Verkefnavika

Þá er verkefnaviku frá helv.......... lokið. Þetta er búin að vera strembin vika með erfiðum hópmeðlimum. Það er erfitt þegar fólk gerir ekki það sem það á að gera og maður endar á því að gera nánast allt. En Mæja elskan stóð sig eins og hetja þó hún væri heima á Íslandi. En ég er bara fegin að þetta er búið. Eitt project búið 2 eftir hehe.

Annars er ég að fara með skólanum til Hamborgar á mánudaginn. Hlakka bara til. Munum leggja af stað kl 7 um morgunin og komum tilbaka upp úr miðnætti. Þetta verður gaman og verða örugglega teknar einhverjar myndir.


Jæja ég hef eiginlega ekkert annað að segja.

Þar til næst

See ya

Snjókorn falla lalalalalala

Vildi bara láta ykkur vita að fyrsti snjórinn féll hérna í Danmörku. Alveg ekta jólasnjór en hann hvarf samt mjög fljótt aftur út af rakanum. En djöf....... var kalt í dag. Það var í kringum 5°C í dag sem þýðir í kringum -4°C á íslenskum mælikvarða.


Þettu voru annars veðurfréttirnar frá Kolding, DK.

Þar til næst, see ya

England here I come

Jæja þá er það komið á hreint að ég er að fara til Englands í janúar í placement og kem ekki til baka fyrr en í endan mars. Þetta er lítill bær sem heitir Wyre Borough og er í Lancashire sem er ekki langt frá Blackpool. Ég verð að vinna á ferðamannaskrifstofu ásamt tveimur öðrum úr bekknum mínum, Snorra og Ole. Við munum öll búa saman og fáum kannski bíl til umráða til að keyra til og frá vinnu og einnig til að fara í verkefni út í bæ. Bara geggjað, veit samt ekki hvernig það verður að keyra vinstra megin hehehehe en það kemur í ljós.
Og ef þið viljið vita hvað ég ætla gera við Finn, þá ætla ég að skilja hann eftir hérna í Danmörku. Það þarf einhver að vinna fyrir mér hehehehe
En ég fæ að vita meira seinna í vikunni þar sem nýji yfirmaður minn ætlar að tala betur við okkur þá.

Annars er ég núna grasekkja þar sem Finnur er að vinna á Sjálandi og verður að vinna frá mánudegi til fimmtudags. Þetta verður fínn aukapeningur sem hann fær fyrir þetta.

Þetta var nú bara það eina sem ég vildi segja

Þar til næst
See ya

Glædileg jul og godt Tub'år......

Jæja þá er komin 7 nóvember og aðeins 31 dagar þar til ég verð 25 ára. Gaman gaman.
Síðasta föstudag var jólatuborginn kynntur með pompi og prakt. Gervisnjór og allur pakkinn. Annars var þetta voða gaman að fá að upplifa þetta og var farið á Crazy Daizy og tjúttað.

Á laugardaginn brunuðum við á bílaleigubíl til Köben til að tjútta með Sálinni. Við gistum hjá Mumma og Árnýju og þökkum við fyrir gestrisnina. Við hittum svo Ástu og Óskar í Köbenog fórum við með þeim á Sálina. Það var rosalega gaman. Þeir voru geggjað góðir og við skemmtum okkur konunglega. Við hittum þó nokkra Íslendinga sem við þekkjum og var það bara gaman. En við fengum eiginlega samt svona overload af Íslendingum og ókurteisinni hjá þeim. Vááá ég var búin að gleyma því hvað Íslendingar geta verið dónalegir og frekir þegar þeir eru í glasi. Ég hitti gamlan skólabróður minn hann Ómar, sem býr hérna úti, og lenti hann í því að rekast aðeins utan í einn mann og baðst hann strax afsökunar en maðurinn var ekki á því að fyrirgefa það og ýtti við Ómari og hellti svo heilu bjórglasi yfir hann. En við fórum allavega heim með bros á vör eftir velheppnað kvöld. Við viljum þakka Sálinni fyrir frábært kvöld.

