglega eitthvað sniðugt þá.

Þar til næst
See ya

Til hamingju með afmælið

2006-12-07T08:53:00.000+01:00

Við viljum óska Guðna innilega til hamingju með 27 ára afmælið í dag.
Guðni við fögnum afmælum okkar fljótlega eftir að við komum heim :)

Bestu kveðjur
Lille fam í DK

Í fréttum er þetta helst..........

2006-12-04T10:51:00.000+01:00

Í dag 4 desember þá á ein lítil blómarós afmæli. Hún er orðin 4ja mánaða gömul. Ég segi bara váááá hvað tíminn flýgur. Áður en maður veit af þá verða þau komin í skóla, fermd og flutt að heiman. En þangað til ætlum við að njóta þess að hún er svona lítil ennþá.

Og í tilefni þess að Inga Rós er orðin 4ja mánaða gömul þá ákvað mamma hennar að fagna því með að taka munnlegt próf sem hún stóðst með prýði. Fékk eina 8 fyrir það og er bara nokkuð stolt af því. Þá er bara að bíða eftir einkunninni úr skriflega prófinu en hún kemur rétt fyrir jólin.

Jæja ætla að hætta þessu bulli og fara slappa af í dag svona áður en ég byrja á næsta verkefni.

Þar til næst
See ya

1 des........

2006-12-01T11:08:00.000+01:00

Jæja þá er 1. des runninn upp og aðeins 14 dagar í heimferð. Hlakka ekkert smá til að koma heim og hitt alla. Annars fékk ég svona nett sjokk um daginn. Áttaði mig á því að það er komið ár síðan ég komst að því að ég væri ólétt. Og árið 2006 að renna sitt skeið. Hvað er maður svo búinn að afreka þetta árið.

Nú ég byrjaði árið að skella mér í 3 mánuði til UK að vinna og skildi Finn eftir í DK.
Kláraði fyrsta árið mitt í IBA í sumar.
4. ágúst eignuðumst við litla blómarós
tók lokaprófið mitt í IBA 6 dögum eftir fæðingu(keisara) og náði
er að klára 3 önnina mína ásamt því að hafa verið heima og hugsa um Ingu Rós
erum búin að segja upp íbúðinni okkar og munum flytja í hús eftir áramót

Ég er allavega voða stolt af sjálfri mér. Ég var í lokaprófinu mínu í gær og hreinlega bara ekki viss um hvernig mér gekk. En ef ég á að velja á milli vel eða illa þá vel ég illa. Ef ég fell þá tek ég það bara aftur 8 jan.
Á mánudaginn er ég að fara í munlegt próf úr Pilgrim verkefninu sem ég gerði um daginn. Og til að toppa það þá er ég fyrst. Ég þarf að tala í 5 mín. svo svara spurningum frá kennurum í 20 mín og svo fara 5 mín. í að ákveða hvernig mér gekk í því. Svo wish me luck

Jæja er að spá í að fara hætta þess. Kannski reyna koma þessum tveimur karlmönnum á fætur. Þ.e.a.s. Finni og Baldri. Já Baldur er ennþá hjá okkur. Hann breytti ferðinni sinni á síðustu stundu og fer heim á morgun. Við ætlum kannski að skella okkur til Århus á eftir svo það verður bara gaman.

Lítil blómarós er farin að kalla á mömmu sína, og finnur er að vakna líka svo það er besta að fara sinna þeim. :)

Þar til næst
See ya

Area study og ungbarnasund............

2006-11-22T19:13:00.000+01:00

Loksins, loksins stóra Area studyið búið. Búin að skoða fyrirtækið Pilgrim, sem selur skartgripi, fram og til baka og kanna hvort þeir eigi möguleika á USA markað. Er bara fegin að þetta er búið. Næst á dagskrá er 6 tíma próf þann 30 nóv. og svo munnlegt próf úr Area studyinu þann 4 des. Og hvað haldið þið. Ég mun brjóta ísinn með að byrja fyrst allra á því. Úff segi ég bara. Hin verða þó bara feginn þar sem ég set standardinn og ekki verður hann hár. Nei nei segi bara svona. Maður gerir sitt besta eins og alltaf og vonandi flýgur maður bara í gegn. Ég hef þó meiri áhyggjur af 6 tíma prófinu en við skulum vona að það gangi vel.
Baldur er annars að koma við hjá okkur í 2 daga akkúrat rétt fyrir próf en það verður í góðu lagi. Sendi strákana bara reglulega út með Ingu Rós þá get ég lært í friði hehe.

Ég er annars ekkert smá stolt af mér. Ég er búin að skrifa öll jólakortin og kaupa allar jólagjafir nema 3 sem verða líklega keyptar heima á Íslandi. Svo nú er bara að klára skólann og undirbúa skírn í leiðinni. En við ætlum að skíra milli jól og nýs árs. Það er nú eiginlega allt reddí fyrir það. Kjólllinn kominn, búið að panta prestinn, boðskortin farin út og bara eftir að panta kökuna, kertið og gestabókina sem verður bara gert rétt áður en maður kemur heim. Maður er svo skipulagður hehehe.

Ég og Finnur fórum í dag með Ingu Rós í ungbarnasund og henni fannst það ekki leiðinlegt. Var ekkert smá dugleg skvísa. Kennarinn var ekkert smá ánægð að Finnur var þarna þar sem það er greinilega ekki algegnt að feðurnir koma með.

Jæja ætla hætta þessari vitleysu þar sem ein lítil blómarós er farin að kalla á mömmu sína.

Þar til næst
See ya

Nóvember

2006-11-10T17:15:00.000+01:00

Well hellú nú er nóvember genginn í garð og aðeins 35 dagar þangað til að við komum heim jibbí. Veðrið er fínt hérna hjá okkur. Komu reyndar nokkrir kaldir dagar þegar Gróa var hjá okkur en svo fór upp í 12°um daginn og hefur haldist í kringum 10°síðustu daga.
Gróa er annars búin að vera hjá okkur en hún fór heim s.l. miðvikudag og höfðum við það verulega kósý hérna. Við tókum bílaleigubíl og keyrðum um alla Kolding og sýndum henni bæinn. Við skelltum okkur til Flensborgar s.l. laugardag og eyddum deginum þar, reyndar komum við ekki þangað fyrr en upp úr hádegi þar sem ég fékk að sofa út því ég fór út og kíkti á jólabjórinn kvöldið áður og var það svakafjör.
En Flensborg var fín. Versluðum pínu á Ingu Rós og mig og fórum svo út að borða á Ítölskum stað sem heitir San Marino (minnir mig) og var borðað vel hehe.
Ég held annars að Gróa hafi skemmt sé mjög vel hérna og það var mjög gaman að fá hana í heimsókn.

Finnur er annars bara á fullu heimavinnandi faðir eins og er. Hann er að jafna sig vel eftir aðgerðina sem hann fór í s.l. föstudag og lítur það vel út. Inga Rós græðir allavega því hún fær þá meiri tíma með pabba sínum.

Skólinn minn er að klárast. Síðasti skóladagurinn var í dag en næsta vika fer í Area study. Eigum við að vinna svona desk-research fyrir Pilgrim á Amerískan markað. Þetta verkefni á ekki að vera nema 48.000 characterar og á að skilast eftir viku. Eftir það erum við komin í lestrar frí og svo er stóra prófið 30 nóv og svo förum við í munnlegt próf úr Arear study 4 og 5 des. En þá er ég komin faktískt í jólafrí. Ætla reyndar að klára eitt verkefni með Helle vinkonu áður en ég fer heim og svo er það bara Ísland here we come.

Jæja ætla fara hætta þessu bulli og reyna halda áfram með Area study-ið. By the way þá er ég búin að henda inn nokkrum nýjum myndum á síðuna hennar Ingu Rósar.

Þar til næst
See ya

Köben

2006-10-30T17:11:00.000+01:00

Jæja maður er nú frekar blogglatur þessa dagana svo maður verður að fara gera eitthvað í þessu. Það gerist lítið hjá mér og Finni en alltaf eitthvað nýtt hjá Ingu Rós. Það er alltaf svo gaman hjá henni og um daginn þá hló hún í fyrsta sinni og ég veit ekki hvort hún eða við skemmtum okkur meira yfir þessu en þetta var frekar fyndið.

