Skólinn minn

Vá ég bara varð að deila þessu með ykkur. Ég veit ekki hvort þetta er með alla skóla í Danmörku en þá er greinilega miklu fjármagna eytt í skólana hérna. Skólinn minn IBA er mjög tæknivæddur og nýtískulegur. Fyrir utan allar stofur eru lítill tölvuskjár sem hægt er að sjá hvaða tími er í hverri stofu og svo eru stærri sjónvarpsskjáir utan um allan skólann og allt þetta er Bang & Olufsen. Einnig út um allan skólann eru listaverk, bæði skúlptúrar og málverk eftir þekkta höfunda þó ég man ekki nöfnin á þeim eins og er. Ég er í tíma sem heitir Art & Design og kennarinn, sem heitir Bo Beck, var að segja okkur að stólarnir sem við sitjum á í kaffiteríunni kosta 2000 dkr stykkið. dísus cræst. Í fyrirlestrarsalnum eru voða fínir stólar og lítið borð fyrir fram hvern stól sem hægt er að færa nær manni, ekki þessi frábæru hliðarborð í háskólabíó. Og svo sitjum við á skrifborðstólum ekki litlum og allt of óþægilegum stólum eins og heima.

Ég er búin að komast að því(þó maður vissi það svo sem alveg) að ríkið heima sveltir skólana, ríkið eyða bara peningunum í að hækka launin hjá þingmönnum. össsssss

Jæja alla vega þar til næst

See ya

Þýskalandsferð

Jæja þá er maður búin að fara í þessa frægu ferð til Þýskalands að versla áfengi. Og það var verslað. Við byrjuðum á því að ná í þennan fína og flotta bílaleigubíl sem var Peugot 407. Ekkert smá flottur og Finnur fílaði sig í tætlur á svona flottum bíl. Við náðum svo í Ívar sem er á öðru ári í IBA og ætlaði hann að sýna okkur leiðina og hvar verslunin var en við villtumst smá en það reddaðist svo að lokum. Við versluðum fullt fyrir lítin pening. Ég held að við eigum áfengi allavega út árið, en það fer allt eftir því hversu duglegir gestirnir verða, sem eiga eftir að koma í heimsókn. By the way Kristín ég er enn að bíða.

Við keyptum 15 kassa af bjór(3 kassar kostuðu 100 dkr), 3 kassa af gosi(3 kassar kostuðu 100 dkr) og 3 kassa af píkubjór(kassinn var á 100 dkr), líter(líterflöskurnar kostuðu 90 dkr) af vodka, viský, malibu, gin, 3 rommflöskur(sem kostuðu 100 dkr allar saman), snafs sem heitir krít og bragðast eins og skólarkrítarnammið, dooley's, rauðvín, rósarvín og hvítvín.
Ef maður sækir um nógu snemma ætli maður komist þá inn á Vog þegar skólinn er búinn. Athuga málið.(myndir af Þýskalandsferðinni komnar inn)

En þetta var annars mjög gaman að prufa þetta og maður á eftir að fara aftur til Þýskalands þegar þessar birgðir klárast.

Laugardagurinn var mjög rólegur, prufaði að baka brauðbollur í ofninum sem heppnuðust svona rosavel og svo fórum við til Dodda og Írisar að spila póker sem er mjög gaman og bara vinsælt hérna í Danmörku.
Finnur keypti svona tösku með 500 pókerpeningum í ásamt 2 spilastokkum og teningum í voða flottri áltösku á 200 dkr. Vorum að skoða þetta á www.gismo.is sem eru að selja þetta heima og þar kostar svona taska, eins og Finnur keypti sér, 12.990.- sem er fáranlega dýrt. Álagning dauðans.

Á sunnudeginum elduðum við okkur Ný Sjálenskt lambakjöt sem var í hvítlauksmareneringu og það var mjög gott. En mig langar samt ógeðslega mikið í íslenskt lambalæri nammi gott. Kannski mamma og pabbi komi með eitthvað gott frá Íslandi þegar þau koma í heimsókn, maður veit aldrei.

Jæja ég er að spá í að fara vinna að fyrsta verkefninu í skólanum en ég á að gera framtíðaráætlun og skrifa niður hvað ég ætla að verða þegar ég verð stór hahaha ég verð aldrei stór bara eldri og vitrari.