Nú snýr maður sér að lærdómnum þar sem það er eitt mjög stórt verkefni og tvö aðeins minni framundan og svo náttlega 25 ára afmælið mitt sem ég er búin að ákveða að halda upp á.

Eitt enn hann Baldur elskan á afmæli í dag svo við óskum honum til hamingju með daginn.



Jæja farin í bili
See ya

P.S nýjar myndir komnar inn

Helgin sem leið

Nú hefur október runnuð sitt skeið með tilheyrandi partýstandi hjá okkur skötuhjúunum.
Föstudagskvöldið byrjaði á því ég hélt bekkjarpartý sem var bara bara stuð. Það var bara nokkuð góð mæting ásamt því að nokkrir Íslendingar sem eru ekki með mér í bekk kíktu inn. Þakka ég Hreiðari, Gumma og Ívari fyrir innlitið þótt stutt væri en Óli stóð sig eins og hetja og var með þeim síðustu út ásamt Mæju óléttu. En þegar allt kom til alls þá skemmtu allir sér mjög vel.

Laugardagurinn fór í það að sofa aðeins og skera út grasker, handa Hjördísi, sem Finnur gerði með prýði. Svo lá leið okkar til Århus í 25 ára afmælið hennar Hjördísar. Þar var tekið vel á móti okkur af Hjördísi og Mikkel. Bauð Hjördís upp á rosa fínan mat sem innhélt mikið af chilli. Var hún rosa sniðug að hafa tvo missterka rétti sem víxluðust svo að rétturinn sem átti að vera sterkari var merktur mellem stærk sem ég fékk mér náttúrulega. Mér sveið svo mikið í kjaftinn að þetta náði örugglega að brenna langleiðina niður í rass. En þetta uppgvötaðist fljótt svo allir voru sáttir á endanum. Eftir mat var farið að drekka meira til að slökkva alla elda og mingla við aðra Íslendinga og dani. Við töluðum ekki mikla dönsku enn Finnur lærði aðalega tvær setningar sem voru "for helvede" og "for satan". Hjá Hjördísi var dansað og drukkið fram á rauða nótt eða til 6 um morgunin. Við vorum öll vöknuð upp úr hádeginu og héldum við út eftir morgun og/eða hádegismat í salinn þar sem afmælið var haldið og hjálpuðum við þeim að taka til. Við héldum svo heim á leið seinnipartinn og enduðum á að fá okkur kebab þar sem við nenntum ekki að elda.

Þar sem við búum í Danmörku þá erum við alltaf 2 eða 1 tímum á undan okkar fallega Íslandi. Aðfaranótt sunnudags færðist klukkan aftur um einn tíma og var það voða næs að græða svona einn auka tíma. Finnur var þó ekki alltof sáttur við þetta og var ekki alveg að gúddera það að þurfa breyta öllum klukkum. En mér tókst að sannfæra hann að lokum, eða tókst mér það??????

Nú er nóvember byrjaður með trompi. Í því felst mikill heimalærdómur í skólanum og svo bætist við dönskukennslan. var að velta því fyrir mér hvort maður gæti ekki bara frestað öllum svefn til að fá fleiri klst. í sólahringinn. Þarf að kanna það betur.

Jæja ætla að fara hætta þessu bulli þar sem ég er að fara í eitthvað stórt stöðupróf á morgun. Og það fyndna við það að kennararnir geta ekki verið sammála um það hvort þetta próf gildir eitthvað eða ekki. Það kemur allt saman í ljós.

Vá ég gleymdi næstum því einu. Hann Toddi elskan á afmæli í dag. Til hamingju með afmælið vinur.