Við skelltum okkur annars til Köben um helgina. Fórum á föstudaginn eldsnemma um morguninn með lestinni. Það var bara fínt því Inga Rós svaf alla leiðina. Þegar við komum til Köben þá fórum við upp á hótel og skiluðum töskunni og fórum eftir það að hitta á Guðna og Laugu en þau voru í Köben um helgina.
Á föstudaginn var hífandi rok og manni leið eiginlega eins og heima á Íslandi. Við drógum þau með okkur til Kristjaníu í sendiráðið því við þurftum að sækja um vegabréf fyrir Ingu Rós.
Í sendiráðinu hittum við Svavar Gestsson sendiherra sem kom og spjallaði við okkur almúgann hress gaur þarna á ferð.
Við röltum svo Strikið og enduðum svo á Jensens ásamt Konna. Eftir mat var rölt aftur á Strikið og drukkinn bjór og Mojito. Mikið gaman mikið gott.

Laugardagurinn fór í Fields og verslað aðeins. Alltof stórt moll og alltof mikið af fólki. En við komumst í gegnum þetta heil á húfi. Við komumst svo að því að Danir eru ekki mikið fyrir það að hafa reyklaus svæði á veitingastöðum svo við áttum í erfiðleikum að finna stað til að borða á um kvöldið án þess að kafna úr reyk. En við enduðum svo á einum geggjuðum Mexíkóskum/Ítölskum stað og sátum við úti með 2 hitara og flísteppa og hlustuðum á rigninguna. Geggjað kósý.

Á sunnudeginum fór Finnur upp á flugvöll til að ná í Gróu en ég fór með Guðna og Laugu upp í Fisketorvet í leiðangur eftir krítarskoti. Því miður fannst það ekki en Lauga ég mun athuga það næstu helgi þegar við förum til Germany :)
Ég, Finnur og Inga Rós fórum svo með Gróu í brunch og hittum þar Mumma og Árnýju svona áður en við tókum lestina svo heim.

Við viljum þakka fjölskyldunni í Álfheimunum, Stínu ömmu, Snorra og genginu og Guðrúnu og Smára fyrir gjafirnar. Inga Rós verður vel sett fyrir kalda daga í Danmörku.

Og já meðan ég man þá vil ég minna fólk á að nú erum við aðeins einum tíma á undan ykkur núna.
Og ég er líka búin að henda inn nýjum myndum og nýju videoi svona ef þið viljið kíkja.

Jæja held að þetta sé komið nóg í bili.
Þar til næst
See ya.

Til hamingju Guðni

2006-10-15T22:15:00.000+02:00

Þann 14 október kl. 16:46 fæddist lítil Rögnvaldsdóttir. Hún var 14 merkur(3550gr) og 51,5 cm.
Við óskum Guðna og Guðrúnu innilega til hamingju með litlu dótturina.

Bestu kveðjur
Lille fam í DK

Gullmolar fyrir allar mömmur

2006-10-10T21:35:00.000+02:00

Ég sá þetta á blogginu hjá Höllu skvísu og varð bara að setja þetta hérna inn.

Hvers vegna Guð bjó til mömmur ?

- Hún er sú eina sem veit hvar plásturinn er geymdur.

- Aðalega til að þrífa húsið.

- Til að hjálpa okkur að fæðast.

Hvernig bjó Guð til mömmur ?

- Hann notaði súlu svona eins og í okkur flestum.

- Töfraefni og fullt af garni.

- Guð bjó til mömmu alveg eins og mig bara með stærri hlutum

Úr hverju eru mömmur búnar til ?

- Guð bjó til mömmur úr skýjum, englahári og öllu góðu í heiminum- og pínu slæmu.

- Það varð að byrja með rifbeini úr manninum og svo fullt af garni held ég.

Afhverju gaf Guð þér þína mömmu ekki einhverja aðra mömmu?

- Við erum skyld!!

- Guð vissi að henni líkaði miklu betur við mig en annara manna mömmum.

Hvernig var mamma þín þegar hún var lítil stelpa?

- Mamma var alltaf mamma mín og ekkert annað bull!!!

- Ég veit það ekki af því ég var ekki þar, en held hún hafi verið ansi stjórnsöm.

- Þeir segja að hún hafi verið nokkuð þæg !

Hvað þurfti mamma þín að vita um pabban þinn áður en þau giftust?

- Eftirnafnið hans.

- Hún þurfti að vita um fortíðina hans, ef hann var þjófur. Eða hvort hann varð fullur af bjór.

- Hvort hann átti milljón !

- Hvort hann sagði NEI við eiturlyfjum og JÁ við heimilisstörfum.

Afhverju giftist mamma þín pabba þínum?

- Pabbi býr til heimsins besta spagettí og mamma borðar mikið!

- Hún varð of gömul til að gera eithvað annað við hann !

- Amma segir að mamma hafi ekki hugsað ….

Hver ræður heima hjá þér?

- Mamma vill ekki ráða, en pabbi gerir svo mikið bull og vitleysu.

- Mamma, maður sér það þegar hún ætlar að gá hvort ég sé búin að taka til. Hún sér það sem ég faldi undir rúminu.

- Ég helda að það sé mamma,en bara af því að hún hefur miklu meira að gera en pabbi.

Hver er munurinn á mömmum og pöbbum?

- Mamma vinnur í vinnuni og vinnur heima, pabbi vinnur bara í vinnuni.

- Mömmur kunna að tala við kennara án þess að hræða þá, og þú þarft að spurja hana hvort þú megir sofa hjá vinum þínum…

- Mömmur eru næstum göldróttar, því þær fá mann til að líða betur án lyfja.

Hvað gerir mamma þegar hún á frí?

- Mömmur fá ekki frí !!!

- Hún segist þurfa það borga reikninga allan daginn.

Hvað þarf mamma þín til að vera fullkominn ?

- Að innan er hún fullkominn, að utan - ég held kanski lýtaraðgerð.

- Megrunarkúr.

- Þú veist, hárið. Kanski lita það blátt.

Ef þú ættir að breyta einhverju við mömmu þína hvað væri það ?

- Hún er búin að ákveða að herbergið mitt eigi að vera heint. Ég mundi breyta því.

- Ég mundi gera hana klárari. Þá mundi hún vita að það var systir mín sem gerði það en ekki ég.

- Ég vildi óska að hún hefði ekki augu í hnakkanum.

2 mánaða í dag

2006-10-04T20:48:00.000+02:00

Þá er þessi litla skvísa orðin 2 mánaða í dag. Vá hvað tíminn flýgur hratt. Finnst svo stutt síðan ég fékk hana í fangið í fyrsta sinn. En svona er þetta.
Af okkur er allt gott að frétta. Inga Rós brosir og hjalar eins og hún fái borgað fyrir það og skemmtir okkur foreldrunum á meðan.
Við mæðgurnar ætlum að fara hreyfa okkur og ná af okkur spikinu fyrir jólin og erum við búnar að skrá okkur í mömmuleikfimi en ég má taka hana hana með í tíma og svo er ég líka að byrja styrkja vöðvana með því að lyfta og kemur Inga Rós bara með en hún sefur bara í vagninum á meðan.

Annars er voða lítið að frétta eins og er. Ég er á fullu að púsla saman skóla og fæðingarorlofi sem gengur vel en vetrarfríið er að byrja eftir rúma viku eða 13 okt en þá verð ég bara heima að hugsa um skvísuna og læra. Og jú ég er komin með fyrirtæki fyrir placementið mitt JIBBÍÍÍ. Ég mun vinna lokaritgerðina mína fyrir Icepharma. Á eftir að finna út hvað ég geri en það verður eitthvað sniðugt. Konni er að koma í heimsókn núna á föstudaginn og verður yfir helgina. Svo erum við líka að bíða eftir að Guðni verði pabbi en barnsmóðir hans var sett í gær og vonum við að hún þurfi ekki að bíða svona lengi eins og við þurftum.

Jæja ætla að fara hætta þessu bulli. Sumar eru orðnar svangar og Finnur er í Þýskalandi að versla.

Þar til næst
See ya

2006-09-25T22:22:00.000+02:00

Í dag kom Kirsten hjúkka í heimsókn og eins og alltaf heillaði Inga Rós hana upp úr skónum. Kirsten var ekkert smá ánægð með hana og Inga Rós brosti og hjalaði allan tímann sem hún var hérna. Kirsten vigtaði og mældi hana og er Inga Rós orðin 59 cm og 5 kg og svo sýndi hún Kirsten hvað hún var dugleg að liggja á maganum og halda höfðinu uppi.
Þar sem Inga Rós er orðin 5 kg þá megum við fara með hana í sund og við erum líka búin að skrá hana í ungbarnasund sem byrjar reyndar ekki fyrr en 22 nóvember en okkur hlakkar til að fara í það.