See ya

Skólinn byrjaður

Vá nú er september byrjaður. Árið er bara búið að líða hratt. Ég er byrjuð i skólanum og þó að það hafi verið sagt að skólinn fari rólega af stað þá er það ekki rétt þar sem við erum strax byrjuð að læra og varla búin að velja brautina sem við ætlum að taka.

Helgin var mjög róleg hjá okkur. Við fórum upp til Vejle í heimsókn til Sigrúnar og Atla(mömmu & pabba hennar Hjördísar) og þar hittum við náttúrulega Hjördísi og svo var bróðir hennar þar sem sína konu og lítinn engil sem heitir Telma og er 7 mánaða. Það var geggjað veður þegar við komum og sátum við bara út á palli í steik milli 6 og 8 áður en maturinn var borin fram. Við fengum æðislegan góðan mat og var borðað yfir sig. Eftir mat fórum við bara aftur út á pall og sátum þar í góðu yfirlæti með pallahitar til að hlýja okkur þar sem það kólnaði hratt eftir að sólin fór. Hjördís og Atli skutluðu okkur svo á lestarstöðina og fórum heim með lestinni.

Í gær var svokallað pubcrawl í skólanum og byrjaði það kl 12 á hádegi. Var okkur fyrstaárs nemum skipt upp í nokkra hópa og var þema í hverjum hóp fyrir sig. Minn hópur voru íþróttarfólk. Og var ekki erfitt fyrir mig að finna einhver föt fyrir það. Leiðin lá svo niðrí bæ þar sem það var rölt á milli pöbba og farið í leiki og drukkið(mismikið á hverjum stað). Um fimmleytið lá leiðin upp í skóla aftur þar sem í boði voru pizzur og ódýr bjór.
Var maður orðin vel kenndur eftir þennan dag en þetta var geggjað stuð og góð leið til að kynnast öðru fólki frá öðrum löndum(þar sem jú maður er aðeins opnari þegar áfengi er við hönd)

Svo í dag var mjög erfitt að vakna til að mæta í skólann kl 8:10 og ég er bara ekki frá því að maður sé pínu þunnur og MJÖG þreyttur.
Er mikið að spá í að leggja mig eða láta sólin sjá um að losa mig við þynnkuna og setjast bara út og lesa í góða veðrinu. En alla vega báðir kostirnir mjög svo heillandi

Þar til næst
See ya

Hrakfallabálkur

Loksins loksins komin með fataskáp. Við fórum á mánudaginn í IKEA í Århus og versluðum fullt af dóti eins og fataskáp, kommóðu, dvd hillu, húsbóndastól og vínrekka(ekki veitir af þar sem það eru alltaf tilboð á rauðu og hvítu og alltaf 6 saman í tilboðinu). Og þar sem Finnur er að vinna allann daginn þá ákvað ég nú að byrja bara á að setja nokkra einfalda hluti saman, eins og vínrekkann, stólinn og dvd hilluna. Og eins og er alltaf með svona hillur þá þarf að negla bakhlið á hillurnar og mín ofsa dugleg byrjaði. Ég lamdi ekki nema 5 sinnum á þumaputtann minn og ég var bara orðin pirruð á þessum klaufaskap í mér að ég ætlaði ekki að láta eitthvað svona stoppa mig í að setja helv....... hilluna saman.
En allt er gott sem endar vel. Hillan fór upp og fötin inn í fataskáp. Jibbí ég bý ekki í ferðatöskum lengur og ég get fundið fötin mín núna. Tími til komin þar sem skólinn byrjar á morgun svo ég ætti að hafa einhver föt til í að vera í. Og Kristín ég fæ vonandi að vita á morgun hvenær vetrarfríið verður, læt þig vita.

Jæja ég ætla að halda áfram að taka til hérna áður en Finnur kemur heim úr vinnunni.

See ya

Blautur föstudagur

Ég og Finnur fórum í sakleysi okkar í bæinn í dag til að sækja um húsaleigubætur og skattkort fyrir Finn. Svo lá leið okkar í símabúð til að fá gsmnr., sem við fengum, en á meðan við vorum inn í búðinni þá kom hellirigning. Við vorum ekki klædd fyrir rigningu heldur vorum við bara gallabuxum, íþróttapeysu og ég í sandölum.


Við létum rigninguna ekki stoppa okkur heldur hlupum við í pollum og lækjum í áttina að strætó og fórum upp í Kolding Storecenter að versla auka kodda og sæng fyrir gestina okkar. Maður varð frekar blautur á þessu hlaupi svo það var ósköp notalegt að komast heim í hlý og þurr föt.