Og ég er búin að setja fleiri myndir inn.
See ya

Haustið er komið

Þá er haustið komið með kulda, rigningu og vindi. Svo það var ósköp notalegt að Finnur er með vinnubíl og var að fara vinna í Kolding í dag því ég fékk hann til að skutla mér í skólann í morgun þar sem það var svo leiðinlegt veður.

Ég fór á listasafnið hérna í Kolding sem heitir Trapholt og það voru áhugaverðir hlutir þarna eins og gullfiskar í blandara, uppþornuð bananahýði og rotnandi fuglar. Og fólk kallar þetta list fuss og svei.
En það var eitt þarna sem ég hafði meiri áhuga á og það var svokölluð Plastic Fantastic sýning með fullt af dóti búnu til náttlega úr plasti en þessi stóll fékk alla mína athygli þar sem hann er alveg eins og stóllinn sem við frændsystkinin lékum okkar að þegar við vorum yngri ehima hjá ömmu & afa.






Geggjaður finnst ykkur ekki.
Jæja ég ætla að fara undirbúa mig fyrir dönskukennslun sem við erum að fara í í kvöld.

See ya

Vetrarfrír

Þá er vetrarfríið byrjað og fyrstu dagarnir eru búnir að vera æðislegir. Mamma og pabbi komu síðasta miðvikudag og það var ekkert smá gaman að fá þau í heimsókn. Þau komu með fullt af gotteríi frá Íslandi eins og kaldar sósur, harðfisk, BBQ sósu og svo fengum við líka flatkökur og hangikjet frá Stínu ömmu hans Finns.
Miðvikudagskvöldið var frekar rólegt hjá okkur en við átum öll yfir okkur af mínútusteik sem Finnur eldaði sem var mjög góð og svo kíkti Hjördís í heimsókn til okkar þar sem hún var að vinna hérna í Kolding. Á fimmtudeginum röltum við um bæinn og fórum á kaffihús og þeim leist bara vel á á litla bæinn sem við búum í. Ég og Finnur fórum svo í Sprogeskolen til að klára stöðuprófið og fengum svo að vita að við eigum að mæta í dönskukennslu 25 okt og er þetta ferli bara búið að taka rúman einn mánuð.
Á föstudeginum fórum við upp í Storcenter með foreldrasettið að versla nokkrar jólagjafir, eða ég og mamma versluðum og pabbi og Finnur sátu á pöbbnum You Will Never Walk Alone og drukku bjór. Ég fékk meira segja fyrirfram afmælisgjöf frá mömmu og pabba sem var geggjað pils og belti. Takk mamma og pabbi.
Við enduðum svo á Jensen Bofhouse og átum yfir okkur og hlógum eins vitleysingar að ég er búin að vera með verki í maganum alla helgina. Ég er bara hissa að okkur hafi ekki verið hent út fyrir að vera með hávaða.
Laugardagurinn var notaður til að rölta um bæinn og fara í Koldinghúsið og kíkja á útsýnið yfir bæinn. En haldið ekki að slökkviliðið hafi ekki bara mætt á svæðið á sama tíma við til að slökkva eld í veitingahúsinu sem er í kjallaranum og eins og sannir Íslendingar fylgdumst við náttúrulega aðeins með.
Í gærkveldi elduðum við hátíðarskinku með brúnuðum kartöflum og sveppasósu og váááááááá hvað þetta var gott.
Í morgun þurfti ég svo að kveðja mömmu og pabba þar sem þau fóru til Köben og fara svo til Íslands á morgun. Þó ég hefði alveg viljað hafa þau lengur snökt snökt.

Núna nýt ég bara fríið í að læra á fullu. Ég er svo dugleg. En við erum með einar góðar fréttir. Finnur er komin með fasta vinnu. Fengum að vita það í gær. Þetta er frábært og mikill léttir hjá okkur skötuhjúunum. Hann fær meira segja bíl til að keyra til og frá vinnu og við megum nota hann hérna innanbæjar ef við viljum. Geggjað.