Annars er voða lítið að frétta af okkur. Inga Rós er algjört draumabarn og sefur mjög mikið sem er bara gott. Sérstaklega yfir nóttina en hún sefur frá 5 - 9 tíma án þess að vakna. Svo við foreldrarnir fáum góðan nætursvefn. Og þegar hún vakir þá brosir hún og hjalar næstum allan tímann.

Jæja ætli maður láti þetta ekki gott heita í bili. En við erum búin að bæta inn nýjum myndum í september albúmið á heimasíðu Ingu Rósar.

Þar til næst
See ya

Halló halló................

2006-09-11T21:37:00.000+02:00

Úff hvað maður er búin að vera latur við bloggskriftir. Við biðjumst velvirðingar á þessu öllu saman hehe.

Það er annars bara allt gott að frétta af okkur. Finnur er byrjaður að vinna en hann vinnur bara 3 daga á viku og hina 2 er hann heima að passa svo ég geti farið í skólann. Og já skólinn er byrjaður hjá mér sem er fínt þó maður nenni stundum ekki að koma sér fram úr og horfa á Finn og Ingu Rós kúra saman upp í rúmi. En maður lætur sig hafa það og það er líka bara gaman að hitta annað fólk.

Inga Rós er alveg yndislega vær og góð. Hún er orðin 5 vikna gömul og það er eiginlega bara fyndið hvað tímanum líður. Hún drekkur mjög vel og ljósan og læknirinn eru voða ánægðar með hana hvað hún braggast vel. Við mæðgur fórum í 5 vikna skoðun s.l. fimmtudag og þá var skvísan orðin 4430 gr sem er bara gott og hún er orðin 55 cm. Svo það styttist í það að við getum farið að kíkja í sund.

Við vorum annars mjög busy mæðgurnar í síðustu viku. Við fórum á mömmumorgun hjá kirkjunni sem ljósan okkar stendur fyrir og svo erum við í mömmugrúppu ásamt 4 öðrum mömmum og litlu stelpunum þeirra. Við munum hitta mömmugrúppuna reglulega sem verður bara gaman og ég get æft mig betur í að tala dönskuna og Inga Rós fær að hitta aðrar litlar skvísur.

Við erum búin að setja 3 lítil video af skvísunni inn á heimasíðuna hennar og svo endilega munið eftir að kvitta í gestabókina eða knúsa hérna á síðunni okkar. Það er svo gaman að sjá hverjir kíkja við.

Og svo á Gróa amma á afmæli í dag og við sendum henni innilega afmæliskveðjur.

Þar til næst
See ya

Sumarið er búið......

2006-08-24T16:51:00.000+02:00

Þá er ágúst að renna sitt skeið og Inga Rós að verða 3 vikna gömul. Lífið hefur verið bara nokkuð gott hjá okkur fjölskyldunni. Ég fór 10 ágúst í endurtektarpróf aðeins 6 dögum eftir keisarann og það var frekar erfitt. Ég var ekki alveg búin að jafna mig eftir fæðinguna en ég fékk þær frábæru fréttir í gær að ég náði. Ég fékk 7 og er ég ekkert smá ánægð og er þungu fargi létt af mér því nú get ég einbeitt mér að öðru árinu og Ingu Rós.

Skólinn er annars byrjaður hjá mér og er ég að reyna mæta á meðan Finnur er í fæðingarorlofi og svo verður restinni bara pússlað saman við vinnunna hans þegar hann byrjar aftur í september.

Ljósan kom í heimsókn til okkar þegar Inga Rós var 10 daga gömul og var hún komin upp í 3.8 kg sem er mjög gott og svo kemur hún aftur næsta mánudag svo það verður gaman að vita hvort hún sé að þyngjast meira. Hún hefur það annars rosa fínt. Hún borða vel og sefur þess á milli. Okkur finnst alveg æðislegt sérstaklega þar sem hún sefur frá 5-7 tíma á næturnar. Þannig að við fáum líka að sofa sem er gott.

Núna eru bara rólegheit á næstunni hjá okkur. Allar heimsóknir búnar í bili eða þar til Gróa amma kemur fljótlega. Mamma og pabbi fóru heim 16 ágúst og Charlene vinkona sem kom frá UK þann 16 fór 21 ágúst. Svo renndu Hjördís og Mikkel við með foreldrum Hjördísar og Inga Rós var vakandi mest allann tímann og tókst að bræða alla í kringum sig. Hún hélt áfram að bræða fólk þegar Laufey, Garðar og Anna Valdís kíktu við á leið sinni heim til Álaborgar. Inga Rós þakkar fyrir allar gjafirnar sem hún fékk. Hlökkum til að máta fötin.

Jæja ætli láti þetta ekki gott heita. Ég mun henda inn fleiri myndum inn á síðunna hennar Ingu Rósar fljótlega.

Þar til næst
See ya

Vikugamlir foreldrar.......

2006-08-11T21:05:00.000+02:00

Jæja þá er sú stutta orðin vikugömul og er algjört draumabarn foreldra sinna. Hún sefur bara og drekkur og það heyrist ekkert í henni.
Við erum búin að búa til heimasíðu þar sem við munum setja inn allar myndir af henni en við munum ekki skrifa neitt í vefdagbók þar inni því við munum halda áfram að nota þessa bloggsíðu.

Við viljum líka segja ykkur að við erum búin að nefna litlu dömuna. Hún hefur verið nefnd Inga Rós en hún verður skírð um jólin þegar við komum heim.

Jæja annars höfum við ósköp lítið að segja í bili. Mamma og pabbi eru að koma aftur á sunnudaginn eftir stutta ferð til Svíþjóðar og skólinn byrjar hjá mér í næstu viku.

Svo viljum við bara enn og aftur þakka fyrir allar kveðjurnar sem hafa borist okkur.

Þar til næst
See ya

Loksins loksins

2006-08-06T14:55:00.000+02:00

Þá er maður loksins kominn í heiminn eftir langa og strembna bið. Mamma átti að fara í keisara föstudagsmorgunin en ég vildi koma fyrr því mamma missti vatnið rétt fyrir kl: 1 um nóttina. Pabbi var nú ekki viss hvort mamma væri að segja satt og spurði hvort hún væri ekki að grínast þar sem hann átti ekki að fara með hana fyrr en kl 8 um morgunin. En þetta var ekkert grín og pabbi rauk með mömmu upp á spítala því ég var enn sitjandi og mátti því ekki fæðast á venjulegan máta. Mamma var send í bráðakeisara og ég kom svo loks í heiminn kl. 2.45 aðfaranótt 4 ágúst 2006.

Ég var 53 cm og 3510 gr(14 merkur). Sem sagt fullkomin í alla staði og mamma og pabbi í skýjunum og geta ekki hætt að brosa.

Við þökkum kærlega fyrir allar kveðjurnar sem hafa borist og það verða settar inn fleiri myndir við tækifærið.

Bestu kveðjur til allra

Litla fjölskyldan í Kolding

Nei ekkert barn enn.........

2006-08-03T14:08:00.000+02:00

Jæja enn er maður ekki búin að fæða. Enda engin furða þar sem ljósurnar hérna gerðu gífurleg mistök. Á síðustu 3 vikum er ég búin að hitta 2 ljósur sem báðar sögðu að barnið væi fastskorðað og bara síðast í gær hitti ég ljósuna sem sagði það sama. Ég var send í sónar í morgun og átti að fara í mónitor í kjölfar þess og svo í gangsetningu þar á eftir þar sem ég er gengin 42 vikur.

Í sónarnum í morgun kom í ljós að barnið er sitjandi og var aldrei búið að skorða sig. Svo að ég er að fara í keisara í fyrramálið. Ef þær hefðu vitað fyrr hvað snéri upp og niður þá hefði ég verið send í vendingu á 38 viku og þá eflaust verið send fyrr í keisara AARG.

En góðu fréttirnar eru þær að við fáum krílið í hendurnar fyrir hádegi á morgun.
Vá ég varð bara pústa aðeins enda búin að vera upp á spítala í allan morgun í viðtölum og blóðprufum.