Finnur er annars búin að vera vinna í 3 daga og á víst að mæta í nýja vinnu á mánudagsmorgun sem er mjög gott en maður vona bara að hann fá fasta vinnu fljótlega ekki svona auka, en það kemur í ljós.

Núna erum við bara að bíða eftir skólafélaga mínum honum Snorra sem var að flytja hingað og við ætlum að fara skoða verð á bílaleigubílum því við ætlum að reyna fara í IKEA sem fyrst til að versla fataskáp og Snorri þarf að versla önnur húsgögn svo það væri frábært að komast þangað á morgun þá fæ ég kannski fataskáp svo ég geti raðað fötunum mínu svo ég finni þau.HAhahahahhahahah

Þar til næst

See ya

Rrrrrrrrrrrrrrrrrrrrrrrrrrring

Gærdagurinn byrjaði á því að heimasíminn hringdi kl. 7 um morgunin. Halló hver hringir kl. 7 á morgnanna. Ætti að vera bannað með lögum. En þetta var víst vinnumiðlun sem Finnur var búin að skrá sig á og hún var með starf handa honum í 2 daga. Þetta er vinnumiðlun sem sérhæfir sig í að útvega fólk ef fyrirtækjum vantar aukastarfsfólk í stuttann tíma. Svo Finnur fór að vinna í gær og ég hélt áfram að sofa. En ég svaf ekki lengi þar sem viðgerðarmaðurinn hringdi kl. 8:20 út af loftnetinu sem þurfti að laga og ætlaði hann að koma upp úr hádegi. Gott mál. Ég ákvað að skríða aftur upp í og kúra lengur þar sem klukkan átti ekki að hringja fyrr en 10. Kl. 10 ákvað ég að ég nennti ekki að kúra lengur og var að skríða fram úr þegar dyrabjallan hringdi. HVAÐ NÚ. Ekki var þetta viðgerðarkallinn heldur var þetta maður til að mæla notkun á heita vatninu. Þetta var greinilega morgun sem ég átti ekki að fá að sofa út.

En ég var nú samt mjög dugleg í gær því ég fór og náði í skólabækurnar á pósthúsið og bar þær heim. Ekki nema 8-9 kg í 23 stiga hita. Þetta tók heldur betur á.


Finnur fór aftur að vinna í morgun. Hann þurfti að vakna kl. 5:30 eða ég þurfti að vakna kl. 5:30 til að passa að hann færi fram úr því hann þurfti að taka strætó kl. 6. Ég snéri mér nú bara á hina hliðana og hélt áfram að sofa múhahahahahah.
Svo í dag hef ég ákveðið að vera löt þar sem það er 18 stiga hiti, skýjað og rigningardropar byrjaðir að falla.

Jæja ég ætla að halda áfram með letikastið mitt og færa mig yfir í sófann með teppi og góða bók.

See ya

Kolding

Jæja þá erum við komin til Kolding og flutt inn. Við áttum frábæra daga í Köben hjá Mumma. Við erum á fullu að standsetja íbúðina núna og gera hana fína. Eins og þið sjáið þá er ég komin á netið og gerðist það bara áðan sem er mjög gott á danskan mælikvarða þar sem við sóttum um það á mánudaginn. Við getum loksins farið að slaka á þar sem við erum búin að versla það helsta fyrir íbúðina og erum að leggja lokahöndina á að gera hana kósý.
Finnur fær að vita með vinnu í næstu viku svo við krossleggjum bara fingra og vonum það besta.

Ok Kolding er lítill bær en mjög fínn. Við búum á frábærum stað í bænum og er stutt í allt saman hjá okkur. Ég held barasta að okkur eigi eftir að líka vel við að búa hérna. Um helgina er svo kallað Kulturweekend hérna í Kolding og það er fullt af tónlistarmönnum sem verða hérna um helgina, þ.á.m. Olsen bræður, og svo er mikið fyllerí. En það er lagi þar sem það setur mann ekki á hausinn við að kaupa sér bjórkassa hérna. T.d. kostaði í gær kassi af Tuborg Classic með 30 flöskum í 79.95 DKR og reiknið nú.

Ég er að spá í að fara koma mér í háttinn. Við erum búin að vera í allt kvöld að setja saman hillusamstæðu sem við vorum að kaupa og sjónvarpið er of stórt svo það passar ekki, en Finnur kallinn ætlar að reyna fixa þetta til og það eina sem honum vantar í það er handsög. Veit ekki alveg hvar hann ætlar að fá hana lánað en það kemur í ljós á morgun. Hann er búin að vera voða duglegur að setja saman hluti og bera hluti.