Jæja þar til næst
See ya

Nýjustu fréttir

Jæja þá koma nýjustu fréttir af okkur skötuhjúunum í Kolding. Það er búið að vera nóg að gera hjá okkur síðan ég bloggaði síðast að ég veit bara ekki hvar ég á að byrja. En jæja þá dembi ég mér í þetta. Finnur er búin að vera mjög heppin hvað varðar að fá einhverja vinnu hjá þessa Vikargruppen fyrirtæki þar sem hann er búin að vera vinna núna stanslaust síðastliðnar 2 vikur, sem er bara mjög gott og hann á að halda áfram hjá einhverju kíttisfyrirtæki næstu 2 vikurnar í viðbót.

Annars er ég búin að vera á fullu í skólanum og á að klára 2 verkefni fyrir næsta föstudag sem verður dáldið strembið en ég stefni á að klára þau bæði fyrir fimmtudaginn þar að segja ef stelpan sem ég er með í hóp í öðru verkefninu fer að drullast til að gera eitthvað en svona er það bara þegar maður er freelóder.

Fimmtudaginn fyrir rúmri viku síðan fórum við nokkur úr bekknum á stúdentapöbbinn og fengu okkur nokkra öllara en ég var ein af þeim vitru sem fór heim um eittleytið en það voru nokkrir sem fóru niðrí bæ og fóru víst ekki heim fyrr en um fjögurleytið og voru flestir frekar þreyttir og pínu þunnir á föstudeginum í skólanum hehehe.
Á laugardeginum var okkur boðið í afmæli. Ég fór til Heiðu í afmæli og var meirihlutinn kvenkyns í því afmæli sem var bara gaman en Finnur fór í afmæli til Dodda sem var haldið heima hjá Gumma og Ívari og var Selfoss þema þar sem þeir eru báðir frá Selfossi. Þeir sem vita ekki hvað Selfoss þema þýðir þá gengur það út á brúnku, tonn af hárgeli og sólgleraugu. Strákarnir borðuðu saman og spiluðu póker og enduðu svo á því að koma til Heiðu og þar var haldið áfram að djamma þar til allir fóru í bæinn eða heim til sín.

Síðasta vika fór bara í að læra, vinna og rólegheit hjá okkur skötuhjúunum. Reyndar hömuðumst við að taka til fyrir hann Konna félaga okkar sem ætlaði að koma í heimsókn en hann sveik okkur um það. Veit ekki hvort honum verði boðið aftur í heimsókn.
Í gær skruppum við svo upp í storcenter með Óla og Mæju og versluðum 2 jólagjafir og annað smotterí. Um kvöldið komu þau svo í mat til okkar og ég eldaði þetta dýrindis læri, með brúnuðum kartöflum, gulum baunum, fersku salati og sveppasósu. Og ég held bara að öllum hafi þótt þetta mjög gott, allavega sátum við öll afvelta hérna og spiluðum svo póker, sem Óli vann(og var það víst í fyrsta skiptið).

Nú mamma og pabbi eru að koma í heimsókn til okkar á miðvikudaginn og verða hérna fram á mánudag. Ég hlakka svo til að fá þau í heimsókn því ég sakna þeirra bara mikið. Þau ætla líka koma með fullt af góðgæti frá Íslandi nammi namm.

Jæja þar til næst

See ya

Strandblak

Haldið þið ekki að mín hafi ekki bara skellt sér í strandblak í gær. Geðveikt dugleg. Þetta byrjaði á því að Íris hringdi í okkur og spurði hvort við værum game í smá strandblak og við játtum því og skelltum okkur bæði tvö. Fyrst þurftum við reyndar að labba dágóðan spöl að vellinum og inn í þessum dágóða spöl var brekka dauðans, þannig að þegar við loksins komum að vellinum þá var maður búin eftir allt þetta labb. En eftir 5 mín. pásu þá byrjuðum við að spila og vá hvað þetta tók á. Ég hef ekki spilað blak síðan í MS og það eru 7-8 ár síðan og Finnur hefur aldrei spilað blak en við stóðum okkur þokkalega. Svo var líka geggjað gott veður, fengum sól c.a. 17 stiga hiti. Við spiluðum blak í svona 2 1/2 tíma og enduðum svo í gamla góða skotboltanum. Mér leið eins og væri komin aftur í tímann og væri að spila skotbolta í fríminútunum í barnaskóla. Gömlu góðu dagarnir.