Næsta blogg kemur ekki fyrr en í seinnipart næstu viku ásamt myndum, þar sem við verðum einhverja daga upp á spítala.

Jæja þar til næst
See ya

Hvað er að ske.......

2006-07-23T22:05:00.000+02:00

Og nei það er ekkert að gerast. Ef einhver er að velta því fyrir sér. Þetta barn er eitthvað að þrjóskast og ég hef ekki hugmynd um hvaðan það fær þessa þrjósku hehe.
Annars erum við bara búin að vera chilla síðustu daga. Við fórum á ströndina á fimmtudaginn þegar hitinn fór upp í 32°C en það skrýtna við það þá var þetta besti sólardagur sem ég hef upplifað. Kannski af því að við höfðum hafgoluna og sjóinn til að kæla okkur í sem var geggjað.

Í dag skelltum við okkur í Givskud ZOO með Helle vinkonu og við gátum keyrt í gegn og skoðað allskonar villidýr eins og ljón, apa og fíla og Finnur missti sig aðeins á nýju myndavélina og þið getið kíkt á myndirnar hérna. En þetta var mjög gaman og enduðum við svo heima og borðuðum geggjað máltíð sem Finnur eldaði handa okkur.

Þetta var fréttaskot helgarinnar.

Þar til næst
See ya

Og það styttist óðum.......

2006-07-17T22:25:00.000+02:00

í komu erfingjans. Eða við vonum það allavega. Ég er orðin frekar þreytt á þessu og komin með verki á hinum ýmsu stöðum og ég labba stundum eins og níræð kona. Not a pretty picture. En vonandi fer eitthvað að gerast. Við tókum nokkrar nýjar bumbumyndir og vonandi eru þetta síðustu bumbumyndirnar sem verða teknar þetta árið.

Annars er lítið að frétta. Við skelltum okkur á tónleika s.l. föstudag. Þetta voru Tuborg Grøn Koncert og voru þetta útitónleikar og það var geggjað gaman á þeim. Þeir voru haldnir á stóru íþróttasvæði og voru tvö svið en það var aldrei spilað á þeim báðum í einu svo maður gat hlustað á alla tónlistarmennina. Við létum fara vel um okkur á stólum, sleiktum sólina, drukkum bjór/vatn og hlustuðum á góða tónlist. Ég fékk nú ágæta athygli þarna sitjandi með bumbuna út í loftið og dillandi maganum í takt við tónlistana svo það var bara gaman. En við skemmtum okkur konunglega. Við tókum nokkrar myndir svo þið getið séð hvað það var gott veður hehe.

Jæja þetta var nú bara allt og sumt sem við vildum segja og vonandi verða næstu fréttir bara af komu erfingjans. Maður veit aldrei.

Þar til næst
See ya

Sól, sól skín á mig.........

2006-07-05T16:05:00.000+02:00

Jæja er ekki best að skrifa eitthvað svo fólk sjá að maður enn á lífi hérna í Danmörku. Eða getur maður sagt að maður sé á lífi. Það er búið að vera svo heitt hérna og veðrið á að halda áfram svona næstu daga svo að ég ólétta konan er gjörsamlega að kafna. Maður situr hérna inn með alla glugga opna og viftuna á fullu að maður finnur engann mun hvort maður sé inni eða úti. Ekki sniðugt.

Annars vorum við skötuhjúin að koma frá útlöndum. Já tókum bílaleigubíl og skelltum okkur í bíltúr til Stokkhólms. Tók ekki nema 9 tíma að keyra en það var þess virði.
Við fórum í heimsókn til frændu mína þar og gistum við hjá Kristjáni og hans konu, Ulriku, en þau giftu sig í febrúar. Þetta var alveg æðisleg ferð. Við heimsóttum Kalla bróður hennar mömmu og Maríu konu hans, en þau þurftu reyndar að fara til Finnlands á föstudeginum svo það var stutt stopp hjá þeim.
Ég og Finnur gerðum annars lítið nema labba um Stokkhólm og sitja á kaffihúsum þegar ég var orðin of þreytt. Því það er ekkert grín að labba í þesum hita. Fæturnir á mér voru svo þrútnir á kvöldin að það var eins og einhver hefði tekið stóru tánna mína og blásið hana upp eins og blöðru.
Föstudagskvöldið kom Sammi frændi og við grilluðum og spiluðum viking spil eða Kubb eins og sumir kalla það. Þar rúlluðum ég og Ulrika strákunum upp. Spiluðum 4 leiki og þeir unnu einn leik hehehehe. En þetta er stórskemmtilegt spil sem maður þarf að eignast.
Á laugardeginum skelltum við okkur í siglingu til archipelago eða eyjarnar hérna út við Svíþjóð. Fórum reyndar bara í eina sem heitir Grinda því þær eru ekki nema 24.000. En þetta var ótrúlega gaman. Fengum náttlega bara gott veður og svo það var bara slakað á og borðaður góður matur. Við ákváðum að kíkja á sænska næturlífið sem var bara gaman sérstaklega þar sem það má ekki reykja á pöbbum og klúbbum í Svíþjóð vegna reykingarbanns. Þetta var bara einstök upplifun að fara út að skemmta sér og koma ekki reyktur heim.

Ég henti inn nokkrum myndum frá Svíþjóð inn svo þið getið skoðað þær hérna ef þið viljið.

Núna er maður bara að gera allt reddí fyrir krílið sem má nú alveg fara koma, er eiginlega ekki að nenna þessu lengur. Ég er búin að þvo allt saman nema sængina sem við fengum frá Stínu ömmu þar sem þurrkarinn er bilaður og ég er að bíða eftir að hann komist í lag. Svo erum við búin að setja saman rúmið sem mamma hans Finns gaf okkur og svo fengum við skiptiborð og upp í barnavagninn frá mömmu og pabba og er þetta allt komið á sinn stað.

Annars var ég að spá í að henda inn óformlegri könnun. Það eru nokkrir farnir að spá því hvenær barnið kemur og hvort það sé stelpa eða strákur, svo það væri gaman að fá að heyra frá ykkur hvenær þið haldið að barnið komi í heiminn og hvort kynið það er. Svo það sé á hreinu þá er ég sett 20 júlí. Finnur segir að það komi seinnipart næstu viku og hann segir að þetta sé strákur. Ég segi 16 júlí og ég held að þetta sé strákur. Endilega látið ljós ykkar skína.

Allavega þar til næst
See ya

Nýjar myndir

2006-06-19T22:56:00.000+02:00

Vildum bara láta ykkur vita að það væru komnar inn nýjar bumbumyndir. Við höfum annars ekkert merkilegt að segja nema bara að ég stækka og nýti sumarfríið í að horfa á HM og Finnur er að vinna alla daga. Hann fær reyndar frí í næstu viku þar sem við erum að fara til Svíþjóðar í nokkra daga.

Allavega þar til næst
See ya

P.S. gaman væri að sjá hverjir kíkja hér inn svo munið eftir að knúsa.

Sumarfrí...........

2006-06-13T10:25:00.000+02:00

Þá er mín bara komin í sumarfrí eftir erfiðar síðustu vikur í skólanum. Stóra prófið er búið og ég get nú ekki sagt að mér hafi gengið neitt súper vel og voru allir á sama máli. Þetta var mega erfitt próf. En ég fæ að vita hvort ég þurfi að taka prófið aftur eftir 30 júní svo nú er bara að bíða og sjá.

En sumarfríið mitt byrjar vel. Búin að vera sól og allt að 30°C á hverjum degi núna. En það er ekkert grín að vera gengin 35 vikur í þessum hita. Gjörsamlega ólíft bæði úti og inni. Við erum með eina viftu inn í stofu sem er í gangi allan daginn og ég er búin að fá leyfi til að kaupa aðra viftu til að hafa inn í svefniherbergi því það dugar ekki einu sinni að hafa gluggann opinn. Ég verð að fá að sofa eitthvað áður en krílið kemur. Annars gengur meðgangan bara nokkuð vel. Ég er að fara skoða fæðingardeildina á morgun og svo fer til læknis á fimmtudaginn í rútín tjékk svo eins og er þá er allt í góðu. Krílið hreyfir sig mjög mikið enda minnkar plássið sem það hefur og maginn gegnur bara í bylgjum magnað. Ég vona bara að það fari að snúa sér rétt nenni ekki að fara vinna í því sjálf að snúa því, veit reyndar ekkert hvernig það er gert svo það kemur í ljós.