Jæja þar til næst
See ya

Ég er lent í kóngsins Köbenhavn

Jæja þá er maður bara komin út til Danmerkur. Við lentum í gær í Köben og gistum núna hjá honum Mumma okkar þar til við förum yfir til Kolding á mánudaginn. Veðurguðirnir eru að bregðast mér því það er ekkert spez veður hérna. Ég vona bara að það fara að lagast og sólin fari að skína.
Við löbbuðum Strikið í gær og enduðum á geðveiku steikhúsi sem heitir Jensen Bofhus og þar fékk ég bestu nautasteik í heimi. Við ætlum að kíkja í Tívolíið annað kvöld svo maður getur þá sagt að maður sé búin að fara í það.

Jæja best að fara hætta þessu, þar til næst
See ya

Danmörk ég er á leiðinni

Jæja þá eru aðeins 3 dagar þar til maður fer út. Get ekki beðið. Það er mikið að gera svona síðustu dagana fyrir brottför, svo það gefst lítill tími í blogg. Þannig að þið verðið bara að fyrirgefa mér fyrir þetta. Næsta blogg kemur þegar ég lendi í Kolding mínum nýja heimabæ.

Svo þangað til næst
See ya

Pakka, pakka, pakka

Jæja ég er víst ekki búin að vera standa mig í að blogga. SORRY.
Ég er á fullu í að klára að pakka og það er ekki hægt að þverfóta fyrir pappakössum heima eins og er. Ég er að leggja lokahöndina á búslóðina því þetta þarf að klárast fyrir föstudaginn því þá er ég víst búin að lofa kveðjupartýi. Það styttist óðum í að ég fari út og í dag þá á ég 9 vinnudaga eftir. ÉG HLAKKA SVO TIL að komast í frí og sleikja sólina sem verður vikuna eftir verslunarmannahelgi og sem bíður eftir mér þar til ég kem út til Köben. Ég er nefnilega búin að að semja við veðurguðina um að hafa gott veður þegar ég hætti svo það er eins gott að þeir standi við það. Ég ætti kannski að að fara hætta þessu núna en ég skal reyna standa mig betur í að blogga(oftar) hahahahahahahahah

Jæja við heyrumst see ya

Sumarfrí

Eins og stað er í dag þá öfunda ég alla sem eru að fara í sumarfrí. Eftir sit ég með sárt ennið og á 24 vinnudaga eftir þar til ég hætti. Þetta er kannski orðið slæmt þegar maður er farin að telja niður neeeeeeeeeee.
Ég er annars byrjuð að pakka ógeðslega dugleg. Finnur mætti samt vera duglegri að hjálpa mér, annars held ég að hann vilji bara halda sér frá þessu þar sem ég er úber skipulögð og vil hafa allt í röð og reglu og hann heldur bara að hann eigi eftir að klúðra einhverju hahahahahaha :) Annars er það búið að taka hann 2 daga að ganga frá geisladiskunum sínum og rippa þá og ég á 5 sinnum fleiri diska og það tók mig 2 daga að klára og hann er ekki hálfnaður bögg.

Jæja kannski maður haldi bara áfram að pakka og taka niður hillu og svoleiðis. Ég verð víst bara að gera það sjálf. Finnur er ekki nálægt svo ef ég klúðra einhverju þá kennum við honum bara um þar sem hann var ekki á staðnum hahahahahahahah.

Jæja þar til næst see ya

bleeeeeeee

Vááááááááááá hvað dagurinn getur verið lengi að líða. Það eru 45 mín. eftir af vinnunni og í langa helgi og ég er farin að telja niður í sekúndum. Ég nenni þessu engan veginn lengur. Ég hlakka svo til að hætta og komast í frí og fara út til Danmerkur. Can't wait. Þá fæ ég að hitta Mumma minn (sorry Árný) sem ég er ekki búin að hitta mjög lengi. Mummi ég er farin að telja niður dagana.

Jæja best að fara hætta þessu bulli. See ya

blogg hvað

Jæja þá er maður bara byrjaður að blogga eða alla vega að reyna það. Ég ætla að gera mitt besta í því að koma öllu til skila því sem maður gerir í Danaveldinu þar sem jú ég er að fara flytja þangað eftir 2 mánuði. :)
Svo please verið þolinmóð ég er að vinna að síðunni minni.