Eftir blakið var haldið heim á leið sem var mun auðveldara þar sem við þurftum ekki að labba upp neina brekku. Elduðum við svo þessa fínu lambasteik með smjörsteiktum sveppum nammi.
Við vorum reyndar svo búin eftir strandblakið að við lágum eins og skötur í sófanum og mér leið eins og níræðri kellingu öll lurkum lamin.

Ég er reyndar ekki frá því að vera með pínu harðsperrur eftir strandblakið og litla fjólublá bletti á framhandleggnum. Já já ég veit að íþróttir eru hættulegar en þetta var svo gaman að ég segi örugglega já aftur ef það verður farið aftur í strandblak.

Jæja er farin að læra.
See ya

Þú varst klukkuð

Jæja það er víst búið að klukka mig. Og hvað er það, jú þetta gengur út það að ef maður er klukkaður þá á maður að skrifa 5 tilgangslausa hluti um sjálfan sig og klukka svo 5 aðra bloggara. Jæja verður maður ekki bara að demba sér í þetta.

1. Ég á hægri hliðina í rúminu.
2. Ég elska gulrætur.
3. Ég labba alltaf í skólann.
4. Mér finnst bjór vondur.
5. Ég veit hvað eru margir dagar þar til ég á afmæli.

Og þeir óheppnu sem verða klukkaðir af mér eru, Laufey, Halla skvísa, Konni elskan, Unnur tengdó og Óli hennar Mæju.

Jæja þá er þetta búið og ég er búin að setja keðjuna af stað frá mér. Enjoy everybody

See ya

Skólinn minn

Vá ég bara varð að deila þessu með ykkur. Ég veit ekki hvort þetta er með alla skóla í Danmörku en þá er greinilega miklu fjármagna eytt í skólana hérna. Skólinn minn IBA er mjög tæknivæddur og nýtískulegur. Fyrir utan allar stofur eru lítill tölvuskjár sem hægt er að sjá hvaða tími er í hverri stofu og svo eru stærri sjónvarpsskjáir utan um allan skólann og allt þetta er Bang & Olufsen. Einnig út um allan skólann eru listaverk, bæði skúlptúrar og málverk eftir þekkta höfunda þó ég man ekki nöfnin á þeim eins og er. Ég er í tíma sem heitir Art & Design og kennarinn, sem heitir Bo Beck, var að segja okkur að stólarnir sem við sitjum á í kaffiteríunni kosta 2000 dkr stykkið. dísus cræst. Í fyrirlestrarsalnum eru voða fínir stólar og lítið borð fyrir fram hvern stól sem hægt er að færa nær manni, ekki þessi frábæru hliðarborð í háskólabíó. Og svo sitjum við á skrifborðstólum ekki litlum og allt of óþægilegum stólum eins og heima.

Ég er búin að komast að því(þó maður vissi það svo sem alveg) að ríkið heima sveltir skólana, ríkið eyða bara peningunum í að hækka launin hjá þingmönnum. össsssss

Jæja alla vega þar til næst

See ya

Þýskalandsferð

Jæja þá er maður búin að fara í þessa frægu ferð til Þýskalands að versla áfengi. Og það var verslað. Við byrjuðum á því að ná í þennan fína og flotta bílaleigubíl sem var Peugot 407. Ekkert smá flottur og Finnur fílaði sig í tætlur á svona flottum bíl. Við náðum svo í Ívar sem er á öðru ári í IBA og ætlaði hann að sýna okkur leiðina og hvar verslunin var en við villtumst smá en það reddaðist svo að lokum. Við versluðum fullt fyrir lítin pening. Ég held að við eigum áfengi allavega út árið, en það fer allt eftir því hversu duglegir gestirnir verða, sem eiga eftir að koma í heimsókn. By the way Kristín ég er enn að bíða.