Núna bíðum við bara eftir að fólkið frá Íslandi komi hingað í stríðum straumi. Stína amma og Ragnheiður frænka hans Finns eru að koma hingað á næstu dögum og ætlum við að reyna hitta á þær. Óli tengdó og Unnur og Evíta eru að koma eftir eina og hálfa viku með Norrænu og verða hérna í 3 vikur eða svo. Hlakka geggjað til að sjá þau og þau munu líka koma með barnarúmið sem Ásdís ætlar að lána okkur svo það verður bara gaman, því þá get ég farið að gera allt reddí.
Svo ætlum við að skella okkur til Stokkhólms að hitta Kalla frænda og alla strákana nema Janna sem verður í Finnlandi. Svo það verður stuð því ég hef aldrei farið til Svíþjóðar.
Eftir það fer bara að styttast í krílið og að mamma og pabbi komi í heimsókn. Svo það verður fjör hjá mér í sumar.

Jæja ég ætla að koma mér út í sólina og leggjast í sólbað
Þar til næst
See ya

Hvítasunnuhelgi

2006-06-04T18:15:00.000+02:00

Þá er hvítasunna gengin í garð, eða eins og Daninn segir Pinsedag, og aðeins 4 dagar í stóra prófið mitt. Ég er sem sagt komin í upplestrarfrí og reyni að vera duglega að fara yfir gamalt efni. Krílið er ekki að auðvelda mér þetta og leyfir mér ekki að sofa. Ég vaknaði klukkan 4 í morgun með klikkaði samdrætti sem hættu ekki fyrr enn í kringum 10 leytið. En maður reynir hvað maður getur. Maður hugsar bara um það að ég er að komast í sumarfrí og get farið að slaka á allavega þar til barnið fæðist. Finnur verður náttlega að vinna alla daga svo ég verð að finna mér eitthvað að gera á daginn. Vonandi verður geggjað veður í sumar þá get ég bara setið úti og notið sólarinnar.

Guðni félagi kom annars í stutta heimsókn á fimmtudaginn og fór í gær. Það var frábært að fá hann í heimsókn enda kom hann náttlega ekki tómhentur til okkar þar sem mamma hafði sent lifrapylsu og sparikaffi með honum nammi namm. Annars held ég að hann hafi bara skemmt sér þokkalega hérna, allavega tóku þeir vel á því á föstudagskvöldið hehe.

Jæja þar til næst
See ya

Á lífi.............

2006-05-28T19:14:00.000+02:00

Já við erum á lífi. Maður hefur eiginlega ekki haft tíma til að blogga því það er svo brjálað að gera hjá manni. Það er búið að vera brjálað að gera hjá manni í skólanum og er enn. Það er aðeins ein vika eftir og svo er stóra lokaprófið eftir 11 daga og ég er ekki frá því að vera frekar stressuð. Ég er reyndar búin að vera í 4ja daga helgarfríi þar sem það var uppstigningardagur á fimmtudaginn og skólinn ákvað að gefa okkur bara frí líka á föstudaginn sem var ljúft.

Ég fór með Helle vinkonu minni í bíó á föstudaginn og hef ég ekki farið í bíó í ár og aldir. Við fórum að sjá Da vinci code sem var mjög góð. Bumbubúanu leið bara mjög vel á meðan en mér var frekar heitt þarna inni. Ég og Finnur skelltum okkur svo með nokkrum úr bekknum á Lucca í nokkra öllara og það var bara gaman. Gott að komast aðeins út. Ég dillaði bara bumbunni í takt við tónlistana og barnið hreyfði sig ekki, hefur greinilega fílað þetta.

Annars fór ég til Ljósunnar síðasta þriðjudag og það lítur allt mjög vel út. Barnið snýr ennþá þannig að höfuðið er upp við rifbeinin. sem er í lagi so far. Ég vona bara að það fari að snúa sér því hún sagði að ef það er ekki búið að snúa sér í viku 37 þá þarf ég að reyna snúa því. Ekki veit ég hvernig en það kemur í ljós.

Jæja ég ætla hætta þessu bulli og fá mér djöflatertu með bananakremi sem ég bakaði í gær og kannski ís og jarðaber, nammi gott.

Þar til næst
See ya

Mæðradagurinn

2006-05-14T15:23:00.000+02:00

Í dag 14 maí er mæðradagurinn svo í tilefni þess viljum við óska mæðrum okkar innilega til hamingju með daginn.

Við skelltum okkur í heimsókn til Hjördísar og Mikkels í Árósum og var Hjördís búin að vippa upp þessum dýrindis hádegismat og var vel borðað af honum. Þau fóru svo með okkur í göngutúr um downtown Árósa og var margt um manninn þar enda þvílík blíða í gær. Við enduðum svo daginn á að fara í IKEA og versla pínu sem var bara gaman.

Í gær sigruðu Liverpool West Ham United í mögnuðum úrslitaleik í FA CUP og endaði hann í vítaspyrnukeppni. Ég var alveg pottþétt á að hann yrði of spennandi fyrir minn smekk og ákvað ég því ekki að horfa á hann. Miðað við fyrri reynslu af úrslitaleik eins og AC Milan vs Liverpool í fyrra. Þar sem það yrði örugglega ekki gott fyrir taugarnar og blóðþrýstinginn minn hehehe.
Svo ég óska öllum Liverpool mönnum til hamingju með sigurinn í gær.

Well þar til næst
See ya

Sól, sól og aftur sól

2006-05-10T14:50:00.000+02:00

Sólarblíðan heldur áfram þessa dagana og virðist ekki ætla láta sig hverfa fyrr enn í næstu viku. Ég væri þó alveg sátt við að hafa hana ekki hérna hjá okkur þessa dagana þar sem ég er á fullu að undirbúa mig fyrir æfingarprófið sem er á morgun og það er mjög freistandi bara að skella sér út í veðurblíðuna.
Maður nær nú ekki að slaka mikið á þessa dagana þar sem í næstu viku er 4 verkefni sem þarf að skila + lesa heima og undirbúa sig fyrir stóra 6 tíma prófið 8 júní. Úff maður verður bara þreyttur við tilhugsunina.

Annars er ósköp lítið að frétta af okkur skötuhjúunum. Finnur er að vinna á fullu og nýta þeir tækifærið meðan veðrið er svona gott og vinna lengur á daginn og svo er ég bara að læra og reyna að láta karate kid ekki trufla mig of mikið með öllum sínum spörkum.

Í dag á þessi unga dama afmæli. Hún Evíta María litla systir hans Finns er 7 ára í dag. Vá hvað tíminn flýgur hratt. En annars er hún að koma í heimsókn til okkar í júní ásamt mömmu sinni og pabba. Og okkur hlakkar ekkert smá til að sjá hana aftur, enda eru liðnir 5 mánuðir síðan síðast.

Elsku Evíta María innilega til hamingju með 7 ára afmælið. Vonum að dagurinn verði frábær.

Jæja ætla segja þetta gott í dag og halda áfram að læra.

Þar til næst
See ya

Sumarblíða

2006-05-04T16:03:00.000+02:00

Þá held ég barasta að sumarið sé komið hérna hjá okkur í Kolding. Það er búin að vera þessi þvílíka veðurblíða í gær og í dag og er spáð áframhaldandi blíðu og yfir 15°C næstu daga. En það er náttúrulega bara típískt að hún komi þegar það er mest að gera hjá manni í skólanum og prófin að fara byrja.
En ég tók þessa mynd af trjánum hérna fyrir utan gluggann hjá okkur því það blómstrar allt saman núna.

Annars styttist í það að skólinn klárast og það er brjálað að gera í skólanum. Lokaprófið er 8 júní svo við erum á fullu að undirbúa okkur fyrir það. Við erum ekki enn búin að fá "aðgangsmiðann" okkar í lokaprófið en vonandi fer kennarinn að skila okkur verkefninu fljótlega.

Meðgangan gengur vel og í dag eru aðeins 11 vikur eftir(vonandi). Alveg ótrúlegt hvað tíminn líður hratt. En við erum dugleg á meðan að byrja kaupa dót og föt fyrir barnið svona hægt og rólega. Sem er bara gaman hehehe.