Við keyptum 15 kassa af bjór(3 kassar kostuðu 100 dkr), 3 kassa af gosi(3 kassar kostuðu 100 dkr) og 3 kassa af píkubjór(kassinn var á 100 dkr), líter(líterflöskurnar kostuðu 90 dkr) af vodka, viský, malibu, gin, 3 rommflöskur(sem kostuðu 100 dkr allar saman), snafs sem heitir krít og bragðast eins og skólarkrítarnammið, dooley's, rauðvín, rósarvín og hvítvín.
Ef maður sækir um nógu snemma ætli maður komist þá inn á Vog þegar skólinn er búinn. Athuga málið.(myndir af Þýskalandsferðinni komnar inn)

En þetta var annars mjög gaman að prufa þetta og maður á eftir að fara aftur til Þýskalands þegar þessar birgðir klárast.

Laugardagurinn var mjög rólegur, prufaði að baka brauðbollur í ofninum sem heppnuðust svona rosavel og svo fórum við til Dodda og Írisar að spila póker sem er mjög gaman og bara vinsælt hérna í Danmörku.
Finnur keypti svona tösku með 500 pókerpeningum í ásamt 2 spilastokkum og teningum í voða flottri áltösku á 200 dkr. Vorum að skoða þetta á www.gismo.is sem eru að selja þetta heima og þar kostar svona taska, eins og Finnur keypti sér, 12.990.- sem er fáranlega dýrt. Álagning dauðans.

Á sunnudeginum elduðum við okkur Ný Sjálenskt lambakjöt sem var í hvítlauksmareneringu og það var mjög gott. En mig langar samt ógeðslega mikið í íslenskt lambalæri nammi gott. Kannski mamma og pabbi komi með eitthvað gott frá Íslandi þegar þau koma í heimsókn, maður veit aldrei.

Jæja ég er að spá í að fara vinna að fyrsta verkefninu í skólanum en ég á að gera framtíðaráætlun og skrifa niður hvað ég ætla að verða þegar ég verð stór hahaha ég verð aldrei stór bara eldri og vitrari.

See ya

Skólinn byrjaður

Vá nú er september byrjaður. Árið er bara búið að líða hratt. Ég er byrjuð i skólanum og þó að það hafi verið sagt að skólinn fari rólega af stað þá er það ekki rétt þar sem við erum strax byrjuð að læra og varla búin að velja brautina sem við ætlum að taka.

Helgin var mjög róleg hjá okkur. Við fórum upp til Vejle í heimsókn til Sigrúnar og Atla(mömmu & pabba hennar Hjördísar) og þar hittum við náttúrulega Hjördísi og svo var bróðir hennar þar sem sína konu og lítinn engil sem heitir Telma og er 7 mánaða. Það var geggjað veður þegar við komum og sátum við bara út á palli í steik milli 6 og 8 áður en maturinn var borin fram. Við fengum æðislegan góðan mat og var borðað yfir sig. Eftir mat fórum við bara aftur út á pall og sátum þar í góðu yfirlæti með pallahitar til að hlýja okkur þar sem það kólnaði hratt eftir að sólin fór. Hjördís og Atli skutluðu okkur svo á lestarstöðina og fórum heim með lestinni.