Annars á lítil skvísa 1 árs afmæli í dag og heitir hún Anna Valdís og á heima í Álaborg. Svo við óskum henni innilega til hamingju með daginn í dag. En á morgun á önnur skvísa afmæli. Það er hún Katla litla frænka mín og verður hún 1 árs á morgun, svo til hamingju með afmælið á morgun.

Jæja við höfum ekki mikið meira að segja í bili.

Þar til næst

See ya

Bumbumyndir

2006-04-18T22:11:00.000+02:00

Jæja vildi bara láta ykkur vita að eftir mikla eftirspurn og kvartanir þá hef ég sett inn nýjar bumbumyndir. Einnig setti ég inn nokkrar myndir frá Álaborg. Svo njótið.

Þar til næst
See ya

Fríið búið........................

2006-04-17T22:21:00.000+02:00

Þá er páskafríið á enda og skólinn hefst á ný á morgun. Ég er búin að hafa það ofsalega gott í páskafríinu. Var reyndar ekki eins dugleg að lesa eins og ég ætlaði mér, en við fórum aftur á móti til Álaborgar og heimsóttum Laufey, Garðar og Önnu Valdísi. Við fórum með lestinni á fimmtudaginn og komum heim í gær. Við höfðum það mjög gott hjá þeim og var þetta helgi þar sem var borðaður var góður matur, slakað á, spilað og hlegið. Við þökkum Álaborgargenginu kærlega fyrir gestrisnina. Í gær opnaði ég páskaeggið mitt og eins og alltaf þá bragðast Nóa páskaegg alltaf gott.

Núna hefst geðveikin í skólanum á ný og henni mun ekki ljúka fyrr en 9 júní og þá með 6 tíma prófi. En fyrst verð ég að fá aðgöngumiða í það próf og hann fæ ég með því að fá jákvætt svar fyrir verkefnið sem ég vann í placementinu. En kennarinn mun ekki byrja fara yfir það fyrr en núna eftir páska og tekur sér 3-4 vikur í það. Finnst það full langur tími og fáum við það ekki til baka fyrr en í maí. Ef við föllum á verkefninu þá þurfum við að gera það aftur en maður bara vonar það besta.

Meðgangan gengur mjög vel og eru bara rétt rúmar 13 vikur eftir. Alveg ótrúlegt hvað tíminn hefur liðið hratt. Við erum búin að festa kaup á Emmaljunga barnavagni með burðarrúmi og hægt er að breyta honum í kerru voða flottur en við fáum hann ekki fyrr en í maí/júní sem er í fínu lagi. Þá eigum við bara eftir að finna skiptiborð og svo náttlega allt litla dótið sem fylgir en það kemur fyrir rest.

Þar til næst
See ya

Páskafrí..........

2006-04-07T12:41:00.000+02:00

Loksins loksins er maður komin í páskafrí. Þvílíkur lúxus þarf ekki að mæta aftur í skólann fyrr 18 apríl. Þetta er búnar að vera strembnar 2 vikur í skólanum eftir að ég kom til baka frá UK. Svo það er ósköp notalegt að vera komin í frí.
En þó ég sé komin í frí þá verður ekkert legið í leti allann tímann. Ég og Helle(bekkjarsystir mín) ætlum að byrja á market research verkefninu okkar sem við eigum að skila í maí og svo ætla ég að halda áfram og reyna klára barnateppið sem ég er að sauma út. Þó inn á milli verður borða, sofið og etið. Finnur fær ekki frí fyrr en á fimmtudaginn og þá erum við að spá í að skreppa til Álaborgar og heimsækja Laufey og co. Það verður gaman og hlakkar mig bara til því ég er búin að vera á leiðinni til hennar allt of lengi.

Við fengum súkkulaði rúsínur, DVD mynd o.fl. sent frá Gróu tengdó um daginn og runnu rúsínurnar hratt niður. Takk fyrir okkur. Og svo sendi mamma okkur pítu- og grænmetissósu og náttlega Nóa Siríus páskaegg sem verður borðað með bestu lyst á páskadag. Get ekki peðið eftir að testa það.

Jæja ég ætla fara gera eitthvað að viti hérna diskarnir vaska sig víst ekki sjálfir upp.

Þar til næst.
See ya

Sommertime

2006-03-27T20:18:00.000+02:00

Þá er sumartíminn kominn hérna í DK svo við erum 2 tímum á undan ykkur heima á Íslandi. Get samt ekki sagt að veðrið sé eitthvað sumarlegt en vonandi kemur það sem fyrst.
En allavega er ég komin til DK aftur eftir allt of langa dvöl í UK sem var mjög gaman en það er ofsalega gott að vera komin hjem til Finns aftur. Ég er búin að hafa það mjög gott þessa fáu daga sem ég er búin að vera hérna í DK og borða mjög góðan mat þar á meðal Jensen Bofhouse nammi gott.

Fyrsti skóladagurinn var í dag og það var frekar erfitt að byrja aftur og rifja upp það sem við vorum að tala um í desember. Heilinn var ekki alveg að fúnkera svona fyrsta daginn.

Annars höfum við 3 það bara nokkuð gott. Erum að fara í sónar á morgun svo það verður voða gaman að sjá barnið aftur þar sem ég fór í sónar í UK en Finnur er að sjá það í fyrsta sinn. Vonandi verður það í fullu fjöru eins og venjulega og sparkar eitthvað svo Finnur sjái. Reyndar vill það ekki alveg leyfa pabba sínum að finna spörkin svo ég vona að það sé ekkert persónulegt

Og ég er búin að setja inn nýjar bumbumyndir þar sem okkur var farið að berast formlegar kvartanir og upphringingar.

Jæja þar til næst
See ya

Það var það já..........

2006-03-20T19:58:00.000+01:00

Þá hefur síðasta helgin í Englandi runnið sitt skeið. Og það má segja að hún hafi bara verið nokkuð góð. Nóg að gera enda er maður pínu þreyttur svona á mánudegi.
Laugardagurinn fór ég ásamt Ole til Preston í final shopping leiðangur. Ég fann ekkert handa sjálfri mér en Ole tókst að versla þó nokkuð á sig. Veðrið var geggjað og löbbuðum við upp og niður verslunargötuna nokkrum sinnum áður en við enduðum inn á Starbuck þar sem ég trítaði sjálf mig af strawberry frappochino með þeyttum rjóma og stórri sneið af súkkulaðitertu nammi.

Sunnudagurinn átti að fara í að sofa út og taka til. Well ég tók til en ég vaknaði kl 8 og gafst upp á að reyna sofna aftur kl 9 þannig að ég endaði bara á því að byrja daginn snemma. Byrjaði á undan strákunum að taka til en skildi nógu mikið eftir handa þeim þar til þeir vöknuðu sem var í lagi. Ég bakaði svo nokkrar pönnsur fyrir okkur svona af því við vorum búin að vera ógó dugleg og þær runnu hratt niður. Um kvöldið fórum við út að borða með Tom yfirmanni okkar, Sandra sem vinnur á skrifstofunni, Angela úr PR sem er svona nokkurs konar yfirmaður Ole og svo Ian charles frá skólanum. Við fórum á stað sem heitur Guys Court og er æðislegur staður. Kósý og geggjaður matur. Enda tók ég 3 rétta máltíð sem var bara gott. Reyndar komst ég ekki langt með eftirréttinn, sem var himneskur, því ég var allt of södd.
Ég var frekar þreytt í morgun enda þegar við komum heim þá var komið langt yfir háttatímann minn hehehe.

Nú eru bara 2 dagar eftir af vinnunni sem er ljúft og svo rýkur maður bara heim til DK á fimmtudaginn JIBBÍ. Við förum út að borða með samstarfsfólki okkar í hádeginu á morgun svona til að gera eitthvað áður en við förum og verður það ábyggilega voða huggó. En ég veit ekki alveg hvað ég geri af mér svona síðasta vinnudaginn. Veit að strákarnir ætla slá þessu upp í kæruleysi og mæta ekki fyrr en á hádegi enda eru þeir að fara á pöbbarölt með IT deildinni annað kvöld. En það kemur bara í ljós. Hlýt að finna eitthvað að gera.

Jæja ætla ekki að hafa þetta lengra (henti inn nokkrum myndum)

Þar til næst
See ya

Hann á afmæli í dag...............

2006-03-15T09:36:00.000+01:00

Í dag 15 mars þá á hann elsku pabbi minn afmæli í dag. Ég ætla ekkert að vera minnast á hversu ungur hann er en get þó sagt með vissu að hann er 29 ára í anda hehehehe. Þannig að við segjum bara innilega til hamingju með afmælið elsku pabbi og vonandi áttu frábæran afmælisdag.

Bestu kveðjur Ása, Finnur og bumbulíus

P.S. Pakkinn er á leiðinn í pósti vonandi skilar hann sér fljótt til þín

It's snowing...............

2006-03-12T13:15:00.000+01:00

Jæja hvað haldið þið. Þegar það eru aðeins 11 dagar þar til maður fer heim og maður vaknar í góðum fíling því það er sunnudagur og verður litið út um gluggann og það bara snjóar og litlir skaflar að myndast allstaðar. Bara gaman. Það er bara verst að ég er ekki með neinar snjóbuxur því ég væri meira til í að skella mér út og búa til eitt stykki snjókall svona í tilefni dagsins því það er alls ekki kalt, ekki nema +2°C.
En annars leit garðurinn okkar svona út áðan. En það fyndna við þetta allt saman að það hefur ekki snjóað hérna í mörg ár og mörg börnin hérna hafa aldrei séð snjó áður. Í útvarpinu segja þeir reglulega að fólk eigi að fara varlega og helst bara ekki fara út á bílnum.

Og ég og fleiri héldum að vorið værið komið hérna hjá okkur NW Englandi. Blómin voru byrjuð að blómstra og allur pakkinn. Ég er meira segja búin að sjá fyrstu vespuna í ár og það var ekki skemmtileg sjón þar sem ég var í eldhúsinu að ganga frá eftir mig og sá þessa HUGE lifandi vespu í vasknum. Ég bara fríkaði út og hef aldrei hlaupið eins hratt upp stigann hérna ólétt. Náttúrulega kallaði ég á strákana og Snorri kom að reddaði henni út. En ef einhverjum datt það það ekki í hug þá er mér meinilla við þessar skepnur (slæm lífsreynsla fyrir nokkrum árum)

Annars er ég bara búin að vera ein heima þessa helgina því strákarnir fóru til Preston að djamma með stelpu úr vinnunni og fengu að gista hjá einhverjum vinum hennar held ég. Þannig að þeir koma heim í dag ef þeir komast heim...hehehehe.

En eins og ég sagði þá eru bara 11 dagar þar til ég fer heim sem verður bara gaman. Og ég mun setja inn fleiri bumbumyndir eftir að ég kem heim. En já bumban stækkar og stækkar og barnið sparkar á fullu. Bara geggjað en svo lengur sem það heldur ekki að þvagblaðran mín sé boxpúði þá er ég sátt. Ég fer alveg nógu oft á WC fyrir. En ég fer í sónar hérna úti á miðvikudaginn og hlakka ég geggjað til að sjá hversu stórt barnið er, en svo förum við aftur í svona auka sónar eftir að ég kem heim og þá fær Finnur að koma með.

Jæja þar til næst
See ya

Skál í botn......

2006-03-01T20:51:00.000+01:00

Ég ætla að byrja á því að óska landsmönnum (Íslendingum) til hamingju með bjórdaginn. Ekki nema hvað 17 ár síðan bjórinn var leyfður á frónni. Og við höfum drukkið vel og mikið af honum allar göngur síðan sem er bara gott mál.

Annars hefur febrúar runnið sitt skeið. Bolludagur var á mánudaginn og sendi mamma mér svona pre-mix bolludeig og suðusúkkulaði en pósturinn týndi því, allavega hef ég ekki séð pakkann ennþá 8 dögum seinna. Þeir hafa örugglega haldið að deigið væri miltisbrandur og hirt súkkulaðið. Fuss og svei.
Febrúar endaði annars á sprengidegi og ég veit að mamma hefur ekki klikkað á bestu baunasúpu í heimi. Varð að láta mér nægja að hugsa um hana í stað þess að borða hana. Mamma þú eldar bara saltkjöt og baunir handa mér seinna

Ég er búin að vera á fullu að vinna projectið fyrir skólann og er bara eiginlega búin. Er bara að fínpússa verkefnið. En ég óska samt eftir WORD snillingi því mig vantar smá aðstoð við layoutið.
En það styttist í að ég/við förum heim til DK ekki nema 22 dagar, en hey hver er að telja

Þar til næst

See ya

Fótbolti

2006-02-22T22:53:00.000+01:00

Ég rakst á þennann link inn á b2.is og fannst hann hrein og bein snilld. Nú getum við séð hvernig leikaðferð hin ýmsu lönd nota í fótbolta.

Svo er bara að fylgjast með HM í sumar og athuga hvort þetta stemmi hehehe.

Þar til næst
See ya

Home alone

2006-02-20T18:38:00.000+01:00

Þá er enn ein helgin búin og aðeins 31 dagur þar til maður fer heim. Ekki eins og maður sé að telja. Helgin var frekar róleg hjá mér þar sem Ole og Snorri fóru til London og ég varð eftir heima og þvílíkur lúxus að hafa húsið útaf fyrir sig. Helgin fór mest bara í sofa, borða og læra. Á sama tíma og ég var ein heima þá er Finnur að leika gestgjafann heima í DK því Toddi og Helga eru í heimsókn eins og er. Og á einni helgi þá keyrðu þau 2 til Þýskalands og einu sinni til Álaborgar. Dugnaður í liðinu.

Nú bolludagur er eftir viku. Er enn að reyna finna út hvernig ég get fengið almennilega bollu með sultu og rjóma. Og nei ég ætla ekki að baka þar sem ég nenni ekki að kaupa fullt af hráefni sem ég nota einu sinni og hendi svo þegar ég fer. Ég er að kíkja í búðirnar og bakaríin og athuga hvort þeir selji bollur helst ófylltar. Það kemur allt í ljós. Ef í harðbakkann fer þá læt ég senda mér vatnsdeigsbollur frá Íslandi og það verður bara að hafa það þó þær komi klesstar til mín hehehe.

Bumbubúinn hefur það fínt svo lengur sem hann fær sína næringu. Maginn stækkar bara hægt og rólega. Það er alveg ótrúlegt að maður er að verða hálfnaður með þetta. Vá hvað tíminn flýgur.

Jæja ætla ekki að hafa þetta lengra í bili
Þar til næst
See ya

Dagur elskenda.......

2006-02-14T19:06:00.000+01:00

er í dag þann 14 febrúar. Valentínusardagur er voða amerískt og er að hasla sér völl út um allan heim. En þennan dag fyrir 25 árum var ég skírð þessu fína nafni Ása Vilborg og einnig sama dag þá gengu foreldrar mínir í hjónaband. Svo í dag þá eiga þau 25 ára silfurbrúðkaupsafmæli.

Elsku mamma og pabbi innilega til hamingju með daginn og við vonum að næstu 25 verði ennþá betri.

Bestu kveðjur
Ása, Finnur og bumbulíus

Update..........

2006-02-13T12:35:00.000+01:00

Þá er helgin búin og ný vinnuvika hafin. Finnur er komin og er farinn aftur heim til DK og ég er ennþá hérna í Englandi. Já Finnur kom í heimsókn yfir helgin. Hann kom á á föstudagskvöldið og það var æðislegt að sjá hann eftir mánaðar aðskilnað. Vá hvað ég var búin að sakna hans mikið.

Helgin var æðisleg hjá okkur. Á laugardaginn fórum við til Preston og vorum að kíkja aðeins yfir barnadót og versluðum við aðeins. Ég ætlaði að reyna finna mér fleiri boli þar sem allir bolirnir mínir eru farnir að vera aðeins og stuttir hehehe, en það tókst ekki. Um kvöldið tók ég Finn með mér á local pöbbinn hérna og smakkaði hann nokkra bjóra sem þeir brugga sjálfir og voru þeir nokkuð góðir að hans sögn.
Sunnudagurinn fór í algjöra afslöppun þar til um kvöldið þá fórum við út að borða á geggjuðum ítölskum stað hérna í grendinni. Ekkert smá lítill og kósý staður með ótrúlega góðum mat. Við röltum allavega södd og sælleg heim.

Í morgun þurftum við að vakna kl 6 þar sem Finnur þurfti að taka næstu vél heim. Ég get ekki sagt að það hafi verið auðvelt að kveðja hann aftur og mig langaði eiginlega bara að fara með heim. En ég verð víst að klára það sem ég byrja á.

Það eru ekki nema 38 dagar þar til ég fer heim og sé hann aftur.