Í gær var svokallað pubcrawl í skólanum og byrjaði það kl 12 á hádegi. Var okkur fyrstaárs nemum skipt upp í nokkra hópa og var þema í hverjum hóp fyrir sig. Minn hópur voru íþróttarfólk. Og var ekki erfitt fyrir mig að finna einhver föt fyrir það. Leiðin lá svo niðrí bæ þar sem það var rölt á milli pöbba og farið í leiki og drukkið(mismikið á hverjum stað). Um fimmleytið lá leiðin upp í skóla aftur þar sem í boði voru pizzur og ódýr bjór.
Var maður orðin vel kenndur eftir þennan dag en þetta var geggjað stuð og góð leið til að kynnast öðru fólki frá öðrum löndum(þar sem jú maður er aðeins opnari þegar áfengi er við hönd)

Svo í dag var mjög erfitt að vakna til að mæta í skólann kl 8:10 og ég er bara ekki frá því að maður sé pínu þunnur og MJÖG þreyttur.
Er mikið að spá í að leggja mig eða láta sólin sjá um að losa mig við þynnkuna og setjast bara út og lesa í góða veðrinu. En alla vega báðir kostirnir mjög svo heillandi

Þar til næst
See ya

Hrakfallabálkur

Loksins loksins komin með fataskáp. Við fórum á mánudaginn í IKEA í Århus og versluðum fullt af dóti eins og fataskáp, kommóðu, dvd hillu, húsbóndastól og vínrekka(ekki veitir af þar sem það eru alltaf tilboð á rauðu og hvítu og alltaf 6 saman í tilboðinu). Og þar sem Finnur er að vinna allann daginn þá ákvað ég nú að byrja bara á að setja nokkra einfalda hluti saman, eins og vínrekkann, stólinn og dvd hilluna. Og eins og er alltaf með svona hillur þá þarf að negla bakhlið á hillurnar og mín ofsa dugleg byrjaði. Ég lamdi ekki nema 5 sinnum á þumaputtann minn og ég var bara orðin pirruð á þessum klaufaskap í mér að ég ætlaði ekki að láta eitthvað svona stoppa mig í að setja helv....... hilluna saman.
En allt er gott sem endar vel. Hillan fór upp og fötin inn í fataskáp. Jibbí ég bý ekki í ferðatöskum lengur og ég get fundið fötin mín núna. Tími til komin þar sem skólinn byrjar á morgun svo ég ætti að hafa einhver föt til í að vera í. Og Kristín ég fæ vonandi að vita á morgun hvenær vetrarfríið verður, læt þig vita.

Jæja ég ætla að halda áfram að taka til hérna áður en Finnur kemur heim úr vinnunni.

See ya

Blautur föstudagur

Ég og Finnur fórum í sakleysi okkar í bæinn í dag til að sækja um húsaleigubætur og skattkort fyrir Finn. Svo lá leið okkar í símabúð til að fá gsmnr., sem við fengum, en á meðan við vorum inn í búðinni þá kom hellirigning. Við vorum ekki klædd fyrir rigningu heldur vorum við bara gallabuxum, íþróttapeysu og ég í sandölum.


Við létum rigninguna ekki stoppa okkur heldur hlupum við í pollum og lækjum í áttina að strætó og fórum upp í Kolding Storecenter að versla auka kodda og sæng fyrir gestina okkar. Maður varð frekar blautur á þessu hlaupi svo það var ósköp notalegt að komast heim í hlý og þurr föt.

Finnur er annars búin að vera vinna í 3 daga og á víst að mæta í nýja vinnu á mánudagsmorgun sem er mjög gott en maður vona bara að hann fá fasta vinnu fljótlega ekki svona auka, en það kemur í ljós.