Annars heldur bumban bara áfram að stækka og ég fer á hverjum degi í sund sem er góð hreyfing og svo labba ég líka lágmark 20 mín á hverjum degi og allt upp í 40 mín. Voða dugleg maður. Ég er búin að setja inn nýjar bumbumyndir.

Þar til næst
See ya

Svona af thvi ad thad er midvikudagur.........

2006-02-08T12:13:00.000+01:00

Tvær vinkonur fóru saman út á djammið og fóru heldur óvarlega í kokteilana á barnum. Pissfullar og flissandi á leiðinni heim í vesturbæinn þurftu þær báðar að pissa og ákváðu að klifra inn í kirkjugarð og skvetta úr henni þar á bakvið einn legsteininn. Sú fyrsta var ekki með neitt til að þurrka sér á svo hún fór úr naríunum,þurrkaði sér og henti þeim svo. Vinkona hennar var í spari undirfatagallanum og tímdi ekki að þurrka sér á djásninu og var það heppin að það var borði á kransi einum sem hún náði sér í og þurrkaði sér með. Næsta dag hittast mennirnir þeirra í boltanum og annar segir: Þær eru rosalegar þessar kjéddlingar okkar. Anna kom heim í gær nærbuxnalaus - þetta verður að hætta. Þá sagði hinn: Það er nú ekkert. Ragnheiður kom heim með samúðarkort á milli rasskinnanna sem á stóð "Frá öllum í Sorpu - við munum aldrei gleyma þér"

Enjoy

Well now...................

2006-02-01T18:33:00.000+01:00

Þá er janúar liðin og aðeins 11 mánuðir eftir af árinu. Og í tilefni þess að það er 1 febrúar þá viljum við óska honum Konna okkar innilega til hamingju með afmælið. Hann er orðin voða stór strákur núna aðeins 26 ára.

Annars er lítið að frétta af okkur. Skólabræður mínir Jeppe og Amer komu í heimsókn um heilgina og það var svakafjör. Fórum til Blackpool á laugardaginn og var stefnan tekin á stóra rússibanann en við komum að luktum dyrum. Strákarnir fóru svo á djammið í Preston um kvöldið á meðan sat ég ein heima í notalegheitum. En annars var yfirskrift helgarinnar SCREAM 1,2 og 3 en það var tekið smá maraþon í þeim myndum.

En lífið gengur sinn vanagang hjá okkur og það styttist í að Finnur kemur í heimsókn til mín jibbí. Hlakka bara til. Allt of langt síðan ég sá hann síðast.

Jæja þar til næst
See ya

Update............

2006-01-27T18:59:00.000+01:00

Jæja lífið gengur sinn vana gang hjá okkur skötuhjúunum. Við erum enn í sömu heimsálfunni enn bara sitthvoru landinu. Finnur er að vinna á fullu í DK og ég í UK. Er ekki máltæki sem segir fjarlægðin gerir fjöllin blá eða eitthvað svoleiðis hehehe.

Annars það helsta sem er að frétta af okkur að okkur var farið að leiðast svo tvö ein saman í Dk að við ákváðum að fjölga okkur. Þannig að í sumar bætist við lítill Finnur eða lítil Ása. Það verða settar inn bumbumyndir hérna til hliðar svo þið getið fylgst með.

Jæja ætla ekki að hafa þetta mikið lengra. Ég á von á tveimur skólabræðrum seinna í kvöld sem koma frá DK til að heimsækja okkur. Jeppe og Amer ákváðu að skella sér til UK og ætla að keyra frá London til okkar, sem verður skrautlegt en ég vona að þeir komist heilu höldnu hingað Norður.

Þar til næst
See ya

Hello again..........

2006-01-22T19:17:00.000+01:00

Þá er komið að vikulegri uppfærslu á lífi mínu eins og það stendur í dag.

Ég ætla að byrja á því að óska henni mömmu innilega til hamingju með afmælið. Knús og kossar frá Englandi.

Af mér er ósköp lítið að frétta. Ég er bara að vinna á daginn og er eins og er að byrja á verkefni í vinnunni sem fer frekar hægt af stað en það er allt að koma.

Fórum til Liverpool í gær sem var mjög gaman. Fórum og skoðuðum Bítlasafnið og fórum svo náttúrulega og kíktum á Liverpool(fótbolta) safnið. Sem strákunum hundleiddist á sem var frekar mikil kaldhæðni þar sem Ole vildi fara þangað en mér var alveg sama þar sem ég var búin að fara á það áður. Eftir Anfield fórum við svo í bæinn. Snorri vildi fara inn á næsta pöbb og horfa á restina á Everton-Arsenal sem by the way Arsenal tapaði. Þeir létu ekki sjá sig í 2 1/2 tíma og ég var ein röltandi milli búða hundleiddist og allt of heitt inn í þessum búðum að bíða eftir þeim þar sem þeir ætluðu að kíkja í nokkrar búðir áður en við færum heim. Sem þeir gerðu svo ekki og fengum við okkur því að borða og svo var farið með næstu lest heim. Thank God.
Ég er allavega búin að ákveða að ég ætla ekki með þeim að skoða fleiri borgir. Nenni því bara hreinlega ekki. Frekar verð ég eftir heima.

Jæja ætla að halda áfram að elda þennan helv.... kjúkling sem þeir keyptu og kunna ekki einu sinni að elda.

Þar til næst
See ya

Well hello

2006-01-15T16:30:00.000+01:00

Jæja eftir tveggja vikna jólafrí á Íslandi, sem var æðislegt og hitti maður langflesta sem maður ætlaði að hitta, og svo örstutt stopp í DK þá er maður komin til Englands. Eða nánar tiltekið til Poulton-le-Fylde í Lancashire (rétt hjá Blackpool).

Það er nú ekki mikið sem maður er búin að gera af sér eftir að maður kom. En á þriðjudaginn fór ég að sjá Wigan vs. Arsenal þar sem Wigan vann með einu marki. (Sorry Arsenal fan en þið hreinlega sökkuðu big time). En þetta var geggjað stuð.

Við erum annars búin að vera þvælast á milli staða og skoða sveitina og staðina sem við erum að fara vinna með. Og á föstudaginn fórum að við á ferðasýningu í Manchester sem var gaman þar sem við gátum líka aðeins skoðað okkar um borgina og verslað.

Á laugardaginn fluttum við endanlega í húsnæðið sem við verðum í næstu 2 1/2 mánuð og það er bara frekar kósý. Náttúrulega er ég með stærsta herbergið hehehe en við erum öll með sérherbergi. Og ég er búin að setja inn nokkrar myndir. Getið kíkt á það.

Annars hef ég það bara ósköp notalegt hérna þó maður hafi pínu heimþrá en þetta er fínt og verður ábyggilega fljótt að líða.

Jæja þar til næst
See ya

Ég náði...................

2005-12-19T22:35:00.000+01:00

lokaprófinu mínu jibbí. Við þurftum að vera með fyrirlestur um verkefnið okkar og svo þurftum við að verja það og það tókst nokkuð vel hjá okkur.

Nú erum við í Köben hjá honum Mummsa okkar að slaka á. Við vorum að koma inn eftir labbitúr um jólatívolíið sem var kalt en mjög gaman. Á morgun förum við svo heim jibbí. Ég hlakka ekkert smá til. Þannig að á meðan ég er heim þá veit ekki hversu dugleg ég verð að blogga svo ég vil bara óska ykkur öllum gleðilegra jóla og farsældir á komandi ári.

Þar til næst
See ya

Nú er það sko...........

2005-12-17T10:34:00.000+01:00

Jólalegt hérna hjá okkur í Kolding og vika í jólin. Þegar ég vaknaði þá var búið að snjóa í alla nótt og allt þakið snjó. Vá hvað ég komst í jólaskapið þó það var nú komið nokkuð síðan hehehe. Nú setur maður bara jólalög á fóninn og fer að pakka niður fyrir Íslandsferð.

Nú ætla ég að koma mér í gang svo Finnur haldi ekki að ég geri ekki neitt á meðan hann er í vinnunni. Já hann er að vinna á laugardegi bömmer. Ég veit ekki hversu dugleg ég verð að blogga eftir að ég kem heim en ég skal gera mitt best. Fer í raun allt eftir bróður mínum ef hann leyfir mér að nota tölvuna sína hehehehe.

Jæja þar til næst

See ya