Núna erum við bara að bíða eftir skólafélaga mínum honum Snorra sem var að flytja hingað og við ætlum að fara skoða verð á bílaleigubílum því við ætlum að reyna fara í IKEA sem fyrst til að versla fataskáp og Snorri þarf að versla önnur húsgögn svo það væri frábært að komast þangað á morgun þá fæ ég kannski fataskáp svo ég geti raðað fötunum mínu svo ég finni þau.HAhahahahhahahah

Þar til næst

See ya

Rrrrrrrrrrrrrrrrrrrrrrrrrrring

Gærdagurinn byrjaði á því að heimasíminn hringdi kl. 7 um morgunin. Halló hver hringir kl. 7 á morgnanna. Ætti að vera bannað með lögum. En þetta var víst vinnumiðlun sem Finnur var búin að skrá sig á og hún var með starf handa honum í 2 daga. Þetta er vinnumiðlun sem sérhæfir sig í að útvega fólk ef fyrirtækjum vantar aukastarfsfólk í stuttann tíma. Svo Finnur fór að vinna í gær og ég hélt áfram að sofa. En ég svaf ekki lengi þar sem viðgerðarmaðurinn hringdi kl. 8:20 út af loftnetinu sem þurfti að laga og ætlaði hann að koma upp úr hádegi. Gott mál. Ég ákvað að skríða aftur upp í og kúra lengur þar sem klukkan átti ekki að hringja fyrr en 10. Kl. 10 ákvað ég að ég nennti ekki að kúra lengur og var að skríða fram úr þegar dyrabjallan hringdi. HVAÐ NÚ. Ekki var þetta viðgerðarkallinn heldur var þetta maður til að mæla notkun á heita vatninu. Þetta var greinilega morgun sem ég átti ekki að fá að sofa út.

En ég var nú samt mjög dugleg í gær því ég fór og náði í skólabækurnar á pósthúsið og bar þær heim. Ekki nema 8-9 kg í 23 stiga hita. Þetta tók heldur betur á.


Finnur fór aftur að vinna í morgun. Hann þurfti að vakna kl. 5:30 eða ég þurfti að vakna kl. 5:30 til að passa að hann færi fram úr því hann þurfti að taka strætó kl. 6. Ég snéri mér nú bara á hina hliðana og hélt áfram að sofa múhahahahahah.
Svo í dag hef ég ákveðið að vera löt þar sem það er 18 stiga hiti, skýjað og rigningardropar byrjaðir að falla.

Jæja ég ætla að halda áfram með letikastið mitt og færa mig yfir í sófann með teppi og góða bók.

See ya

Kolding

Jæja þá erum við komin til Kolding og flutt inn. Við áttum frábæra daga í Köben hjá Mumma. Við erum á fullu að standsetja íbúðina núna og gera hana fína. Eins og þið sjáið þá er ég komin á netið og gerðist það bara áðan sem er mjög gott á danskan mælikvarða þar sem við sóttum um það á mánudaginn. Við getum loksins farið að slaka á þar sem við erum búin að versla það helsta fyrir íbúðina og erum að leggja lokahöndina á að gera hana kósý.
Finnur fær að vita með vinnu í næstu viku svo við krossleggjum bara fingra og vonum það besta.

Ok Kolding er lítill bær en mjög fínn. Við búum á frábærum stað í bænum og er stutt í allt saman hjá okkur. Ég held barasta að okkur eigi eftir að líka vel við að búa hérna. Um helgina er svo kallað Kulturweekend hérna í Kolding og það er fullt af tónlistarmönnum sem verða hérna um helgina, þ.á.m. Olsen bræður, og svo er mikið fyllerí. En það er lagi þar sem það setur mann ekki á hausinn við að kaupa sér bjórkassa hérna. T.d. kostaði í gær kassi af Tuborg Classic með 30 flöskum í 79.95 DKR og reiknið nú.

Ég er að spá í að fara koma mér í háttinn. Við erum búin að vera í allt kvöld að setja saman hillusamstæðu sem við vorum að kaupa og sjónvarpið er of stórt svo það passar ekki, en Finnur kallinn ætlar að reyna fixa þetta til og það eina sem honum vantar í það er handsög. Veit ekki alveg hvar hann ætlar að fá hana lánað en það kemur í ljós á morgun. Hann er búin að vera voða duglegur að setja saman hluti og bera hluti.

Jæja þar til næst
See ya